डौल मोराच्या मानचा Daul Morachya Manacha

जीवाशिवाची बैलजोड, लावल पैजेला आपली कुडं,

लावल पैजेला आपली कुड, नी जिवाभावाचं लिंबलोण



नीट चालदे माझी गाडी, दिन रातीच्या चाकोरीन,

दिन रातीच्या चाकोरीन, जाया निघाली पैलथडी रं !



डौल मोराच्या मानचा रं डौल मानचा


येग रामाच्या बानाचा रं येग बानाचा

तान्या-सर्जाची हं नाम जोडी

कुना हुवीत हाती घोडी माझ्या राजा रं



धरती आभाळाची चाकं, त्याच्या दुनवेची हो गाडी

सुर्व्या-चंदराची हो जोडी, त्याच्या सर्गाची रं माडी माझ्या राजा रं



सती शंकराची माया, इस्नू लक्षुमीचा राया

पुरुस परकरतीची जोडी, डाव परपंचाचा मांडी माझ्या राजा रं

डोंगरी शेत माझं ग Dongari Shet Majha Ga

डोंगरी शेत माझं ग, मी बेनू किती?

आलं वरीस राबून, मी मरू किती?



कवळाचा भारा बाई ग, घेऊन चढावं किती?

गवताचा भारा बाई ग, घेऊन चढावं किती?

आडाचं पाणी बाई ग, पाणी वडावं किती?

घरात तान्हा बाई ग, तान्हा रडंल किती?


तान्ह्याचं रडं ऐकून पान्हा येईल किती?



आलं आलं वरीस जमीन नांगरून

उभं पीक नाचे सोन्यानं फुलवून

पर एक मेला सावकार कोल्हा

हिसकून घेतो बाई, सोन्याचा गोळा

उपाशी राहून ग, आम्ही मरावं किती?



म्हागाईनं बाई, घातला हैदोस

गळा आवळी बाई, बेकारी फास


कुनाचे देऊ आन कुनाचं ठेवू

अशीच वर्सावर वर्स जातील किती?



अक्षय ऱ्हाया कुंकू कपाळा

संसार वेलीच्या फुलवाया फुला

रूप नवं आणू महाराष्ट्र भूला

जुलमाचे काच रावणी फास, एकीचं निशाण हाती !

डोंगर काठाडी ठाकरवाडी Dongar Kathadi Thakarvadi

डोंगर काठाडी ठाकरवाडी

ठाकरवाडीला झोपड्या चारी



भगताचा नाग्या उंबर भारी

गर्दीत धावऱ्या हुल्लड होरी

डोंगरपारी जुनी पथारी

ठाकरवाडीच्या डोलती वरी




झिंगून कोनी झिंगून कोनी

झिंगून कोनी अंग झोकूनी

फाटक्या वस्तीला जल्माच्या खनी

भगताचा नाग्या हुल्लड होरी

जुन्याच गोष्टी देवाच्या पारी

ऐकत बसते ठाकरवाडी

ठाकरवाडीच्या झोपड्या चारी

डोळ्यांवरून माझ्या उतरून Dolyavarun Majhya Utarun

डोळ्यांवरून माझ्या उतरून रात्र गेली

वचने मला दिलेली विसरून रात्र गेली !



डोळ्यांत जन्म सारा, दाटून डोह झाला

अश्रूंत चंद्र माझ्या विखरून रात्र गेली !



मी मानिले मनाशी, माझेच सर्व तारे


स्वप्नात हाय माझ्या विसरून रात्र गेली !



आश्वासने किती ती, पाऊस तो फुलांचा

काळोख फक्त हाती ठेवून रात्र गेली !

