रडतच आलो येताना RADATACH AALO YETANA

रडतच आलो येताना,पण हासत जावे जाताना
अंगावर आसुड विजेचे ,झेलून घेती घन वर्षेचे ,
सार्थक झाले कोसळण्याचे तृपित धरित्री न्हाताना

हासत हासत ज्योती जळाली ,काळोखाची रात्र उजळली ,
पहाट झाली तेव्हा नव्हती ,तेजोमय जग होताना

बीज आतुनी फुटुनी गेले ,वेदनेत या फूल जन्मले
अमरपणाचा अर्थ आकळे मरण झेलूनी घेताना

कुणी दू:खाचा घोट घेतला खोल व्यथेने प्राण पेटला
त्या दू :खाचे झाले गाणे जीव उधळुनी गाताना

Lyrics -मंगेश पडगांवकर  MANGESH PADAGAWAKAR
Music -यशवंत देव YASHAWANT DEV
Singer -अरुण दाते ARUN DATE

आलो इथे कशाला AALO ETHE KASHALA

आलो इथे कशाला,माझे मला कळेना
या बेगडी जगाशी ,हा सुर ही जुळेना

झेलून घाव सारे केली अपार प्रीती
पण प्रीतीचा हिशोबी व्यवहार आकळेना

मी हाक घातली ,अन माझेच शब्द आले 
माझेच शब्द आले ,मी हाक घातली  अन
मी हाक घातली अन
माझ्या घरावरुण काळोख हा ढळेना 

मी आसवात माझ्या ही रात्र चिंब केली
पण ध्यास लागलेला ,तो चंद्र आढळेना


Lyrics -मंगेश पडगांवकर MANGESH PADAGAWAKAR
Music -रवी दाते RAVI DATE
Singer -अरुण दाते ARUN DATE