हर्षाचा वर्षाचा दिवाळी,Harshacha Varshacha Diwali

हर्षाचा, वर्षाचा
दिवाळी सण आला

कारंजी उठती तेजाळ
नाचती बाळ गोपाळ
आनंद दीप गोविंद
उधळतो चांदणी झेला

लक्षुमी देवता खरी
पुजितो दास श्रीहरी
भक्तीचा जीव प्रीतीचा
अंबरी दीप लखलखला

प्रतिपदा मूर्त मंगला
ओवाळी पति देवाला
हसता प्रेम अर्पिता
उतरला स्वर्ग भूमीतला

प्रेमा काय देऊ तुला,Prema Kaay Deu Tula

प्रेमा, काय देऊ तुला ?
भाग्य दिले तू मला

प्रीतीच्या या पाखराचे रत्‍नकांचनी पंख देऊ का
देऊ तुला का हर्षगंध हा जीव फुलातून मोहरलेला

या हृदयीच्या जलवंतीची निळी ओढ ती तुला हवी का
रूप मोहिनी लावण्याची हवी तुझ्या का चंद्रकलेला

मोहक सुंदर जे जे दिसते, तूच तयांचा जन्मदाता
घेशील का रे माझ्याकरिता अधरीच्या या अमृताला

कुबेराचं धन माझ्या शेतात,Kuberacha Dhan Majhya

देवावाणी शेत माझं, नवसाला पावलं
कुबेराचं धन माझ्या शेतात घावलं

झाकली मूठ ही मिरगानं फेकली

निढळाची धार ती सर्गानी शिंपली
बाळरूप कोवळं शिवारात हासलं
धरतीच्या माऊलीनं दिनरात पोसलं

तरारुन आला भरा गहू हरभरा
शाळूराजा डुलतोय झुलवीत तुरा
तरुणपण जवारीनं पानाआड झाकलं
चोच मारून पाखरू पिकामधी लपलं
भलरी दादा भलगडी दादा भलरी दादा भलं

मोतीवरी रंगली ढंगदार लावणी
घुमवीत गोफणी सुरू झाली राखणी
लक्षुमी ही देखणी रूप तिनं दावलं
दिवसाच्या डोळियात नाही बघा मावलं

भलरी दादा भलगडी दादा भलरी दादा भलं