जा घेउनि संदेश JA GHEUNI SANDESH

जा घेउनि संदेश पांखरा
मानसीच्या राजहंसा, जा रे

मोत्यावरचे मोहक पाणी
साठविले मी शाई म्हणुनी
मुग्ध कळीची करुनि लेखणी
आळविला निज देश

कमलदलावर हृदय ओतिले
नकळत त्याचे अक्षर झाले
प्रेमपत्र हे पहिलेवहिले
मदनाचा आदेश

Lyrics -राजा बढे RAJA BADHE
Singer -सरस्वतीबाई राणे  SARSWATIBAI RANE

मी बोलु कुणा प्रभु सांगु कुणा Mi bolu kuna prabhu Sangu kuna

मी बोलु कुणा प्रभु सांगु कुणा
ही व्यथा मनाची तुझ्याविना

कळते न मला का दैव का छळी
फुलताच सुकावी सोनकळी
चुरली गळता अशी पायदळी
निर्माल्य असे हे वाहु कुणा

मी जाऊ कुठे नच वाट दिसे
कुणी सावरिता जगी होत हसे
हा संशय जीवित जाळित असे
जळताना हो संतोष जना

घायाळ जिवा आधार जरी
पुसती न आसवें कोणी तरी
तुजविण दुजे मज कोण हरी
तू तार-मार मज दयाघना

Lyrics - Raja Badhe राजा बढे
Music - M G Gokhale ‍एम्‌. जी. गोखले
Singer - Nirmala Gogate निर्मला गोगटे
Movie / Natak / Album -  

या लता शिकविती Ya Lata Shikaviti

या लता शिकविती रीत अशी वरीं वनिता
काटकता अभय प्रीत

करी धरिता नूपुर भार
सहे न हृदयी पुष्पहार
सहज उचली जलकुंभा, ही विल्लिता

Lyrics  -    Raja Badhe  राजा बढे
Music    -    Pandit Jitendra Abhisheki  पं. जितेंद्र अभिषेकी
Singer   -    Narayan Bodas नारायण बोडस
नाटक    -    Dhadila Ram tine ka Vani धाडिला राम तिने का वनी

हसले मनी चांदणे,Hasale Mani Chandane

हसले मनी चांदणे
जपुनि टाक पाउल साजणी, नादतील पैंजणे

बोचतील ग, फुलं जाइची तुझी कोमला काय
चांदण्यातही सौंदर्याने पोळतील ना पाय ?

पानांच्या जाळीत लपोनी चंद्र पाहतो गडे
सांग कुणाच्या भेटीसाठी जीव सारखा उडे

कुजबुजुनी कानात सांगतो मधुप, नको ग रुसू
लाजलाजऱ्या कळ्याफुलांना खुद्‌कन्‌ आलं हसू

हो जरा, बघा की वरी, कळू द्या तरी, उमटु द्या वाणी
का आढेवेढे उगाच, सांगा, काय लाभले राणी ?

का ग अशा पाठीस लागता मिळुनी साऱ्या जणी ?
आज लाभला मला माझिया सर्वस्वाचा धनी

किति, किति ग भाग्याची
भलतीच ओढ ही कामसुंदराची
नव्हे ग श्यामसुंदराची

हसतेस अशि का मनी,Hasates Ashi Ka Mani

हसतेस अशि का मनी ?
कोण ग उभे तुझ्या अंगणी ?

कितिकदा वळुनि पाहशी
अन्‌ पुन्हा नजर वळविशी
हा लपंडाव खेळशी
कोण ग उभे तुझ्या अंगणी ?

अडविसी मुखावर हसे
थरकाप हृदयी होतसे
लागले कुणाचे पिसे
कोण ग उभे तुझ्या अंगणी ?

वळते न जीभ का मुकी ?
रक्तिमा पसरते मुखी ?
रेखिले चित्र हे कुणी !
कोण ग उभे तुझ्या अंगणी ?

कोण ग ? तेच का गडे ?
पण कशास हो एवढे ?
अगबाइ मुळि न आवडे
नव्हे का नावहि ते भाषणी ?
कोण ग उभे तुझ्या अंगणी ?

