एक एक तो क्षण EK EK TO KSHAN

एक एक तो क्षण आला
एक एक तो क्षण आला, तुझ्यातला माझ्यातला
सजून गेला आसवांनी, चिंब मज भिजवून गेला
एक एक तो क्षण आला
एक एक तो क्षण आला,

झरुनी गेल्या क्षणसरीनी अजुन ओला मी सखे
का असे झाले मला ते सुख सखे ग पारखे
कोरडी झालीस तू तरी अजुनी मी ओलावला
एक एक तो क्षण आला
एक एक तो क्षण आला,

बेगडी दुनियेत माझ्या भावनांचा खून झाला
वेदनांचा माझिया गे ना कुणाला भार झाला
जाणवे तो सोनचाफा त्या तुझ्या श्वासातला
एक एक तो क्षण आला
एक एक तो क्षण आला,

वेगळी व्याकुळता ही आगळी आतुरता
तोच मी अन तीच तू तरी का सुरांना आर्तता
जो दिला तू अर्थ त्यांना तोच मी स्वीकारला
एक एक तो क्षण आला
एक एक तो क्षण आला, तुझ्यातला माझ्यातला
सजून गेला आसवांनी, चिंब मज भिजवून गेला
एक एक तो क्षण आला
एक एक तो क्षण आला,

Lyrics -नितीन आखवे NITIN AAKHAWE
Music -किशोर रानडे KISHOR RANADE
Singer -स्वप्नील बांदोडकर SWAPNIL BANDODAKAR
Movie / Natak / Album क्षण KSHAN

सूर आले शब्द ल्याले,Sur Aale Shabd Lyale

सूर आले, शब्द ल्याले
माझ्या आर्जवी मानात मैत्र लाघवी जागले

आतुरले, वेडावले
माझ्या ओंजळीत कुणी फूल बकुळी शिंपले
वारा हाले, रान डोले
अनामिक चाहूल ये आनंदात मन न्हाले

गंधावले, धुंद झाले
माझ्या वेल्हाळ बोलाने घर रुणझुण झाले
घर सारे मुग्ध झाले
भिंत भिंत सुखावून तृप्त सौख्य नांदले

मी राधिका मी प्रेमिका,Mi Radhika Mi Premika

मी राधिका मी प्रेमिका
तन श्याम, मन श्याम, प्राणसखा घन:श्याम
रंगले जयाचे रंगी
मी राधिका मी प्रेमिका

अपरात्री कुंजवनी, सूर मधूर जाग मनी
कळेना, सुचेना, माझी मी उरेना, साहवेना
मीलनासी आतुरले
मी राधिका मी प्रेमिका

श्यामरंग, श्यामसंग, मीलनात चित्तदंग
सुखाच्या क्षणीही, मोहुनी वाजे ही मनवीणा
मंत्रमुग्ध मोहरले
मी राधिका मी प्रेमिका

येई भान, तृप्त गात्र, गोकुळी पहाट मात्र
कुणा हे सांगू मी, कसे हे सांगू मी उमजेना
श्यामक्षण जगले
मी राधिका मी प्रेमिका

नायक,Nayak

जगासारखं जगणं मला पटत नाही
मनासारखं वागणं मला पटत नाही
माझ्या मधल्या माझा शोध घ्यायचाय् मला..

कसं जगायचं, कसं वागायचं
कुणी सांगू नका मला.
कसं जगायचं, कसं वागायचं
का सांगता अजून मला?
कसं जगायचं, कसं वागायचं
प्लीज, सांगायचं नाही हं मला!

तुझ्याविना,Tujhyavina

हे चांदणे हर्ष घेऊन आले
कवडसे हवेसे उधळीत आले
घे वेचुनी ते नाही कुणाचे
तुझ्याविना .....पहाटेस कळले ही रात्र थकली
त्या चांदण्यांची स्वप्नेही सरली
कहाण्या तयांच्या कुणाला न कळल्या
तुझ्याविना .....

फुलले रे क्षण माझे Phulale Re Kshana Majhe

फुलले रे क्षण माझे फुलले रे

मेंदीने, शकुनाच्या, शकुनाच्या मेंदीने

सजले रे क्षण माझे सजले रे



झुळूक वाऱ्याची आली रे लेऊन कोवळी सोनफुले

साजण स्पर्षाची जाणिव होऊन, भाळले मन खुळे

या वेडाचे, या वेडाचे, नाचरे भाव बिलोरे


मेंदीने, शकुनाच्या मेंदीने

खुलले रे क्षण माझे खुलले रे



ओढ ही बेबंद, श्वासात, ध्यासात, स्वप्नात येणे तुझे

भांबावल्या माझ्या उरात, स्पर्शात रेशिम काटे तुझे

मन मोराचे, मनमोराचे, जादुभरे हे पिसारे

मेंदीने, शकुनाच्या मेंदीने

हसले रे क्षण माझे हसले रे



रीत ही, प्रीत ही उमजेना


जडला का जीव हा समजेना

कशी सांगू मी, कशी सांगू मी

माझ्या मनीची कथा रे

मेंदीने, शकुनाच्या मेंदीने

भुलले रे क्षण माझे भुलले रे