धरिला पंढरीचा चोर DHARILA PANDHRICHA CHOR

धरिला
धरिला पंढरीचा चोर
धरिला पंढरीचा चोर

गळा बांधुनिया दोर
गळा बांधुनिया दोर
गळा बांधुनिया दोर

धरिला पंढरीचा चोर
धरिला पंढरीचा चोर

हृदयबंदी खाना केला
हृदयबंदी खाना केला
आत विठ्ठल क्वान्डीला (कोंडीला)
आत विठ्ठल क्वान्डीला (कोंडीला)
शक्ती केली दडादुडी
शक्ती केली दडादुडी
विठ्ठल पायी घातली बेडी
विठ्ठल पायी घातली बेडी
धरिला पंढरीचा चोर
धरिला पंढरीचा चोर

शब्दाचा मारा केला
शब्दाचा मारा केला
विठ्ठल काकुळतीला आला
विठ्ठल काकुळतीला आला
जनी म्हणे बा विठ्ठला
जनी म्हणे बा विठ्ठला
जीवे न सोडी मी रे तुला
जीवे न सोडी मी रे तुला
धरिला पंढरीचा चोर
धरिला पंढरीचा चोर

गळा बांधुनिया दोर
गळा बांधुनिया दोर
गळा बांधुनिया दोर
धरिला पंढरीचा चोर
धरिला पंढरीचा चोर
धरिला पंढरीचा चोर


Lyrics -संत जनाबाई SANT JANAABAI
Music -अनुराधा पौडवाल ANURADHA PAUDAWAL
Singer -विश्वनाथ मोरे VISHWNATH MORE
Movie / Natak / Album -पंढरीची वारी PANDHARICHI  WARI

संतभार पंढरीत,Santbhar Pandhareet

संतभार पंढरीत ।
कीर्तनाचा गजर होत ॥१॥

तेथ असे देव उभा ।
जैसी समचरणांची शोभा ॥२॥

रंग भरे कीर्तनात ।
प्रेमे हरिदास नाचत ॥३॥

सखा विरळा ज्ञानेश्वर ।
नामयाचा जा जिव्हार ॥४॥

ऐशा संता शरण जावे ।
जनी म्हणे त्याला ध्यावे ॥५॥

येग येग विठाबाई,Yega Yega Vithabai

येग येग विठाबाई, माझे पंढरीचे आई ॥१॥

भीमा आणि चंद्रभागा, तुझे चरणीच्या गंगा ॥२॥

इतुक्यासहित त्वां बा यावें, माझे रंगणी नाचावें ॥३॥

माझा रंग तुझे गुणीं, म्हणे नामयाची जनी ॥४॥

नाम विठोबाचे घ्यावे,Naam Vithobache Ghyave

नाम विठोबाचे घ्यावे ।
मग पाऊल टाकावे ॥१॥

नाम तारक हे थोर ।
नामे तरिले अपार ॥२॥


अजामेळ उद्धरिला ।
चोखामेळा मुक्तिस नेला ॥३॥

नाम दळणी कांडणी ।
म्हणे नामयाची जनी ॥४॥

दळिता कांडिता,Dalita Kandita

दळिता कांडिता । तुज गाईन अनंता ॥१॥

न विसंबे क्षणभरी । तुझे नाम ग मुरारी ॥२॥


नित्य हाचि कारभार । मुखी हरि निरंतर ॥३॥

मायबाप बंधुबहिणी । तू बा सखा चक्रपाणी ॥४॥


लक्ष लागले चरणासी । म्हणे नामयाची दासी ॥५॥

ज्याचा सखा हरी,Jyacha Sakha Hari

ज्याचा सखा हरी ।
त्यावरी विश्व कृपा करी ॥१॥

उणें पडों नेदी त्याचें ।
वारे सोसी आघाताचें ॥२॥

तयावीण क्षणभरी ।
कदा आपण नव्हे दुरी ॥३॥

अंगा आपुले ओढोनी ।
त्याला राखतो निर्वाणी ॥४॥

ऐसा अंकित भक्तांसी ।
म्हणे नामयाची दासी ॥५॥

जनी म्हणे पांडुरंगा,Jani Mhane Panduranga

जनी म्हणे पांडुरंगा । माझ्या जीवींच्या जीवलगा ।
विनविते सांगा । महिमा साधुसंतांचा ॥१॥


कैसी वसविली पंढरी । काय महिमा भीमातीरीं ।
पुंडलिकाच्या द्वारीं । कां उभा राहिलासी ॥२॥


कैसा आला हा गोविंद । कैसा झाला वेणुनाद ।
येउनी नारद कां राहिला ॥३॥

कृपा करा नारायणा । सांगा अंतरींच्या खुणा ।
येऊं दे करुणा । दासी जनी विनवितसे ॥४॥

जनी जाय पाणियासी,Jani Jaay Paniyasi

जनी जाय पाणियासी । मागें धांवे हृषिकेशी ॥१॥

पाय भिजों नेदी हात । माथां घागरी वहात ॥२॥


पाणी रांजणांत भरी । सडासारवण करी ॥३॥

धुणें धुऊनियां आणी । म्हणे नामयाची जनी ॥४॥

जनी उकलिते वेणी,Jani Ukalite Veni

जनी उकलिते वेणी ।
तुळशीचे बनी ॥१॥

हाती घेऊनिया लोणी ।
डोई चोळी चक्रपाणी ॥२॥


माझे जनीला नाही कोणी ।
म्हणुनी देव घाली पाणी ॥३॥

जनी सांगे सर्व लोका ।
न्हाऊ घाली माझा पिता ॥४॥