वितरि प्रखर तेजोबल,Vitari Prakhar Tejobal

वितरि प्रखर तेजोबल । करि रण समरनिरत ॥
हरुनि दयाल मोहजाल ॥
करूनि दया । ने विलया । हा स्वदेश नाश काल ॥

परवशता पाश दैवे,Paravashata Pash Daive

परवशता पाश दैवे ज्यांच्या गळा लागला ।
सजिवपणी घडती सारे । मरण-भोग त्याला ॥

असुनि खास मालक घरचा । म्हणति चोर त्याला ॥

सौख्य-भोग इतरा सारे । कष्ट मात्र त्याला ॥

मातृभूमि त्याची त्याला । होत बंदिशाला ॥

दिव्य स्वातंत्र्य रवि,Divya Svatantrya Ravi

दिव्य स्वातंत्र्य रवि आत्मतेजोबले
प्रगटता अवनितलि कोण त्या लोपवी

शौर्यसागर-लहरि गगन-मंडळ महा

भेदिता कवण त्या अबल कर थोपवी ?

जगी हा खास वेड्यांचा,Jagi Ha Khas Vedyancha

जगी हा खास वेड्यांचा, पसारा माजला सारा
गमे या भ्रांत संसारी, ध्रुवाचा 'वेड' हा तारा

कुणाला वेडकनकाचे, कुणाला कामिनी जाचे
भ्रमाने राजसत्तेच्या, कुणाचे चित्त ते नाचे

कुणाला देव बहकवी, कुणाला देश चळ लावी
कुणाची नजर धर्माच्या निशेने धुंदली भारी

अशा या विविध रंगाच्या पिशांच्या लहरबहरीनी
दुरंगी दीन दुनियेची, जवानी रंगली सारी

आपदा राज-पदा भयदा, Aapada Raj Pada Bhayada

आपदा राज-पदा भयदा । नृपति कामभोग निरति ॥
लोपुनिया चिरसुखदा । दिव्य शीलसंपदा ॥

पापरता । पामरता । स्मरति, नरपति-
शिरि अरि सदा महा भया धरित- ॥