जन्मोजन्मीं तुम्हीच JANMOJANMI TUMHICH

जन्मोजन्मीं तुम्हीच यावे माझ्या संसारी
एकच आशा सदैव राहील अखेरची ह्या उरी

अलंकार सोन्याचे मजला नकोत माणिकमोती
शपथ गळ्याची तुमच्या घ्यावी माझी पूरी कसोटी
महालात जन्मले, वाढले वैभवात मी जरी

मंगल सौभाग्याचा ठेवा तुमच्या चरणांमधी
अखंड वाहील प्रीतीची का निर्मळ गंगा मधी
युगायुगांच्या गाठीभेटी पडतील वरचेवरी


Lyrics -अनिल भारती ANIL BHARATI
Music -वसंत प्रभू VASANT PABHU
Singer -सुलोचना चव्हाण  SULOCHANA CHAVHAN

या कातरवेळी (२),Ya Katarveli (2)

या कातरवेळी,
पाहिजेस तू जवळी

एकटि मी दे अधार
छेड हळू हृदय-तार
ऐक आर्त ही पुकार
सांजवात ये उजळी

रजनीची चाहुल ये
उचलुनिया अलगद घे
पैलतिरी मजला ने
पुसट वाट पायदळी

शिणले रे, मी अधीर
भवती पसरे तिमीर
व्याकुळ नयनांत नीर
मीलनाची आस खुळी

यमुनाकाठी ताजमहाल,Yamunakathi Taj Mahal

बादशहाच्या अमर प्रीतिचे
मंदिर एक विशाल
यमुनाकाठी ताजमहाल

मूर्तिमंत झोपली प्रीत अन्‌
मृत्यूचे ओढून पांघरुण
जीवन कसले महाकाव्य ते
गाईल जग चिरकाल

नि:शब्द शांती अवतीभवती
हिरे जडविले थडग्यावरती
एकच पणती पावित्र्याची
जळते येथ खुशाल

हळूच या रसिकांनो येथे
नका वाजवू पाऊलाते
दिव्य दृष्टिला होईल तुमच्या
मंगल साक्षात्कार

तो सलीम राजपुत्र नर्तकी,To Salim Rajputra Nartaki

प्रीतीची आसवे पत्थरात पाझरली
तो सलीम राजपुत्र, नर्तकी अनारकली

अनोळखी शिपाइगड्या एकदाच पाहिले
शूराच्या चरणावर मस्त हुस्न वाहिले
इष्काच्या दरबारी चांदरात बरसली

बंड करुन उठली तलवार सलीमची
राजनिष्ठ राजबीज आस मोंगलांची
अकबरच्या न्यायकसोटीस प्रीत उतरली

ते शराबि नैन कधी कुणा नाहि डरले
राजा वा रयतेला ना कधीच घाबरले
मिलनाच्या वाटेवर भिंत जरी बांधली

अल्लाच्या दरबारी दोन पाखरे जुळी
पंख मिटुन मूकपणे चढली एका सुळी
तो पतंग ती शमा एकसाथ जाळली

जनी नामयाची रंगली,Jani Namayachi Rangali

जनी नामयाची, रंगली कीर्तनी
तोच चक्रपाणी, धाव घेई

मुखी हरीनाम, नेत्र पैलतीरी
देवाची पंढरी, मोक्ष वाटे

दळीता कांडीता, वाहता कावडी
चिंतनात गोडी, विठ्ठलाच्या

चक्र टाकूनीया, दळावे हरीने

भक्तांचे देवाने, दास व्हावे

जुळे असे नाते, जळो गर्व-हेवा
तुझी आस देवा, पांडुरंगा

खेड्यामधले घर कौलारू (२),Khedyamadhale Ghar (2)

आज आचानक एकाएकी
मानस लागे तेथे विहरू
खेड्यामधले घर कौलारू

पूर्वदिशेला नदी वाहते
त्यात बालपण वहात येते
उंबरठ्याशी येउन मिळते
यौवन लागे उगा बावरू

माहेराची प्रेमळ माती
त्या मातीतुन पिकते प्रीती
कणसावरची माणिकमोती
तिथे भिरभिरे स्मृती पाखरू

आयुष्याच्या पाउलवाटा
किती तुडविल्या येता जाता
परि आईची अठवण येता
मनी वादळे होती सुरू