शांत दांत कांते,Shant Dant Kante

शांत दांत कांते, कांते गे
कां तव जे मन सचिंत हे भ्रमले
तिमीर उरी भरले, कांते गे

जीवन मम गे, तेच तुझे मन
दैवयोगे जगी अपुले जुळले, कांत गे

लेऊ कशी वल्कला,Leu Kashi Valkala

लेऊ कशी वल्कला
ते जुळे न बाई मला

नीट निरीची गाठ न जुळते
निरीवरती निरी न मिळते
कटीवरुनी सरते ओघळते असोवरी मेखला

हवी कशाला मणी-भूषणे
जवळी असता अहेव लेणे
डागतील मज सये दागिने माळीन चंपक फुला

मंद मंद ये समीर,Mand Mand Ye Samir

मंद मंद ये समीर जागवीत आठवणी
विकसित मधु गंध बहर, स्वर्गसुखाच्या लहरी

झळझळती कळस दूर, येता परिसर जवळी
बघ रे बघ विरहार्ता, आली तव अवधपुरी

प्रिय बांधव स्वजन तात, भेटता दिठी दिठी
मातृदवता मदीय बघतिल डोळे भरुनी
सज्ज उभी स्वागतास माझी अयोध्या नगरी

मोहुनिया तुजसंगे नयन,Mohuniya Tujsange Nayan

मोहुनिया तुजसंगे नयन खेळले जुगार

ओठावरले हासे
फेकियले रे फासे
खेळाचा होय निकर हो जिवलग जादुगार

सहज पडे तुजसि दान
लागले पणास प्राण
मीपणात मन हरले, येइ रे गळ्यात हार

सारिलेस मोहरे
सहज अडविलेस चिरे
बंद जाहली घरे खेळ संपणार पार

पळभर जरि जुग जुळले
कटिवरुनी वरि सरले
एकुलती एक नरद पोटघरी होय ठार

पटावरुन लाजरे
पळे घरात मोहरे
बाजू बिनतोड मला देई चतुर हा खिलार

माझिया माहेरा जा,Majhiya Mahera Ja

माझिया माहेरा जा, रे पाखरा
माझिया माहेरा जा

देते तुझ्या सोबतीला आतुरले माझे मन
वाट दाखवाया नीट माझी वेडी आठवण
मायेची माउली, सांजेची साउली
माझा ग भाईराजा

माझ्या रे भावाची उंच हवेली
वहिनी माझी नवी-नवेली
भोळ्या रे सांबाची, भोळी गिरिजा

अंगणात पारिजात, तिथे घ्या हो, घ्या विसावा
दरवळे बाई गंध, चोहीकडे गावोगावा
हळूच उतरा खाली, फुलं नाजुक मोलाची
माझ्या मायमाऊलीच्या, काळजाच्या की तोलाची
'तूझी ग साळुंकी, आहे बाई सुखी'
सांगा पाखरांनो, तिचिये कानी
एवढा निरोप माझा

प्रेम केले काय हा,Prem Kele Kaay Ha

प्रेम केले, काय हा झाला गुन्हा ?
अंतरीची भावना सांगू कुणा ?

भोगिली शिक्षा पुरी मी प्रीतिची
साहवेना ती सुखाची वेदना

साक्ष द्याया बोलके झाले मुके
जीभ चावूनी टळे का वंचना

रंगवीतो चित्रलेखा प्रेमला
अनिरुद्ध स्वप्नी ये उषेच्या मीलना

बोलुनी केलीस ही जाहीर चोरी
हसशी का, रे गुन्हेगारा, पुन्हा

परब्रम्ह भेटी लागी,Parabramha Bheti Lagi,

परब्रम्ह भेटी लागी धरेवरी आले
सूर सूर चैतन्याचा रोमरोम झाले

वेद वेदनांचे गाती पुरे हा प्रवास
अगा आनंदाचे गाणे फुटे पहाटेस
चांदणे फुलांच्या फुलारून आले

तुझा श्वास माझा ध्यास नुरे दुजे काही
तुझी भक्ती माझी मुक्ती भरे दिशा दाही
विश्व आत्मरूपी अवघे एकरूप झाले

नका मारु खडा,Naka Maru Khada,

नका मारु खडा, शिरी भरला घडा, सख्या जाइल तडा,
हे भिजेल गोरे अंग !
ऐके न बाइ तरी हसे खदखदा, असा कसा श्रीरंग ?

नको धरू हात रे, पिचेल माझा चुडा
सुटेल बाइ जुडा, अवखळा, भिजतिल काजळकडा
ऐके न बाइ तरि, करि नयन वाकडा !

थंडीत भरे हुडहुडी, थरकापे माझी कुडी
ती खरी सुखाची घडी
घे बळेच ओढुनि कवळि रेशमी शेला

अधरिचा मधुर मधु मेवा, मुरलीस वाटला हेवा

हे असे काय हो देवा ?
आता फुटु द्या घडा, खुशाल मारा खडा
यापुढे कधि न मी करीन हो ओरडा

