रघुपती राघव गजरी RAGHUPATI RAGHAW GAJARI

रघुपती राघव गजरी, गजरी
तोडीत बोरे शबरी

ध्यानी जपली मनी पूजिली
रघुनाथाची मूर्त सावळी
बघावयाला याच डोळी
आतुरले मी किती अंतरी

रामनाम ते वदता वाचे
अमृत लाघव अधरी नाचे
हाती येता फळ भक्तीचे
चाखीत होते नाम माधुरी

भजनी रमुनी भिल्लीण श्यामा
म्हणते लवकर ये रे रामा
आलिंगुनी या भक्ती प्रेमा
स्वर्ग बघू दे मला भूवरी

Lyrics -पी. सावळाराम  P.SAWALARAM
Music -वसंत प्रभू VASANT PRABHU
Singer -आशा भोसले AASHA BHOSALE
Movie / Natak / Album -भक्तिगीत BHAKTIGEET

तू सहज मला पाहिले Tu Sahaj Mala Pahile

तू सहज मला पाहिले, मी सहज तुला पाहिले
पहाण्याचे मग क्षणात अपणा व्यसन पुरे लागले

तव पहाण्याचा अर्थ कळेना मला
मम पहाण्याचा अर्थ कळेना तुला
लावायाचा अर्थ केवी दोघांनी ठरविले

होऊ लागल्या चोरून भेटी, अर्थ लावण्यासाठी
विलग अक्षरे करून बांधली नजरेच्या गाठी
हासू लागले या वेडाला तुझे न्‌ माझे डोळे

बघायचे मी जरा टाळता आलीस भेटायाला
म्हणालीस तू चला बसू या, अर्थ लावण्याला
लावायाचा अर्थ काय तो ? सर्व काही कळले

Lyrics - P Savlaram पी. सावळाराम
Music -  Vasant Prabhu वसंत प्रभू
Singer -  Bhal;chandra Patekar भालचंद्र पाटेकर
Movie / Natak / Album -

तू सहज मला पाहिले Tu Sahaj Mala Pahile

तू सहज मला पाहिले, मी सहज तुला पाहिले
पहाण्याचे मग क्षणात अपणा व्यसन पुरे लागले

तव पहाण्याचा अर्थ कळेना मला
मम पहाण्याचा अर्थ कळेना तुला
लावायाचा अर्थ केवी दोघांनी ठरविले

होऊ लागल्या चोरून भेटी, अर्थ लावण्यासाठी
विलग अक्षरे करून बांधली नजरेच्या गाठी
हासू लागले या वेडाला तुझे न्‌ माझे डोळे

बघायचे मी जरा टाळता आलीस भेटायाला
म्हणालीस तू चला बसू या, अर्थ लावण्याला
लावायाचा अर्थ काय तो ? सर्व काही कळले

Lyrics - पी. सावळाराम P Savlaram
Music - वसंत प्रभू Vasant Prabhu
Singer - Bhalchandra Patekar भालचंद्र पाटेकर
Movie / Natak / Album -

मोहरला मधुमास Moharala Madhumas

मोहरला मधुमास
मानसी, घडता नित्य तुझा सहवास

तव स्पर्षाने गुलमोहर तो
अंगाअंगातुन बहरून येतो
नयनांमधली निळी मोहिनी करिते नित्य विलास

नसता कोणी हिरव्या रानी
गंधवतीला जवळ घेउनी
माझ्या भवती टाक मुलायम मृदुल करांचा पाश

Lyrics - P Sawlaram पी. सावळाराम
Music - Datta Davjekar दत्‍ता डावजेकर
Singer - Asha Bhosle आशा भोसले
Movie / Natak / Album - Soon Ladki ya gharchi सून लाडकी या घरची  

हर्षाचा वर्षाचा दिवाळी,Harshacha Varshacha Diwali

हर्षाचा, वर्षाचा
दिवाळी सण आला

कारंजी उठती तेजाळ
नाचती बाळ गोपाळ
आनंद दीप गोविंद
उधळतो चांदणी झेला

लक्षुमी देवता खरी
पुजितो दास श्रीहरी
भक्तीचा जीव प्रीतीचा
अंबरी दीप लखलखला

प्रतिपदा मूर्त मंगला
ओवाळी पति देवाला
हसता प्रेम अर्पिता
उतरला स्वर्ग भूमीतला

हसुनि एकदा मला मुकुंदा,Hasuni Ekada Mala Mukunda

हसुनि एकदा मला मुकुंदा, केलीस का रे वेडे ?
चित्र तुझे रे नेत्र काढते, बघ ना माझ्याकडे

मोरमुकुट तो तुला शोभला
चंद्र केशरी भाली रेखिला
नकळत जुळले कर गोपाळा
नको मिटु तू नेत्रकमळा, प्रीत भृंग सापडे

अधर चुंबनी मधुरा रमली
नको श्रीधरा घुमवु मुरली
ढळे पापणी गळे कुंचली
सुरासंगती अंतराळी, चित्तपाखरू उडे

