ऋतुराज आज वनि आला Ruturaj Aaj Vani Aala

ऋतुराज आज वनि आला, ऋतुराज आज वनि आला !


नव सुमनांचा, नव कलिकांचा बहर घेऊनी आला !




कुंज कुंज अलि-पुंज गुंजने बघ झंकारित झाला !


सुरस रागिणी नव प्रणयाची कोकिळ छेडत आला !


नवथर सुंदर शीतल निर्झर त्यात रंगुनी गेला !

ऋतु हिरवा ऋतु बरवा Rutu Hirava Rutu Barava

ऋतु हिरवा ऋतु बरवा


पाचूचा वनि रुजवा


युग विरही हृदयांवर, सरसरतो मधु शिरवा




भिजुनी उन्हे चमचमती, क्षण दिपती क्षण लपती


नितळ निळ्या अवकाशी, मधुगंधी तरल हवा




मनभावन हा श्रावण, प्रियसाजण हा श्रावण


भिजवी तन, भिजवी मन हा श्रावण


थरथरत्या अधरांवर, प्रणयी संकेत नवा




नभी उमटे इंद्रधनू, मदनाचे चाप जणू


गगनाशी धरणीचा, जुळवितसे सहज दुवा

ऋणानुबंधांच्या जिथून Runanubandhanchya Jithun

ऋणानुबंधांच्या जिथून पडल्या गाठी


भेटीत तृष्टता मोठी



त्या कातरवेळा थरथरती कधि अधरी


त्या तिन्हीसांजांच्या आठवणी त्या प्रहरी


कितिदा आलो, गेलो, जमलो


रुसण्यावाचुनि परस्परांच्या कधी न घडल्या गोष्टी




कधि तिने मनोरम रुसणे


रुसण्यात उगीच ते हसणे


म्हणून ते मनोहर रुसणे


हसणे, रुसणे, रुसणे, हसणे


हसण्यावरती रुसण्यासाठी, जन्मजन्मिच्या गाठी



कधि जवळ सुखाने बसलो


दुःखात सुखाला हसलो


कधि गहिवरलो, कधि धुसफुसलो


सागरतीरी आठवणींनी वाळूत मारल्या रेघा,


जन्मासाठी जन्म जन्मलो, जन्मात जमली ना गट्टी