EKA MAKADANE KADALAY

एका माकडाने काढलंय दुकान
आली गिऱ्हाईके छान छान

मनीने आणले पैसे नवे
म्हणाली शेटजी उंदीर हवे

अस्वल आले नाचवीत पाय
म्हणाले मधाचा भाव काय

कोल्ह्याने मागितला गुळाचा रवा
आणि म्हणाला मांडून ठेवा

माकड म्हणाले लावून गंध
आता झालंय दुकान बंद

Lyrics -ग. दि. माडगुळकर G.D. MADAGULAKR
Singer -सुधीर फडके SUDHIR FADAKE
Movie / Natak / Album -गीत  GEET

EKAVAR PANKHAWARUNI FIRO

एकवार पंखावरूनी फिरो तुझा हात
शेवटचे घरटे माझे तुझ्या अंगणात

धरेवरी अवघ्या फिरलो, निळ्या अंतराळी शिरलो
कधी उन्हामध्ये न्हालो, कधी चांदण्यात

वने, माळराने, राई, ठायी ठायी केले स्नेही
तुझ्यविना नव्हते कोणी आत अंतरात

फुलारून पंखे कोणी तुझ्यापुढे नाचे राणी
तुझ्या मनगटी ही बसले कुणी भाग्यवंत

मुका बावरा मी भोळा, पडेन का तुझिया डोळा
मलिनपणे कैसा येऊ तुझ्या मंदिरात


Lyrics - ग. दि. माडगुळकर G.D .MADAGULAKAR
Music -वसंत पवार VASANT PAWAR
Singer -सुधीर फडके SUDHIR FADAKE
Movie / Natak / Album -वरदक्षिणा - १९६२ VARADAKSHINA 1962

EKA TALYAT HOTI

एका तळ्यात होती, बदके पिले सुरेख
होते कुरुप वेडे, पिल्लू तयात एक

कोणी न त्यास घेई, खेळावयास संगे
सर्वाहूनी निराळे ते वेगळे तरंगे
दावूनि बोट त्याला, म्हणती हसून लोक
आहे कुरुप वेडे, पिल्लू तयात एक

पिल्लास दुःख भारी, भोळे रडे स्वतःशी
भावंड ना विचारी, सांगेल ते कुणाशी ?
जे ते तयास टोची, दावी उगाच धाक
आहे कुरुप वेडे, पिल्लू तयात एक

एके दिनी परंतू, पिल्लास त्या कळाले
भय वेड पार त्याचे, वार्‍यासवे पळाले
पाण्यात पाहताना, चोरुनिया क्षणैक
त्याचेच त्या कळाले, तो राज

Lyrics -ग. दि. माडगुळकर G .D.MADAGULAKAR
Music -श्रीनिवास खळे SHRINIVAS KHALE
Singer -आशा भोसले AASHA BHOSALE
Movie / Natak / Album -गीत GEET

चंदाराणी, का गं दिसतेस CHANDARANI KA G DISATES

चंदाराणी, का गं दिसतेस थकल्यावानी

शाळा ते घर, घर ते शाळा, आम्हा येतो कंटाळा

रात्रभर तू चाल चालसी, दिवसातरी मग कोठे निजसी

वारा वादळ छप्पन वेळा, थारा नाही आभाळा

कसा गडे तू तोल राखिसी, पुढती पुढती पाय टाकिसी

काठी देखील नसते हाथी, थोडी नाही विश्रांती

चढती कैसी, कशी उतरसी निळ्या डोंगरी अखंड फिरशी

वाडा घरकुल घरटे नाही, आई नाही अंगाई

म्हणूनिच का तू अवचित दडसी, लिंबामागे जाऊन रडसी

Lyrics -ग. दि. माडगुळकर G.D.MADAGULAKAR
Music -श्रीनिवास खळे SHRINIWAS KHALE
Singer -आशा भोसले AASHA BHOSALE
Movie / Natak / Album -गीत GEET