डोळ्यांमधले आसू पुसती Dolyamadhale Aasu Pusati

कधी बहर, कधी शिशिर, परंतू दोन्ही एक बहाणे

डोळ्यांमधले आसू पुसती ओठांवरले गाणे



बहर धुंद वेलीवर यावा

हळुच लाजरा पक्षी गावा

आणि अचानक गळुन पडावी विखरुन सगळी पाने




भान विसरुनी मिठी जुळावी

पहाट कधि झाली न कळावी

भिन्न दिशांना झुरत फिरावे नंतर दोन दिवाणे



हळुच फुलाच्या बिलगुनि गाली

नाजुक गाणी कुणी गायिली

आता उरली आर्त विराणी सूरच केविलवाणे



जुळली हृदये, सूरहि जुळले

तुझे नि माझे गीत तरळले


व्याकुळ डोळे कातरवेळ स्मरुन आता जाणे

डोळ्यांत सांजवेळी आणू Dolyat Sanjaveli Anu

डोळ्यांत सांजवेळी आणू नकोस पाणी

त्या दूरच्या दिव्यांना सांगू नको कहाणी



कामांत गुंतलेले असतील हात दोन्ही

तेव्हा नको म्हणू तू माझी उदास गाणी



वाटेवरी खुणेच्या शोधू नको फुले ती


ना ठेविते फुलांची माती इथे निशाणी



सौदा इथे सुखाचा पटवून चोख घ्यावा

व्यवहार सांगती हा, ही माणसे शहाणी



कळणार हाय नाही दुनिया तुला मला ही

मी पापण्यांत माझ्या ही झाकिली विराणी

डोळ्यांत वाच माझ्या Dolyat Vach Majhya

डोळ्यांत वाच माझ्या तू गीत भावनांचे

साजाविना कळावे संगीत लोचनांचे !



मी वाचले मनी ते, फुलली मनात आशा

सांगावया तुला ते नाही जगात भाषा !

हितगूज प्रेमिकांचे, हे बोल त्या मुक्यांचे




हास्याविना फुटेना ओठांत शब्द काही

कळले सखे तुला ते, कळले तसे मलाही

दोघांस गुंतवीती, म‍उ बंध रेशमाचे



पद्मासमान जन्मे हे काव्य जीवनी या

या जीवनात काव्ये, काव्यात जीवने या !

गंधात धुंद वारा, वाऱ्यात गंध नाचे

डोळ्यांत वाकुन बघतोस Dolyat Vakun Baghatos

डोळ्यांत वाकुन बघतोस काय ?

जाळ्यात मासोळी गावायची नाय !



सोडून बसलास नजरंचा गळ

ढवळून काढलास पाण्याचा तळ

कसंबी झोक

गळाचं टोक


जिव्हारी माझ्या भिडायचं नाय

डोळ्यांत वाकुन बघतोस काय ?

जाळ्यात मासोळी गावायची नाय !



रुपेरी पोट माझं रुपेरी कल्लं

रुपेरी शेपटीचं मारीन वल्हं

निळी निळी लाट

पाण्यातली वाट

माझ्याबिगर तुला ठावीच नाय


डोळ्यांत वाकुन बघतोस काय ?

जाळ्यात मासोळी गावायची नाय !



सुळकन मारीन पाण्यात बुडी

देखता डोळा मी देईन दडी

कुठवर बसशिल

चेटूक करशिल

मंतर असला चालायचा नाय

डोळ्यांत वाकुन बघतोस काय ?


जाळ्यात मासोळी गावायची नाय !

डोळ्यापुढे दिसे जे मज Dolyapudhe Dise Je Maj

डोळ्यापुढे दिसे जे मज चित्र ते सजीव

माझ्या घरातली तू गृहिणी, सखी, सचीव



ही, एक आस होती हृदयात एकमेव

डोळ्यापुढे दिसे रे मज चित्र ते सजीव



कोलाहली जगाच्या घरकुल आपुले हे


'सोलीव' शांततेचे मंदिर सानुले गे

मी येथली पुजारी, तू पूजनीय देव



गीतासवे तुझ्या, गेही प्रभात व्हावी

खाद्या रुचि सुधेची, हाते तुझ्याच यावी

वाहीन देह देवा, वाहीन जीवभाव



दिन सोनियात न्हावा, रजतात रातराणी

आनंद तोच यावा, लेवून बाललेणी

'साकार' ये समोरी, स्वप्नात हीच शीव

डोळे हे जुलमि गडे Dole He Julmi Gade

डोळे हे जुलमि गडे

रोखुनि मज पाहु नका

जादुगिरी त्यात पुरी

येथ उभे राहु नका



घालु कशी कशिदा मी ?

होति किती सांगु चुका !


बोचे सुइ फिरफिरुनी

वेळ सख्या, जाय फुका



खळबळ किती होय मनी !

