ठुमकत आल्या किती गौळणी Thumakat Alya Kiti Gaulani

राधा रमणी मोहन हरिणी चाले चपल चरणी

ठुमकत आल्या किती गौळणी




आले नेसून काळी चंद्रकळा

सोळा शिणगार आले घालून गळा

घडा लाजंचा डोईवर डुचमळला

अन्‌ भिजली तनू देखणी




आली चंद्रावळ मी नखऱ्याची

लाल पैठण जरीच्या पदराची

जशी रंभा अप्सरा इंद्राची

उभी धरणीच्या अंगणी




नको कान्हा अशी ही बळजोरी

मथुरेच्या जाऊ दे बाजारी

दिसं बुडताना येईन माघारी

तुज पुरवीन मी मागणी

ठाऊक नाही मज काही Thauk Nahi Maj Kahi

ठाऊक नाही मज काही !

ठाऊक आहे का तुज काही,

कशी होती रे माझी आई ?




मऊ जशी ती साय दुधाची,

होती आई का तशी मायेची ?

बागेतील ते कमल मनोहर,

आई होती का तशीच सुंदर ?

देवाघरी का एकटी जाई ?

ठाऊक आहे का तुज काही,

कशी होती रे माझी आई ?




चिउकाऊची कथा चिमुकली,

सांगत होती का ती सगळी ?

अम्हांसारखे शुभंकरोती,

म्हणे रोज का देवापुढती ?

गात असे का ती अंगाई ?

ठाऊक आहे का तुज काही,

कशी होती रे माझी आई ?




मऊ साइहुन आई प्रेमळ !

गंगेहून ती आहे निर्मळ

अमृताचे घास भरविते

आभाळापरी माया करीते

आईवाचून मीही विरही

ठाऊक आहे का तुज काही,

कशी होती रे माझी आई ?

ठरला जणु मत्सर राजा Tharala Janu Matsar Raja

ठरला जणु मत्सर राजा; वृद्धतरुण बांधिती पूजा ॥




होत सहज सुख तरुणपणाला, वृद्धदशा सोडी सुखलीला

सह्य तरिच परि विभव मनाला, हाचि नियम विलया अज गेला ॥