स्वप्न माझ्या जीविताचे,Swapna Majhya Jivitache

स्वप्न माझ्या जीविताचे तुज सवे साकारले

साजणा रे नेत्र आता लागले पैलतिरी
एक आशा ही परंतु जागते माझ्या ऊरी

पौर्णिमेचा चांद करू दे चांदण्याची वृष्टी रे
रोमरोमी गोड काटा मंद वारा फुलवू दे

बिलगुनी मी तुज बसावे मान वक्षी टेकुनी
अन्‌ मिटावे मी सुखाने नेत्र माझे त्या क्षणी

दोन ध्रुवांवर दोघे आपण,Don Dhruvanvar Doghe

दोन ध्रुवांवर दोघे आपण
तू तिकडे अन्‌ मी इकडे
वाऱ्यावरती जशी चुकावी
रानपाखरे दोहिकडे


दिवस मनाला वैरि भासतो
तारा मोजित रात गुजरितो
युगसम वाटे घडीघडी ही
कालगती का बंद पडे ?


वसंतासवे धरा नाचते
तांडव भीषण मज ते गमते
गजबजलेल्या जगात जगतो
जीवन एकलकोंडे


नि:श्वसिते तव सांगायाला
पश्चिमवारा बिलगे मजला
शीतल कोमल तुझ्या करांचा
सर्वांगी जणु स्पर्श घडे

स्मृति-पंखांनी भिरभिर फिरते
प्रीतपाखरू तुझ्याच भवते
मुक्या मनाचे दु:ख सागरा
सांग गर्जुनी तू तिकडे

तोच असे मी, घर हे तेही
तोच सखी, संसार असेही
तुझ्यावाचुनी शून्य पसारा
प्राण तिथे अन्‌ देह इथे

जा रे चंद्रा तुडवित,Ja Re Chandra Tudavit

जा रे चंद्रा, तुडवित मेघा
उधळित रथ अपुला
सांग सख्याला, बसले लावुन
डोळे वाटेला

रात चांदणी ही शरदाची
करिते माझ्या आग जिवाची
शपथ तुला रे तव रोहिणिची
घेउन ये त्याला

सांग सख्याला माझि कहाणी
दिवस गुजरते आसू पिउनी
कुशल तरी ये त्यांचे घेउनि
सांगाया मजला

इथे एकली पाहुन मजला
ह्सू नको रे उगिच खट्याळा
विसरलास का कलंक अपुला
गुरुशापे जडला