सांग सांग नाव सांग,Sang Sang Naav Sang

सांग सांग सांग सांग
काय रं ?
तुजं नाव, तुजं गाव, तुजं नाव, तुंज गाव

नाव सांग सांग सांग गाव सांग !
चाललीस तुरुतुरु, अढि नगं मनी धरू
सांग सांग सांग नाव सांग !

जा रं !
गोडंवानी नगं हसू, नाव गाव नगं पुसू
थांब थांब थांब जरा थांब !

व्हट उगडुन सखू माज्यासंगं तू बोल
शब्दाशब्दाला घे मोत्यापवळ्याचं मोल
तुज्या मागं मागं आलो, तुज्यापायी येडा जालो
नाव सांग सांग सांग गाव सांग !

नार नवेली मी रूप लाखात एक
जाते जपून जपून तालेवाराची लेक
तुज्या डोळियाचं बान, झाला कासावीस परान
नाव गाव नगं पुसू थांब थांब थांब !

शूर अम्ही सरदार,Shur Amhi Sardar

शूर अम्ही सरदार अम्हाला काय कुनाची भीती ?
देव, देश अन्‌ धर्मापायी प्राण घेतलं हाती !

आईच्या गर्भात उमगली झुंजाराची रीत
तलवारीशी लगिन लागलं जडली येडी प्रीत
लाख संकटं झेलुन घेइल अशी पहाडी छाती !

जिंकावं वा कटुन मरावं हेच अम्हाला ठावं
लढुन मरावं, मरुन जगावं हेच अम्हाला ठावं
देशापायी सारी इसरू माया-ममता-नाती !

वाट पाहुनी जीव शिणला,Vaat Pahuni Jeev Shinala

वाट पाहुनी जीव शिणला
दिसा मागुनी दिसं टळला
सुर्व्या आला, तळपून गेला
मावळतीच्या खळी गालाला
गडणी, सखे गडणी

कुटं गुंतला, सब्द इसरला
देऊन अपुल्या सजणीला
डोंगर वलंडून चांद चालला
चांदणं चारून धरतीला

मासं जोडी जोडीनं पव्हती
पाखरं संगती-संगतीनं फिरती
एक डहाळीवर बिलगून फुलती
फुल-कळ्या त्या येलाला

रेशमाच्या रेघांनी,Reshamachya Reghani

रेशमाच्या रेघांनी, लालकाळ्या धाग्यांनी
कर्नाटकी कशिदा मी काढिला
हात नगा लावू माझ्या साडीला !

नवी कोरी साडी लाखमोलाची
भरली मी नक्षी फूलवेलाची
गुंफियलं राघूमोर, राघूमोर जोडीला
हात नगा लावू माझ्या साडीला !

जात होते वाटंनं मी तोऱ्यात
अवचित आला माझ्या होऱ्यात
तुम्ही माझ्या पदराचा शेव का हो ओढीला ?
हात नगा लावू माझ्या साडीला !

भीड काही ठेवा आल्यागेल्याची
मुरवत राखा दहा डोळ्यांची
काय म्हणू बाई बाई, तुमच्या या खोडीला
हात नगा लावू माझ्या साडीला !

राजाच्या रंगम्हाली,Rajachya Rangmhali

राजाच्या रंगम्हाली, सोन्याचा बाई पलंग
रूप्याचा खांब त्येला, मोत्याची झालर
राजाच्या रंगम्हाली, पराची मऊ गादी
जरीचा चांदवा, रेशमी शिणगार
गडनी, सजनी, गडनी सजनी ग

राजाच्या रंगम्हाली, रानी ती रुसली
बोलं ना, हसं ना, उदास नजर
राजाच्या रंगम्हाली, राजानं पुशिलं
डोळ्याची कमळं उघडा, व्हटांची डाळिंबं
गडनी, सजनी, गडनी सजनी ग

राजाच्या रंगम्हाली, रानी वो सांगिते
सुना सोन्याईन म्हाल, कशाला बडीवार
मायेच्या पूतापायी, रानी ग रडीते
आसवांची गंगा व्हाते, भिजीला पदोर
गडनी, सजनी, गडनी सजनी ग

राघुमैना रानपाखरं,Raghu Maina Raan

सोनसकाळी सर्जा सजला हसलं हिरवं रान
राघुमैना रानपाखरं गाउ लागली गान !

झुळुझुळु आला पहाटवारा
हळुच जागवी उभ्या शिवारा
झाडं वेली नीज सांडती नाचनाचतं पान
राघुमैना रानपाखरं गाउ लागली गान !

पिढ्यापिढ्यांचं पातक सरलं
शिवनेरीला शिव अवतरलं
शिवरायांच्या मंगल चरणी
पावन झाली अवघी धरणी
जयभवानी बोल गर्जती आज पाचही प्राण
राघुमैना रानपाखरं गाउ लागली गान !