कुणी अपुरे ते पूर्ण केले
चित्र तुझे रे मीच झाले
हसलासी तू विश्व हासले
चंद्र काळा नवल घडले, लख्ख चांदणे पडे

हसले ग बाई हसले,Hasale Ga Bai Hasale

हसले ग बाई हसले अन कायमची मी फसले

नयनकवडसा टाकुन कुणीतरी, दिपवी माझे लबाड डोळे
प्रीत-मधाचे सुंदर पोळे, हृदयी शिरुनी चोरुन नेले

सांगायाची चोरी झाली, आई विचारी काय जहाले
चिडले, रुसले, माझ्यावर मी, मलाच होते हरवुन बसले

पाळत ठेवुन त्या लुच्च्याला, धरुनी बांधुन खेचित नेले
वाजत गाजत कैदी केले, शासन करता घरास मुकले

हसले आधी कुणी,Hasale Aadhi Kuni

हसले आधी कुणी ? तू का मी ?

सहज तुला मी रे सख्या पाहिले
तू बघता मी ग तुला पाहिले
त्या पाहण्याचे वेड लागता
त्या वेडाचा तू अर्थ सांगता
हसले आधी कुणी ? तू का मी ?

अवचित तुझी रे भेटची होता
पदर सावरी ढळला नसता
बिजली परि मी निघूनी जाता
मागे वळूनी तू हळूच पाहता
हसले आधी कुणी ? तू का मी ?

नाही भेटले बळेच तुजला
कळले सखये जेव्हा मजला
परस्परावरी रुसता फुगता
जवळ येऊनी दूरची सरता
हसले आधी कुणी ? तू का मी ?

हरवले ते गवसले का,Haravale Te Gavasale Ka

हरवले ते गवसले का ? गवसले ते हरवले का ?

मीलनाचा परिमल तोचि, फूल तेचि त्या स्वरुपी
पाकळ्यांच्या उघडझापी, हास्य उमले वेगळे का ?

पावसाळी ग्रीष्म सरिता, सागराला फिरुनि मिळता
जलाशयाची सृष्टी आता, मृगजळे ही व्यापिली का ?

दूर असता जवळी आले, जवळी येता दूर गेले
जो न माझे दुःख हसले, तोचि सुखही दुखाविले का ?

स्वप्न उद्याचे आज,Swapna Udyache Aaj

स्वप्न उद्याचे आज पडते, चित्र चिमणे गोजिरवाणे
नयना पुढती दुडदुडते !

कट्यार चिमणी कटिला साजे, जिरेटोप तो सान विराजे
लुटुलुटु येता हे शिवराजे, शिवनेरीवर वत्सलतेचे
निशाण भगवे फडफडते !

चितोडगडचा शूर इमानी, प्रताप राणा बाळ होऊनी
मिठी मारता दोन्ही करांनी अभिमानाचे पंख लावुनी
काळीज माझे नभी उडते !

ऊठ म्हणता उठते क्रांती, ज्याच्या मागून फिरते शांती
जवाहिराची राजस मूर्ती लाडे लाडे आई म्हणता
भारत-दर्शन मज घडते !

सांजवात लाविते,Sanjvat Lavite

सांजवात लाविते
आई, स्मरण तुझे होते

मिटल्या नयनी तुझीच मूर्ती
येउन सांगे शुभंकरोती
गहिवरुनी अश्रू म्हणती
भरचुड्याचे कर जोडिते

सुखी संसारी, तुझ्या कृपेने
कौतुक करण्या नाहीस तू पण,
पोरकीच ना आता तुजविण
लेक लाडकी हाक मारिते

बघण्या तुजला एकदाच ते
माहेराला चालत येते
कुशीत शिरूनी आई म्हणते
भीक घाल तू मातृदेवते

सांग धावत्या जळा,Sang Dhavatya Jala

सांग धावत्या जळा, तुझ्यापरी ओढ उरी
सांग कुणाची मला ?

लुकलुकणारी नेत्र मासळी
तुझ्या जीवनी कशी हरपली
मोहुनिया तिला धराया, जीव लाविते गळा

हर्ष फुलांचे उधळित झेले
तुझे मनोगत कुठे चालले
या धरतीला कसा लागला, तुझ्या मनाचा लळा

पाणवठी या अशीच सखया
धीवरकन्या करता मृगया
कसा जाहला सांग प्रेमळा, राव शंतनु खुळा

सुख येता माझ्या दारी,Sukha Yeta Majhya Dari

सुख येता माझ्या दारी
सुखासवे तो उदया येईल दिनसोन्याचा संसारी

सुवासिनीच्या देहतरूवर हर्ष-फुलांचा फुलता मोहर
गंधवती मी होऊन जाइन सुख देवाला सामोरी

नेत्र शिंपली भरता स्वाती, आनंदाचे झरता मोती
पति प्रेमावर उधळित राहिन, मनोमनी का देव्हारी

अमर सुखाची पडता दृष्टी, उजळुन जाता जीवनसृष्टी
उणे न काही सुखरूप मीही, सर्व सुखाच्या मंदिरी

