जाईन विचारीत JAIN VICHARIT

जाईन विचारीत रानफुला
भेटेल तिथे गं, सजण मला

भग्न शिवालय परिसर निर्जन
पळस तरुंचे दाट पुढे बन
तरुवेली करितील गर्द झुला

उंच पुकारील, मोर काननी
निळया ढगांतून भरेल पाणी
लहरेल विजेची सोनसळा

वाहत येईल पूर अनावर
बुडतील वाटा आणि जुने घर
जाईल बुडून हा प्राण खुळा
गीतकार : , गायक : , संगीतकार : ,

Lyrics -शांता शेळके SHANATA SHELAKE
Music -किशोरी आमोणकर KISHORI AAMONAKAR

दूर कुठे चंदनाचे DUR KUTHE CHANDANACHE

दूर कुठे चंदनाचे बन जळते
तुला कळते ग मला कळते!

जाळ धावूनिया येता होरपळे अंग
शीतलशा सुगंधाने निवे अंतरंग
सुखावते कधी, कधी तळमळते
तुला कळते ग मला कळते!

दैवदत्त शाप आहे चंदनाच्या बना
जळल्यावाचून त्याचा उभा जन्म सुना
दु:खभोग भोगताना मुक्‍ती मिळते
तुला कळते ग मला कळते!

तुलामला चंदनाचा जन्म लाभला
अशा चंदनपणाला जीव लोभला
उगाळता, जळताही दरवळते
तुला कळते ग मला कळते!


Lyrics -शांता शेळके SHANTA SHELAE
Music -यशवंत देव YASHAWANT DEV

वादल वारं सुटल गं WADAL WAR SUTAL G

वादल वारं सुटल गं, वादल वारं सुटल गं,
वार्‍यानं तुफान उठलं गं,वार्‍यानं तुफान उठलं गं
भिरिभर वार्‍यांत, पावसाच्या मार्‍यात, सजनानं होडीला पान्यात लोटलं
वादल वारं सुटलं गं
वार्‍यानं तुफान उठलं गं

गडगड ढगांत बिजली करी
फडफड शिडात, धडधड उरी
गडगड ढगांत बिजली करी
फडफड शिडात, धडधड उरी

एकली मी आज घरी बाय

संगतीला माझ्या कुनी नाय

एकली मी आज घरी बाय

संगतीला माझ्या कुनी नाय
सळसळ माडांत, खोपीच्या कुडांत
जागणार्‍या डोल्यांत सपान मिटलं
वादल वारं सुटलं गं
वार्‍यानं तुफान उठलं गं

सरसर चालली होडीची नाळ
दूरवर उठली फेसाची माळ
सरसर चालली होडीची नाळ
दूरवर उठली फेसाची माळ
कमरेत जरा वाकूनिया
पान्यामंदी जालं फेकूनिया
कमरेत जरा वाकूनिया
पान्यामंदी जालं फेकूनिया

नाखवा माझा, दर्याचा राजा

लाखाचं धन यानं जाल्यांत लुटलं
वादल वारं सुटलं गं
वार्‍यानं तुफान उठलं गं

भिरिभर वार्‍यांत, पावसाच्या मार्‍यात, सजनानं होडीला पान्यात लोटलं
वादल वारं सुटलं गं
वार्‍यानं तुफान उठलं गं

वादल वारं सुटलं गं
वार्‍यानं तुफान उठलं गं

वादल वारं सुटलं गं

वार्‍यानं तुफान उठलं गं

वादल वारं सुटलं गं
वार्‍यानं तुफान उठलं गं

गीतकार : , गायक : , संगीतकार : 

Lyrics -शांता शेळके SHANTA SHELAKE
Music -पं. हृदयनाथ मंगेशकर P.HRUDAYNATH MANGESHAKAR
Singer -लता मंगेशकर LATA MANGESHAKAR
Movie / Natak / Album -कोळी गीत KOLI GEET