माझ्या शेतात सोनंच,Majhya Shetat Sonach

माझ्या शेतात सोनंच पिकतंय
पानापानात लखलख करतंय

साता समिंदराचं माणिक मोती
देवाच्या हातानं आलं रे खालती
झेललं रे झेललं वरच्या वरती
पिकाच्या डोईवर कणसात भरतंय

कावळ्याच्या डोळ्यांगत पाटाचं पाणी
रावाची रंगली मोटंवर लावणी
पांढरिची लक्ष्मी पाजतीया पाणी
मळ्याच्या उरात खळखळ करतंय

माझ्या कपाळीचं कुकु,Majhya Kaplicha Kuku

माझ्या कपाळीचं कुकु
कवतिकानं किती बाई निरखू
जीव भरंना, भरंना, भरंना
खरं वाटंना, वाटंना, वाटंना

कुण्या जल्मीची पावली पुण्याई
झाली परसन आई अंबाबाई
चिरी कुकवाची लखलख निरखू

सुर्व्या सांजचा, चांद पुनवंचा
सर्गाची गं सुभा, दारी आनंद हुभा
चिरी कुकवाची लखलख निरखू

टाकीन वोवाळून हिरं, मोती, सोनं
पिरती मोलाचं कुकवाचं लेनं
चिरी कुकवाची लखलख निरखू

मागते मन एक काही,Magate Man Ek Kahi

मागते मन एक काही, दैव दुसरे घडविते
उमलण्या आधीच कैसे, फूल पायी तुडविते !

खेळ नियती खेळते की, पाप येते हे फळा
वाहणाऱ्या या जळाला कोण मार्गी अडविते ?

ईश्वरेच्छा हीच किंवा, संचिताचा शाप हा
चंद्ररेखा प्रतिपदेची कोण तिमिरी बुडविते ?

मराठी पाउल पडते पुढे,Marathi Paul Padate Pudhe

खरा स्वधर्म हा आपुला
जरि का कठीणु जाहला
तरी हाचि अनुष्ठीला, भला देखे

स्वये शस्त्र देशार्थ हाती धरावे
पिटावे रिपूला रणी वा मरावे
तुझ्या रक्षणा तूच रे सिद्ध होई
तदा संकटी देव धावून येई
जय जय रघुवीर समर्थ

स्वराज्य तोरण चढे
गर्जती तोफांचे चौघडे
मराठी पाउल पडते पुढे !

मऊ मेणाहूनि आम्ही विष्णुदास ।
कठीण वज्रास भेदू ऐसे ।।

कोट छातीचा अभंग त्याला कधी न जातील तडे

माय भवानी प्रसन्न झाली
सोनपाऊली घरास आली
आजच दसरा, आज दिवाळी
चला सयांनो, अंगणी घालू
कुंकुमकेशर सडे
मराठी पाउल पडते पुढे !

बच्चे आम्ही वीर उद्याचे
बाळमुठीला बळ वज्राचे
वारस होऊ अभिमन्यूचे
दूध आईचे तेज:प्रवाही
नसांतुनी सळसळे
मराठी पाउल पडते पुढे !

शुभघडीला शुभमुहूर्ती
सनई सांगे शकुनवंती
जय भवानी, जय भवानी
दशदिशांना घुमत वाणी

जयजयकारे दुमदुमवू हे
सह्याद्रीचे कडे !!

बाई बाई मन मोराचा,Bai Bai Man Moracha

बाई बाई, मन मोराचा कसा पिसारा फुलला

चिमनी मैना, चिमना रावा
चिमन्या अंगणी, चिमना चांदवा
चिमनी जोडी, चिमनी गोडी
चोच लाविते, चिमन्या चाऱ्याला
चिमनं, चिमनं, घरटं बांदलं, चिमन्या मैनेला

शिलेदार घरधनी माझा, थोर मला राजांचा राजा
भोळा भोळा जीव माजा जडला त्याच्या पायाला


रे मनमोरा, रंगपिसारा, अंगी रंगुनि जीव रंगला
गोजिरवानी, मंजुळ गानी, वाजविते बासरी डाळिंब ओठाला

येडं, येडं, मन येडं झालं, ऐकुन गानाला

निळ्या अभाळी कातरवेळी,Nilya Abhali Katar Veli

निळ्या अभाळी, कातरवेळी, चांदचांदणे हसती
मी हुरहुरते, मनात झुरते, दूर गेले पती

टिपूर चांदणे धरती हसते
पती पाहता मी भान विसरते
नदी समींदर नकळत मिसळूनी, एकरूप होती

मन मंदिरी मी पूजीन त्यांना
वाहीन पायी प्रीत फुलांना
पाच जीवांच्या उजळून ज्योती, ओवाळीन आरती

