धनी तुमचा नि माझा Dhani Tumcha Ni Mazha- Sulochana Chavan (Rangalya Ratri Asha)

धनी तुमचा नि माझा
तरुणपणाचं कौतुक म्हणुनी किती नटू मी किती नटू
धनी, तुमचा नि माझा एक काढा फोटू

करा थाट तुम्ही सरदारी
अशी बशीन तुमच्या शेजारी
धनी, तुमचा नि माझा एक काढा फोटू

राजा-राणीला चौकट कसली
मैना राघुच्या पिंजर्‍यात बसली
मैना गाईल गीत प्रीतिचे पोपट ’विठू विठू’
धनी, तुमचा नि माझा एक काढा फोटू

Lyrics - Jagdish Khebudkar
गीत    -    जगदीश खेबूडकर
Music - Vasant Pawar
संगीत     -     वसंत पवार
Singer - Sulochana Chavan
स्वर    -     सुलोचना चव्हाण
Movie - Rangalya Ratri Asha
चित्रपट    -    रंगल्या रात्री अशा

घेऊन रूप माझे , Gheun Roop Majhe

घेऊन रूप माझे ही रात्र गाऊ दे
नाथा असेच आता मज धुंद राहू दे

वर्षाव का फुलांचा झाला नव्या प्रभाती
गंधात चिंब न्हाली माझी सुवर्णकांती
डोळ्यांपुढे मला ते सुख स्वप्‍न पाहू दे

मी आज यौवनाचे हे लाजवस्‍त्र ल्याले
दंव झेलता कळीचे अपसूक फूल झाले
देवा तुझ्या प्रती हे सर्वस्व वाहू दे

विजयात आज माझ्या शरणागती लपावी
ही ठेव संचिताची आजन्म मी जपावी
आलिंगनी तुझ्या या एकरूप होऊ दे

सूर्यदेव आला Suryadev Ala

आभाळानं उघडला सोनियाचा डोळा
निळ्यानिळ्या अंगणात सूर्यदेव आला

कोंबड्यानं दिली बांग, घरोघरी आली जाग
गोठ्यामधे बोलाविते गाय वासराला

झाली तुळशीची पूजा, गाव लागे कामकाजा
दूरिताला पुण्याईचा मिळाला उजाळा

जय गणनायक सिद्धीविनायक Jai Gan nayak sidhivinayak

जय गणनायक, सिद्धीविनायक, सुखवरदायक तुज नमितो
गजमूख धारक, तू जग पालक, मी तव बालक तुज नमितो

गण गौळण झाली सुरू, पायी घुंगरू, लागे थरथरू, उडाली घाई
सूर तालाला मारी मिठी, दिठीला दिठी, फुटावी ओठी शब्दांची लाही

सभाजनांची झाली गर्दी, जमले बहु दर्दी, लागली वर्दी शिवाच्या कामी
गणगोत करुनी गोळा, नटेश्वर भोळा की लगबग आला कैलासावरुनी

संगती बाळ रूपडे, गजानन पुढे, बघतो चहुकडे कौतुकापोटी
द्या वरदान रसिकावरा, तुमच्या लेकरा, आशिर्वाद करा आस ही मोठी

तुम्ही उदार आश्रय दिला, म्हणुनी ही कला, जगाला दिसली
अन्‌ जोवरी तुमची कृपा, तोवर वाण आम्हाला कसली

Jay GanNayak SiddhiVinayak जय गणनायक सिद्धीविनायक

जय गणनायक, सिद्धीविनायक, सुखवरदायक तुज नमितो
गजमूख धारक, तू जग पालक, मी तव बालक तुज नमितो

गण गौळण झाली सुरू, पायी घुंगरू, लागे थरथरू, उडाली घाई
सूर तालाला मारी मिठी, दिठीला दिठी, फुटावी ओठी शब्दांची लाही

सभाजनांची झाली गर्दी, जमले बहु दर्दी, लागली वर्दी शिवाच्या कामी
गणगोत करुनी गोळा, नटेश्वर भोळा की लगबग आला कैलासावरुनी

संगती बाळ रूपडे, गजानन पुढे, बघतो चहुकडे कौतुकापोटी
द्या वरदान रसिकावरा, तुमच्या लेकरा, आशिर्वाद करा आस ही मोठी

तुम्ही उदार आश्रय दिला, म्हणुनी ही कला, जगाला दिसली
अन्‌ जोवरी तुमची कृपा, तोवर वाण आम्हाला कसली


Lyrics - Jagdish Khebudkar
Music - Ram Kadam
Singer - Balakram

अगं नाच नाच राधे उडवूया Aga Nach Nach Radhe

यमुनेच्या काठावर किसन मुरलीधर
कुणी म्हणे गिरीधर नरवर नटवर
कुंजवनी खेळतो रास रंग
एक नटरंगी नार करी सोळा शिणगार
आली छ्न्‌न्‌न्‌ नाचत उडवी बहार
किती आल्या गोपगोपिका
कन्हैया सखी छेडिता राधा सखीला
कसा कसा कसा ....... असा !

अगं नाच नाच राधे उडवूया रंग
रंगामध्ये भिजंल तुझं गोरं गोरं अंग

घडा घेऊन शिरी घाट चढलीस कशी
आडवाटेवरी आज अडलीस कशी
मदनाचं रूप घेई राजा शिरीरंग

ढंग न्यारा तुझा असा तरुनपना
तुझा शिणगार करतोया खानाखुना
दंडामध्ये गचली ग काचोळी ही तंग

भरली पिचकारी मी आता लपशील किती
लाज पदरामध्ये सांग जपशील किती
सुरावरी माझ्या तुझा ताल झाला दंग

L - जगदीश खेबूडकर
M - विश्वनाथ मोरे
S - उत्तरा केळकर, S - सुरेश वाडकर
गोंधळात गोंधळ (१९८१)