बेचैन हळव्या लाटा BAICHAIN HALVYA LATA

बेचैन हळव्या लाटा, शोध घेतात कुणाचा
नर्म रेतीत पसारा, ह्या निराकार ठश्यांचा

सांज शकुनाने भारल्या मौन माडांच्या सावल्या, भारलेल्या
गीत गातात कुणाचे, ठाव घेतात मनाचा
शोध घेतात कुणाचा ….

शुभ्र ताऱ्यांचा काफिला, दूर जाताना बोलला
सांगता हिच निशेची, हाच प्रारंभ उद्याचा
भास सांभाळ धुक्याचा


Lyrics -वैभव जोशी  VAIHAV JOSHI
Music -अवधूत गुप्ते AVADHUT GUPTE
Singer -वैशाली सामंत VAISHALI SAMANT
Movie / Natak / Album -गीत GEET

अशी ये नजीक AASHI YE NAJIK

अशी ये नजीक येथे बैस घडीभर
उन्हाच्या मिठीत जशी ओलीचिंब सर
ओझरते, ओझरते, काहीतरी बोल
जरा जरा वर-वर, जरा जरा खोल

अशी नजिकता तरी असा हा दुरावा
सरीच्या झळांचा नाही उन्हाला सुगावा
कसे सांगू तुझ्याविना माझे काय होते
श्वास घ्यावा साधा तरी तुला साद जाते

अशी ये नजीक आज जणू उद्या नाही
असे नामशेष होणे पुन्हा पुन्हा नाही
माझे उन्हपण तुझे सरीपण सरो
पुरावा म्हणून एक इंद्रधनू उरो

Lyrics -वैभव जोशी VAIBHAV JOSHI
Music -सुमीत बेल्लारी - रोहित नागभिडे SUMIT BELLARI-ROHIT NAGBHIDE
Singer -स्वप्नील बांदोडकर - सावनी शेंडे SWAPNIL BANDODKAR-SAVNI SHENDE
Movie / Natak / Album -तप्तपदी (२०१४) TAPTPADI