सावध हरिणी सावध,Savadha Harini Savadha

सावध हरिणी सावध ग, करील कुणी तरी पारध ग

रसरसलेली तुझी ग ज्वानी, चंचल नयनी गहिरे पाणी
घातक तुजला तुझी मोहिनी, सावध

उन्मादाचे अंगी वारे, पिसाट फिरता उरी कापरे
थरथर काळीज हलते रमणी, सावध

मादक धुंदी तुझीच सगळी, दिशात भरुनी नभात चढली
मोहाच्या क्षणी झापड नयनी, सावध

सारी भगवंताची करणी,Sari Bhagavantachi Karani

सारी भगवंताची करणी
अधांतरी हे झुले नभांगण शेषफणावर धरणी

लक्ष्मीसाठी घर गर्वाचे उंच बांधुनि देतो
गरिबासाठी गरीब होऊन झोपडीतही रमतो
पतिता संगे पतीतपावन चालतसे अनवाणी

समुद्रात जरी अथांग पाणी तहान शमवि श्रावणधार
अन्न ब्रम्ह ते अखंड घेते काळ्या मातीतून अवतार
जगण्यासाठी तरी मानवा लाग प्रभूच्या चरणी

जिथे वाजतो घुंगुरवाळा, बालक होऊन तिथे रांगतो
मायबाप तो सर्व जगाचा आईसाठी जगात येतो
हात जोडुनी देव बोलतो शरण तुला गे जननी

सप्तपदी हे रोज चालते,Saptapadi He Roj Chalate

सप्तपदी हे रोज चालते
तुझ्यासवे ते, शतजन्मीचे हो, माझे नाते

हळव्या तुझिया करात देता
करांगुली ही रूप गोजिरी
गोड शिर्शिरी उरात फुलता
स्पर्शाने जे मुग्ध बोलते

करकमळांच्या देठांभवती
झिम्मा खेळत प्रीत बिलवरी
दृष्ट लाजरी जरीकाठी ती
तुझ्या लोचने वळुनी बघते

आठवे पाऊल प्रीत मंदिरी
अर्धांगी मी सगुण साजिरी
मूर्त होता तुझ्या शरीरी
अद्वैताचे दैवत होते

सजू मी कशी,Saju Mi Kashi

सजू मी कशी ? नटू मी कशी ?
चोरुन सांग तुला भेटू मी कशी ?

रुप्याचं जोडवं बोटात कचतंय्‌
तुरुतुरु चालता खण्‌खण्‌ वाजतंय्‌
गावाला कळतंय्‌, चालू मी कशी ?

लज्जेला लागता वाकडी नजर
गोरट्या हातानं सावरता पदर
काकणांचा गजर, थांबवू कशी ?

झोकदार नथनी कानात डूल
उरात फुलतंय्‌ चाफ्याचं फूल
वासाची भूल ही, छपवू कशी ?

सखू आली पंढरपूरा,Sakhu Aali Pandharpura

आलिंगुनी अंगिकारा बाप रखुमाईच्या वरा
सोडूनिया घरदारा,सखू आली पंढरपूरा

अनवाणी पायपिटी किती केली आटाआटी
सगुणरूप भेटीसाठी तोडिल्या मी बंधनगाठी
तुळशीहार घाली कंठी विटुनीया संसारा

संत तुकोबाची वाणी भक्तीची ती शिकवणी
लागता मी तुझ्या भजनी, छळिली ही सुवासिनी
सर्वसाक्षी सर्वज्ञानी, तुला ठावे परमेश्वरा

साऱ्या इंद्रियांचे प्राण डोळियांत व्याकळून
मायबाप तुला शरण मागते मी विनवून
दिला जन्म, देई मरण, लेकिला या विश्वंभरा

सखी ग मुरली मोहन,Sakhi Ga Murali Mohan

सखी ग, मुरली मोहन मोही मना
गाऊ किती पुन्हा पुन्हा, त्याच्या गुणा

शृंगाराची प्रीत करिता चिंतन
अनुराग त्याचा देता आलिंगन
चंदनाचा गंध येत पंचप्राणा

कानी येता ज्याच्या बासुरीचे सूर
कालिंदीला येता आनंदाचा पूर
गोपिकांच्या घरी प्रीतीचा पाहुणा

शेत बघा आलंया,Shet Bagha Aalaya

शेत बघा आलंया राखणीला
सोन्याचं घुंगरू गोफणीला

लखलख पाचूचा हिरवा वाडा
रोखलाय वाऱ्यानं तेजाचा घोडा
गव्हल्या गाईचा अवखळ पाडा
धन्यानं बांधलाय्‌ दावणीला

मोत्याची नथणी मराठमोळी
लज्जेची लेणी अंगभर ल्याली
सोन्याच्या पाऊली लक्षुमी आली
राहिली जन्माची चाकरीला

एकीच्या सुखाला लावताय पिडा
पाखरांनो उडा नजरेत दडा
गोफणीत घुमतोय विषारी खडा
नका गणू गुजावण देखणीला