घन रानी, साजणा GHAN RANI SAJANA

घन रानी, साजणा
मी कशी तुझ्यासवे चुकले वाट रे, सांग ना

भिरभिर वार्‍याची, थरथर पाण्याची
अवखळ सजणी मी, मनभर गाण्याची
तरी बाई सूर नव नवे
सुखद मधूर वाटतात हवे, या मना

मधूमय समय असा, बहरुन कुंज हसे
तरळत गंध नवा, वय ते लावी पिसे
इथे तिथे गोड निळेपण
बावरते मन साद घाली कोण, यौवना

किती अधीर, अधीर भाषा प्रीतीची
मन माझे, मन माझे
मन बोलत नाही ग माझे
किती लाजे, किती लाजे
वेडे लाजरे मन गं माझे
एक शपथ, शपथ त्याला भितीची
हृदया रे, अदया रे, बोल ना


Lyrics -शांता शेळके SHANTA SHELAKE
Music -श्रीधर फडके SHRIDHAR FADAKE
Singer -आशा भोसले AASHA BHOSALE
Movie / Natak / Album -गीत GEET

प्राणविसावा लहरी सजन PRANVISAWA LAHARI SAJAN

प्राणविसावा लहरी सजन,लहरी सजन कुणी यावा
फिरून घरी यावा,पावसाची हवा 
ओढ़ लावी जीवा,शीतल शिडकावा 

कठीन दुरावा,सहन अजून किती व्हावा 
धरुनी धीर हा,प्राण वेडापिसा 
एकला मी कसा,समय गुजरावा

बहर फुलावा,फुलून फुलून  बिखरावा
हृदयी धराव्या,कळ्या पाकळ्या  
पाहता मोकळ्या,भरुनी ऊर यावा 

Lyrics -शांता शेळके  SHANTA SHELKE
Music - मीना खडीकर MEENA KHADIKAR
Singer -उषा मंगेशकर  USHAMANGESHAKAR
Movie / Natak / Album -बी      B

ना ना ना नाहिरे नाही NA NA NA NAHIRE NAHI

ना ना ना नाहीरे नाही  रे,जायचे तू नाही रे
चुकले मी समजून घे ना,नको दूर जाऊ साजणा  
हसता बोलता अरे,चुकले म्हणते ना 
बोलणार नाही पुन्हा  !

बालवयातली राजा,जवळीक तुझी माझी 
आज कशाने रे व्हावी,अशी इतराजी 
मनाऊ मनाऊ किती,विनवु तुला पुन्हा   
पदरात घेई रे गुन्हा  !

चिमनीच्या दातानी रे,तुला देत होते खाऊ 
रुसवा हा काढायला,आज काय राजा देऊ 
झगड़ा मी तव जरा,आठवु जुना बाळपणा 
अवखळ तसा हास ना  !






Lyrics - शांता शेळके  SHANTA SHELKE
Music -मानस मुखर्जी  MANAS MUKHRJI
Singer -उषा मंगेशकर USHA MANGESHKAR
Movie / Natak / Album - बन्याबापु  BANYABAPU

ओलेत्या पानात Ooletya panat

ओलेत्या पानात, सोनिया उन्हात भरुन मेघ आले
डहाळी जणू नवी नवरी हळद रंग ओले
साद ओली पाखराची, ओढ जागे पावसाची

डोहाळे या मातीला, सूर बोले थेंबातला
वाटा आता कस्तुरी, गंध उमले कोंबातला
थरारे मन, वारे नविन, सृजन रंग न्हाले

स्वप्न लहरे नवे कांचनी, धून हरवे रानातूनी
राधिका झाली बावरी, जन्म लहरे मुरलीवरी
तृप्ती निराळी, उजळीत डोळी, स्वर हे कुठून आले

हरपून दाही दिशा, ओढाळ झाल्या कशा
शिणगार करती ऋतू, प्रीत स्पर्शात जाई उतू
अभिसार न्यारा, हळवा शहारा, अरुपास रुप आले

Lyrics -शांता शेळके,  Shanta Shelke
Music -  श्रीधर फडके,  Shridhar Phadke
Singer -अनुराधा पौडवाल, Anuradha Paudwal
Movie / Natak / Album -Ha Maza Marg Ekala / हा माझा मार्ग एकला