हसतील मज सर्वजणी

येतिल त्या संधि बघुनि

आग उगा लावु नका !

डोळे मोडित गौळण राधा Dole Modit Gaulan Radha

डोळे मोडित गौळण राधा

हिला जडली मोहन बाधा



भाळल्या कितीक गौळणी

राधिका कोर चांदणी

बाल मुकुंद राजस गुणी

कसे बाई लाविले नादा




किती बाई काळा काळा

दिसे अचुकच कान्हा डोळा

वरपांगी भाव ग भोळा

नाही नंदलाल हा साधा



मुरलीची करी ग पिचकारी

रंगवी हरी ब्रिज नारी

लाजता हसे गिरीधारी

रंगात रंगली राधा

डोळे माझे त्यात तुझे रूप Dole Majhe Tyat Tujhe Roop

डोळे माझे, त्यात तुझे रूप कसे ?

ओठ माझे, त्यात तुझे गीत कसे ?



चित्त माझे, त्यात तुझी प्रीत कशी ?

वीज इथे, आग तिथे, सांग कशी ?

नीज माझी, त्यात तुझे स्वप्न कसे ?




चाल माझी, त्यात तुझा डौल कसा ?

स्पर्श तिथे, कंप इथे, सांग कसा ?

गाल माझे, त्यात तुझे रंग कसे ?



चंद्र माझा, त्यात तुझा डाग कसा ?

देह इथे, प्राण तिथे, सांग कसा ?

चाल माझी, त्यात तुझे सूर कसे ?



श्वास माझा, त्यात तुझी ओढ कशी ?

चोर तिथे, चोरी इथे, सांग कशी ?


वेध माझा, त्यात तुझे तीर कसे ?

डोळे कशासाठी Dole Kashasathi

डोळे कशासाठी? कशासाठी?

तुला साठवून मिटून घेण्यासाठी



आला भरून पाऊस, नको एकटा जाऊस

अरे सरी कशासाठी, तुला बिलगून भिजून जाण्यासाठी



नाव तुझे मनातले, चांदणेच रानातले


शब्द कशासाठी, तुला आठवून भरून येण्यासाठी



वेल मोहरून आली, फुले अंगभर झाली

वारा कशासाठी, गंध वनातून पाखरू होण्यासाठी



असा तुझा भरवसा, चांदण्याचा कवडसा

ओठ कशासाठी, थोडे थरारून जुळून जाण्यासाठी

डोहाळे पुरवा रघुकुलतिलका Dohale Purava RaghuTilaka

ओठांत थांबुनी सशब्द आशा लाजे

डोहाळे पुरवा रघुकुलतिलका, माझे



मज उगा वाटतें वनीं विहरा जावें

पांखरांसारखे मुक्त स्वरांनीं गावें

कानांत बांसरी वंशवनांतिल वाजे




वाटतें धरावें कुशींत पाडस भोळें

मज आवडती ते विशाल निर्मळ डोळे

चुंबीन त्यास मी, भरविन चारा चोजें



वल्कलें भिजावीं जळांत माझीं सारीं

घागरी कटीवर, करांत घ्यावी झारी

मस्तकीं असावें दुजा घटाचें ओझें



वाटतें खणावें, कंदमुळें काढावीं

तीं हलक्या हातें लीलेनें सोलावीं


चाखून बघावें अमृतान्न तें ताजें



सांजेस बसावें आम्रतरूच्या खालीं

गळतील सुगंधित जधीं मंजिऱ्या भालीं

करतील गर्जना दुरुन वनाचे राजे



घेऊन धनुतें, बांधुन भाता पाठीं

वाटतें फिरावें वनांत मृगयेसाठीं

पाडीत फिरावें दिसेल श्वापद जें जें




वाटतें प्रभातीं बसुनी वेदीपाशीं

वेदांत करावा प्रकांड अध्वर्यूशी

लालिमा मुखावर यावा पावकतेजें



कां हंसतां ऐसें मला खुळीला देवा ?

एवढा तरी हा हट्ट गडे पुरवावा

का विनोद ऐसा प्रिया, अवेळीं साजे ?