दे मला गे चंद्रिके,De Mala Ge Chandrike

दे मला गे चंद्रिके, प्रीती तुझी
रानहरिणी, दे गडे भीती तुझी

मोहगंधा पारिजाता सख्या
हासशी कोमेजता रीती तुझी

तुज कळंका छेदिता जीवनी
सुस्वरे जन भारिते गीती तुझी

सोशितोसी झीज कैसी चंदना
मांगल्यास्तव त्याग ही नीती तुझी

दे मला गे चंद्रिके,De Mala Ge Chandrike

दे मला गे चंद्रिके, प्रीती तुझी
रानहरिणी, दे गडे भीती तुझी

मोहगंधा पारिजाता सख्या
हासशी कोमेजता रीती तुझी

तुज कळंका छेदिता जीवनी
सुस्वरे जन भारिते गीती तुझी

सोशितोसी झीज कैसी चंदना
मांगल्यास्तव त्याग ही नीती तुझी

त्या चित्त-चोरट्याला का,Tya Chitta Choratyala Ka

त्या चित्त-चोरट्याला का आपुले म्हणू मी ?
स्मृतिजाल आसवांचे दिनरात का विणू मी ?

सहजी करी धरावे, नख लावुनी खुडावे
की फूल मालतीचे बागेतले जणू मी !

नजरेत नीट आले, मी घेतले निशाण

हलताच पापणीचा हुकला अमोघ बाण
ते मीन-केतनाचे ग मोडिले धनु मी !

आले मनात माझ्या, किति साळसूद बाई
मी पाहिले तरीही, ते पाहणार नाही
राजीवलोचनाला ग वाहिली तनू मी !

तुझ्या मनात कुणितरी लपलं,Tujhya Manat Kunitari Lapala

तुझ्या मनात कुणितरी लपलं ग
किती जरी आजवर जपलं ग

कधी न दिला डोळ्याला डोळा
स्वभाव अगदी साधा भोळा
कसा सुचावा भलता चाळा
परि दैव खुदुखुदु हसलं ग

कसा धरावा सखे भरवसा
पळे न कुठवर बाई ग ससा
प्रीत पारधी येईल सहसा
कसं अचुक सावज फसलं ग

मदन दूत पिटतील डांगोरा
मनोगते ही सांगती चोरा
मनमोरा नाचसी माजोरा
कुणी नव्हेच बाई अपलं ग

तेच नाव ओठांवर यावे
तेच बोल कानात घुमावे
तेच रूप नयनांत भरावे
ते गुपित आम्हाला कळलं ग

झाली पहाट झाली पहाट,Jhali Pahat Jhali Pahat

झाली पहाट, झाली पहाट

विरे काळोखाचा वेढा, चांद वळला वाकडा
वाजे राउळी चौघडा, डुले दारीचा केवडा
भवती जंगल दाट

साद घालितो कोंबडा, उठा नयन उघडा
पहा उजळल्या कडा, पडे प्राजक्ताचा सडा
खचली पाऊलवाट

घरघर घरोघरी, सूरमंजूळ लहरी
तरंगत वाऱ्यावरी, जाती पहिल्या प्रहरी
गाती सृष्टीचे भाट

जाता गुंजती गौळणी, मंद पैंजण पावली
कटि कुंभ आंदोलती, गानी गुंग भृंगावली
बोले पाणियाचा घाट

झोपडीत मायलेकी, दळताती सासूसूना
तुझे पाऊल पडू दे, अंगणात नारायणा
उजळीत पुढली वाट

जय जय महाराष्ट्र माझा,Jay Jay Maharashtra Majha

जय जय महाराष्ट्र माझा, गर्जा महाराष्ट्र माझा

रेवा वरदा, कृष्णा कोयना, भद्रा गोदावरी
एकपणाचे भरती पाणी मातीच्या घागरी
भीमथडीच्या तट्टांना या यमुनेचे पाणी पाजा

भीती न आम्हा तुझी मुळीही गडगडणाऱ्या नभा
अस्मानाच्या सुलतानीला जबाब देती जिभा
सह्याद्रीचा सिंह गर्जतो, शिव शंभू राजा
दरीदरीतुन नाद गुंजला, महाराष्ट्र माझा

काळ्या छातीवरी कोरली, अभिमानाची लेणी
पोलादी मनगटे खेळती, खेळ जीवघेणी
दारिद्र्याच्या उन्हात शिजला
निढळाच्या घामाने भिजला
देशगौरवासाठी झिजला
दिल्लीचेही तख्त राखितो महाराष्ट्र माझा

डोळे मोडित गौळण राधा Dole Modit Gaulan Radha

डोळे मोडित गौळण राधा

हिला जडली मोहन बाधा



भाळल्या कितीक गौळणी

राधिका कोर चांदणी

बाल मुकुंद राजस गुणी

कसे बाई लाविले नादा




किती बाई काळा काळा

दिसे अचुकच कान्हा डोळा

वरपांगी भाव ग भोळा

नाही नंदलाल हा साधा



मुरलीची करी ग पिचकारी

रंगवी हरी ब्रिज नारी

लाजता हसे गिरीधारी

रंगात रंगली राधा