नको देवराया अंत आता,Nako Devaraya Anta Aata

नको देवराया अंत आता पाहू
प्राण हा सर्वथा, जाऊ पाहे

हरिणीचे पाडस, व्याघ्रे धरीयेले
मजलागी जाहले तैसे देवा

तुजविण ठावं न दिसे त्रिभुवनी
धावे हे जननी विठाबाई

मोकलूनी आस, जाहले उदास

घेई कान्होपात्रेस हृदयात

झाला साखरपुडा ग बाई,Jhala Sakharpuda Ga Bai

झाला साखरपुडा ग बाई थाटाचा
रुणुझुणु चुडा हाती गाईल ग
शालू चमचम करील जरीकाठाचा

सांग माझ्या कानात नवरा कसा
शूर मर्द का भितरा ससा
रूप मदन का हुप्प्या जसा
बृहस्पती का येडापीसा


ऐक सांगते तिकडची स्वारी
रूप देखणं नजर करारी
मर्द मावळ्या मुलुखामधुनी
गर्जत जाई गरूडभरारी


नगं बाई ...... काय ग ?
दिमाग अशी दाऊ ग
स्वर्ग झाला तुला ग दोन बोटांचा
झाला साखरपुडा !

नाकाचा सांडगा, गालाचा पापड
दळुबाई-कांडुबाई म्हणत्यात तसा
केळीच्या पानाला तूप लावुनी

वाढल्या शेवाया खाईल कसा

शूर मराठा स्वार फाकडा
ऐट दावतो थाट रांगडा
ढाल पाठीवर हातात भाला
स्वारी जाते मुलुखगिरीला

नगं बानू ....... नगं बानू
रूपाला अशी भाळू नगं
कसा येईल फुलाला रंग देठाचा
झाला साखरपुडा ग बाई थाटाचा

जा जा रानीच्या पाखरा,Ja Ja Ranichya Pakhara

जा जा, रानीच्या पाखरा, तू जा, रं, भरारा
तुला घालिते चारा, तुला घालिते चारा
द्यावा संदेसा म्हायेरा, जा रं, भरारा !

दूर डोंगरापल्याड नदीकाठी माझा गाव
तिथं नांदतोया द्येव नरसुबाराव
लहान-थोरांसी मायेचा त्योच आसरा !

बाई, म्हयेराचं थोरपन वानु कसं ?
पुन्यवंत माझं मायबाप द्येव जसं
गंगा निर्मळ मायेचा व्हातोया झरा !

माझ्या खुशालीचा सांगावा दे माउलीला
पड पाया तिच्या, सांग, येती याद मला
तुला भेटाया जीव हुतो माझा घाबरा !

डौल मोराच्या मानचा Daul Morachya Manacha

जीवाशिवाची बैलजोड, लावल पैजेला आपली कुडं,

लावल पैजेला आपली कुड, नी जिवाभावाचं लिंबलोण



नीट चालदे माझी गाडी, दिन रातीच्या चाकोरीन,

दिन रातीच्या चाकोरीन, जाया निघाली पैलथडी रं !



डौल मोराच्या मानचा रं डौल मानचा


येग रामाच्या बानाचा रं येग बानाचा

तान्या-सर्जाची हं नाम जोडी

कुना हुवीत हाती घोडी माझ्या राजा रं



धरती आभाळाची चाकं, त्याच्या दुनवेची हो गाडी

सुर्व्या-चंदराची हो जोडी, त्याच्या सर्गाची रं माडी माझ्या राजा रं



सती शंकराची माया, इस्नू लक्षुमीचा राया

पुरुस परकरतीची जोडी, डाव परपंचाचा मांडी माझ्या राजा रं

ऐरणिच्या देवा तुला,Airanichya Deva Tula

ऐरणिच्या देवा तुला, ठिणगि ठिणगि वाहु दे
आभाळागत माया तुजी, आम्हांवरी ऱ्हाउ दे

लेउ लेनं गरीबीचं, चनं खाऊ लोकंडाचं
जीनं व्होवं आबरुचं, धनी मातुर, माजा देवा, वाघावानी असू दे

लक्शिमिच्या हातातली चवरि व्हावी वर खाली
इडा पीडा जाइल, आली किरपा तुजी, भात्यांतल्या सुरासंगं गाउ दे !

सूक थोडं, दुक्क भारी, दुनिया ही भली-बुरी
घाव बसंल घावावरी, सोसायाला, झुंजायाला, अंगि बळं येउ दे !

अपर्णा तप करिते काननी, Aparna Tap Karite Kanani

भस्मविलेपित रूप साजिरे आणुनिया चिंतनी
अपर्णा तप करिते काननी !

वैभवभूषित वैकुंठेश्वर
तिच्या पित्याने योजियला वर
भोळा शंकर परी उमेच्या भरलासे लोचनी !

त्रिशूल डमरू पिनाकपाणी
चंद्रकला शिरि सर्प गळ्यांतुनि
युगायुगांचा भणंग जोगी तोच आवडे मनी !

कोमल सुंदर हिमनगदुहिता
हिमाचलावर तप आचरिता
आगीमधुनी फूल कोवळे फुलवी रात्रंदिनी !