डोल डोलतंय्‌ वाऱ्यावर बाय Dol Dolatay Varyavar Bay

डोल डोलतंय्‌ वाऱ्यावर बाय माझी डोल डोलतंय्‌ वाऱ्यावर



खंडोबा राया परतंय्‌ मी पाया

तुझे भेटीला हाणीन नौकेला



डोंगरची माऊली कोल्यांची सावली

दर्यान्‌ कोल्यांचे हाकेला धावली




होरं कसं जाऊ दे बारान्‌ गावीला

माव्हरं सोनेरी पडेल आपले डोलीला



माव्हरं कसं परलंय्‌ आपले डोलीला

शिंगाला सरगा काटेरी पाला



पुनवेचा चांद कसा डोंगराला आयलाय्‌ गो

पुनवेचा चांद कसा डोंगराला आयलाय्‌

डोकं फिरलंया बयेचं Doka Phiralaya Bayecha

डोकं फिरलंया बयेचं डोकं फिरलंया

हाताला धरलंया म्हणते लगीन ठरलंया



हिला भरलंया न्यारं पिसं, ही पाही ना रातं-दिसं

साडी सोडून इजार नेसं, हिंडे घेऊन मोकळे केस

वारं भरलंया अंगात वारं भरलंया

हाताला धरलंया म्हणते लगीन ठरलंया




मन नाही हिचं स्थिर, हिला राहीला ना धीर

नजरेचा मारते तीर, हिची नजर ती भिरभिर

भूतानं घेरलंया हिला भूतानं घेरलंया

हाताला धरलंया म्हणते लगीन ठरलंया



काय सांगावी परवड, झोपेत ही बडबड

झाली घरात ही धडपड, बया झालीया वरचढ

कोंबडं आरलंया ज्वानीचं कोंबडं आरलंया

हाताला धरलंया म्हणते लगीन ठरलंया




नवानवाच नखरा दावी मग बळंच म्हस्का लावी

सारं करून देते नावी सांगे संदीप तो अनुभवी

पाणी मुरलंया कुठंतरी पाणी मुरलंया

हाताला धरलंया म्हणते लगीन ठरलंया

डाव मांडून भांडून Daav Mandun Bhandun

डाव मांडून भांडून मोडू नको

डाव मोडू नको



आणले तू तुझे सर्व, मी आणले,

सर्व काही मनासारखे मांडले,

तूच सारे तुझे दूर ओढू नको




सोडले मी तुझ्याभोवती सर्व गे,

चंद्र ज्योतीरसाचे रुपेरी फुगे

फुंकरीने फुगा, हाय, फोडू नको



'गोकुळीचा सखा' तूच केले मला,

कौतुकाने मला हार तू घातला,

हार हासून घालून तोडू नको



काढले मी तुझे नाव, तू देखिले,

आणि माझे पुढे नाव तू रेखिले,


तूच वाचून, लाजून, खोडू नको

डाव टाका नजर माझी Daav Taka Najar Majhi

गंजिफा नार खेळते, डाव तुम्ही टाका

डाव टाका, नजर माझी जिंका



मदनाचा रंग दरबारी, या सवती ढाल तलवारी

चला फेका, दूर सरका, पिरतीला रोखा

डाव टाका, नजर माझी जिंका




रुपाचा गुलाबी प्याला, काठोकाठ बघा भरलेला

नका लावू हात अंगा, दुरूनी झोका

डाव टाका, नजर माझी जिंका



थयथयते रंगढंगात कस्तुरी धुंद अंगात

ओढुनी शिरी तांबडी चिरी, पळाला धोका

डाव टाका, नजर माझी जिंका

डार्लिंग डार्लिंग काय म्हनतोस Darling Darling Kay Mhantos

डार्लिंग डार्लिंग काय म्हनतोस ?

अरे भलताच बाईल येडा दिसतोस !



रूप बावळं झिपरं केस

हिप्पीवानी सारा वेष

घर ना दार

भुईला भार


घरावर चकरा काय मारतोस ?



दारु-मटक्याचा नाद तुला

चोरीचीही ठाव कला

पत्त्याचा इमला

तुला ना जमला

महालाची बात आता काय करतोस ?



नार मी मोठ्या घरची रं

बापही माझा पाटील रं


साधुन मोका

मारतोस धक्का

हातात इस्तव काय धरतोस ?