अशा या सांजवेळेला Asha ya Sanjvelela

अशा या सांजवेळेला सुखाचा गंध हा आला
रिकाम्या ओंजळीला ह्या फुलांचा भार का झाला

निळ्या पाण्यात चंद्राच्या बिलोरी हालती छाया
निळ्या अंधार लाटेचा किनारा पैंजणे झाला

कुठे त्या गाववेशीला दिव्यांचा कारवा हाले
मनाच्या स्वैर मोराचा पिसारा मोकळा झाला

पहाटे स्वप्‍नपक्षांनी किनारे झाकले दोन्‍ही
मिठीच्या वादळाकाठी उसासा चंदनी झाला

Lyrics - Anil Kamble   अनिल कांबळे
Music - Anand Modak     आनंद मोडक
Singer - Ranjana Joglekar     रंजना जोगळेकर

त्या कोवळ्या फुलांचा,Tya Kovalya Phulancha

त्या कोवळ्या फुलांचा बाजार पाहिला मी
पैशात भावनेचा व्यापार पाहिला मी

अंधार वेदनांनी आक्रंदतो तरीही

नजरेत वासनेचा श्रृंगार पाहिला मी

रस्ते उन्हात न्हाले, सगळीकडे परंतु
वस्तीतुनी दिव्यांच्या अंधार पाहिला मी

थोडा उजेड ज्याला मागावयास गेलो
तो सूर्य ही जरासा लाचार पाहिला मी

आज एकांतात हळवी, Aaj Ekantat Halavi

आज एकांतात हळवी वेदना गंधीत झाली

अंगप्रत्यंगात हलके चांदण्यांची हाक आली



आर्जवी डोळ्यांत माझे गीत रेंगाळून होते

त्याच डोळी हळद होरी रात्र शृंगारात न्हाली




ती दिवा विझवून होती, मी पहाटे जागलो

ठेऊनी ओळी दिव्यांच्या ती पुढे मार्गस्थ झाली



एकदा हिरव्या ऋतूचा बहर स्वप्नांतून आला

हरवल्या दिवसास माझ्या साक्ष कवितेची मिळाली