कधी रे पाहिन डोळा तुला,Kadhi Re Pahin Dola Tula

कधी रे पाहिन डोळा तुला ?
सोनुल्या देवाघरच्या फुला

कस्तुरी-हरिणाच्या उदरी,
हरीने साठविली कस्तुर
सुगंधे हरिणच वेडावला !

देव तू येशिल माझ्या घरी
तुझ्यास्तव अमृत माझ्या उरी

कधी ते भरविन बाळा तुला ?

फुला, तू संसारी मंगल
फुला, तू फुलाहूनी कोमल
करिन या तळहाताचा झुला !

अग पाटलाच्या पोरी जरा जपून जपून -

अग पाटलाच्या पोरी जरा जपून जपून
बिगिबिगी कुठं ग जाशि शेतामधून

तुझ्या गालाचि खुलली लाली ग
जणु डाळिंब फुटतंय गाली
ल‌इ घुटमळतंय्‌ माझ्या मनात
चल जाऊ दूर मळ्यांत
संगं पिर्तीचं गाणं गाउ दोघं मिळून

आलं ऊन ग भवती फुलुनी
कुठं जाशी तु ग फुलराणी ?
काटं ग बोचतिल बाई
नाजुक तुझ्या पायी
तुझं चंद्रावाणी मुख जाईल सुकून !

रानी वा-याची ऐकून गाणी
नाचे झ-याचं झुळुझुळु पाणी
ल‌इ घुटमळतंय्‌ माझ्या मनात
चल जाऊ दूर मळ्यांत
संगं पिर्तीचं गाणं गाउ दोघं मिळून

गीत	-	श्रीनिवास खारकर
संगीत	-	गोविंद कुरवाळीकर
स्वर	-	गोविंद कुरवाळीकर