भावभक्तिने पूजिते विश्वनाथा BHAV BHAKTINE PUJITE VISHWNATHA

भावभक्तिने पूजिते विश्वनाथा
मन रंगले रंगले गीत गाता
भावभक्तिने पूजिते विश्वनाथा

तुझ्या मंदिरी येऊनी प्रात:काली
मूर्ति पाहता लोचने तृप्त झाली
लीन होउनि ठेविते पायी माथा

पुजनासी मी माझिया अंगणात
वेचूनि फुले अनिली पारिजात
गंध चंदनी लाविते भाळी  आता

अर्पिता तुला केशरी दुध वाटी
सुखे साठविते रे तुझे नाम ओठी
कंठी सुर दे रे माझिया दीनानाथ

Lyrics -अण्णा जोशी
Music -अण्णा जोशी
Singer -उषा मंगेशकर

हवे तुझे दर्शन मजला,Have Tujhe Darshan Majala

हवे तुझे दर्शन मजला, नको गहू ज्वारी
प्रभू तुझ्या दारी आलो, हो‌उनी भिकारी

नको देउ पैका अडका, सोनियाचि खाण
माझ्या मुखी तव नामाची, पडू नये वाण
घडो तुझी सेवा म्हणुनी, आज रामपारी

एकनाथ, तुकया, गोरा, कबीर, सुदाम
जनाबाई, सखु, मीरेच्या मुखी तुझे नाम
तयापरी झालो वेडा, धाव रे मुरारी

प्रेमगाठ बांधुनि केली, अंतराचि झोळी
दोन करांची मी धरिली, तुझ्यापुढे थाळी
कृपाप्रसादाची तुझिया, घ्यावया शिदोरी

मी मोठ्ठा होनार किनई,Mi Mottha Honar Kinai

मी मोठ्ठा होनार किनई मी खूप खूप शिकनार
भारत माझी आई, आईचे सार्थक मी करणार !

घरात आई धडा शिकवते, शिवरायाची गोष्ट सांगते
शिवराया सारखी चालवीन शत्रुवर तलवार

शाळेच्या वर्गाचे गुरुजी, त्यांची माझ्यावरती मर्जी
शिकवितात ते अक्षर-संख्या, एक-दोन-तीन-चार

मित्रांसंगे गिरवीन ग-म, आणि आईचे करीन काम
आई-बाबा त्यांना माझा तीनदा नमस्कार

खूप शिकून मी मोठ्ठा होईन, डॉक्टर होउनी औषध देईन
सैनिक आणि गरिबांसाठी धावून मी जाणार

बघा तरी हो कशी,Bagha Tari Ho Kashi

बघा तरी हो कशी बांधिली जमवुन काडी काडी
अशी कुणाची असेल का हो मजेदार झोपडी ?

झोपडीस नाही दरवाजा आणि कडी-कोयंडा
बसायास हो कांबळ कुठली उशाला नसे धोंडा
आनंदाने तरिही मिळतो विश्रांती थोडी
अशी कुणाची असेल का हो मजेदार झोपडी ?

राजमहाली जाउन तिथला पाहिला पसारा
इमले माड्या हवेलीतला वेगळाच तो वारा
दुरुन साजरे दिसे परंतू त्यात नसे गोडी
अशी कुणाची असेल का हो मजेदार झोपडी ?

इथे जन्म घेई जो जो तो लावी जीवा जीव
आपसात नांदते प्रीतिची ममतेची जाणिव
दिन सौख्याचा म्हणून या इथे विधाता उजाडी
अशी कुणाची असेल का हो मजेदार झोपडी ?

पाचोळे आम्ही हो पाचोळे,Pachole Aamhi Ho Pachole

पाचोळे आम्ही हो पाचोळे
काय कुणासी देऊ, कुणाचे घेऊ ?
वणवण भटके वनांतले
पाचोळे आम्ही वादळातले

कधी भरारी अथांग गगनी
न कळे केव्हा येतो अवनी
मोहपाश ना आम्हा कुणाचा
स्वैर अम्ही आपुले

तरलो त्या प्रक्षुब्ध सागरी
आणि उतरलो दरी-कपारी
वसुंधरेचे स्वरूप आम्ही
तेहि दुरुन देखिले

इतुके अमुचे असुनी काही
वैर कुणाशी कसले नाही
कसेही असो आम्ही मानतो
जीवन अमुचे भले


कुठे आमुची असते वसती
आस्थेने ना कोणी पुसती
अंध खलाशापरी आमुचे
जीवन नौकेतले

जाशि कुठे नवनित-चोरा,Jashi Kuthe Navneet Chora

मुरलीधर चित्तचकोरा रे
जाशि कुठे नवनित-चोरा रे

आज तुझी ना होईल सुटका
फोडुनि बघ तू गोरस-मटका
किती करशिल शिरजोरी असता,
तुझ्या भोवती घेरा रे

असेल राधागौळण वेडी
करू नको अमुच्याशी खोडी
सांगताच येईल यशोदा,
हाती घेउनि झारा रे

ऐक सांगते अता शेवटी
मंजुळ पावा धरुनी ओठी
घुमवशील तेव्हाच तुला रे,
सोडू नंदकुमारा रे

जगातिल धुंडुन देवस्थान,Jagatil Dhudun Devasthan

जगातिल धुंडुन देवस्थान
पाहिला भाकरीत भगवान

कसली भक्ती पूजाअर्चा
पुराण, पोथ्या, कीर्तन, चर्चा
रिते उदर हे असता न लगे हरिभजनाते ध्यान

माती, पाणी, उजेड, वारा
यातुन अपुले दैव उभारा

तुम्ही आम्ही सारे मिळुनी गाऊ एकच गान

तृप्त जाहला जेथे आत्मा
तिथेच आहे तो परमात्मा
भुकेल्यास द्या अन्न राखण्या भगवंताचा मान

किति वानु तुला मी,Kiti Vanu Tula Mi

किति वानु तुला मी भगवंता
चिपळ्या एकतारि वाजविता

म्हणतात दयाघन तुज सारे
तू मजवरती रुसला का रे
देवा, थकलो मी हरि हरि म्हणता

नामामृत माझ्या ओठि तुझे
नाही भजनाविण गीत दुजे
डोळे मिटुनी तुजसी स्मरता

आहेस विधाता जगताचा
कैवारी दीन अनाथांचा
हाकेसरशी तू धाव आता

अनंता अंत नको पाहू, Ananta Anta Nako Pahu

आलासी तू ऐकूनि धावा, काय तुला देऊ ?
अनंता, अंत नको पाहू

अतिथी अचानक आश्रमि आले, ज्या समयी नच काही उरले
तशात म्हणती भूक लागली, कशि मी समजावू ?

दहि दूध लोणी मागु नको रे, रिते घडे तुज दिसतिल सारे
धुतल्या थाळीवरी पान ते नकोस तू ठेवू

कसे मागसी इतुके देवा? मजसि गमे ना कुठला कावा
योगेश्वर तू अंतर्ज्ञानी थोरवि किति गाऊ ?