पाऊले चालती पंढरीची,Paule Chalati Pandharichi

पाऊले चालती पंढरीची वाट
सुखी संसाराची सोडुनिया गाठ

गांजुनिया भारी दुःख दारिद्र्याने
पडता रिकामे भाकरीचे ताट

आप्त‍इष्ट सारे सगेसोयरे ते
पाहुनिया सारे फिरविती पाठ

घेता प्रसाद श्री विठ्ठलाचा

अशा दारिद्र्याचा व्हावा नायनाट

मन शांत होता पुन्हा लागे ओढ
तैसा आणि गोड संसाराचा थाट

दर्शन देरे देरे भगवंता,Darshan De Re Bhagavanta

दर्शन देरे देरे भगवंता
किती अंत आता पहासी अनंता

माय पित्याची सेवा पुंडलिकाची
भक्ति पाहिली तू गोऱ्याकुंभाराची
तैसे येणे व्हावे तुझे कृपावंता

ऐकताच वाणी संत चोखोबाची
साक्षात प्रगटे मूर्ति विठ्ठलाची

ऐसे दान देसी तुझ्या प्रीय संता

तूच जन्मदेता तूच विश्वकर्ता
मन शांत होई तुझे गुण गाता
हीच एक आशा पुरवी तू आता

चंद्रभागेच्या तिरी उभा,Chandrabhagechya Tiri

चंद्रभागेच्या तिरी, उभा मंदिरी, तो पहा विटेवरी
(विठ्ठल विठ्ठल जयहरि जय विठ्ठल विठ्ठल जयहरि )

दुमदुमली पंढरी, पांडुरंग हरि, तो पहा विटेवरी
(विठ्ठल विठ्ठल जयहरि जय विठ्ठल विठ्ठल जयहरि )


जगी प्रगटला तो जगजेठी, आला पुंडलिकाच्या भेटी
पाहुन सेवा खरी, थांबला हरि, तो पहा विटेवरी
(विठ्ठल विठ्ठल जयहरि जय विठ्ठल विठ्ठल जयहरि )

नामदेव नामात रंगला, संत तुका किर्तनी दंगला
टाळ घेऊन करी, चला वारकरी, तो पहा विटेवरी
(विठ्ठल विठ्ठल जयहरि जय विठ्ठल विठ्ठल जयहरि )

संत जनाई ओवी गाई, तशी सखु अन्‌ बहिणाबाई
रखुमाई मंदिरी, एकली परी, तो पहा विटेवरी
(विठ्ठल विठ्ठल जयहरि जय विठ्ठल विठ्ठल जयहरि )

चल ग सखे पंढरीला,Chal Ga Sakhe Pandharila

चल ग सखे चल ग सखे पंढरीला
तू ध्यानी जरा ठेव, जिथे भाव तिथे देव
चल भेटू विठ्ठल रखुमाईला


चंद्र्भागा नदी-तीरावर
मंदीर विठ्ठलाचे सुंदर
देव आहे उभा वीटेवर
ठेऊनी दोन्ही कर कटेवर
ते पाहू त्यांचे रूप, लावू ऊद आणि धूप
करु वंदन प्रभूच्या मूर्तीला

देवाच्या दारी कुणा ना बंदी
दु:खि पीडित होती आनंदी
दुर्जन होती भक्तीचे छंदी
आली चालून छान ही संधी
तू दे हातात हात, उद्या चल ग धरु वाट

पाहू डोळे भरूनी जगजेठीला

वाली गरिबांचा पंढरपूरात
दर्शन घेऊ जोडूनी हात
तो देईल संकटी साथ
नांदू संसारी दोघे सुखात
तुला सांगतो त्रिवार, नको देऊ तू नकार
आज दत्तात्रयाच्या वाणीला