रघुपती राघव गजरी RAGHUPATI RAGHAW GAJARI

रघुपती राघव गजरी, गजरी
तोडीत बोरे शबरी

ध्यानी जपली मनी पूजिली
रघुनाथाची मूर्त सावळी
बघावयाला याच डोळी
आतुरले मी किती अंतरी

रामनाम ते वदता वाचे
अमृत लाघव अधरी नाचे
हाती येता फळ भक्तीचे
चाखीत होते नाम माधुरी

भजनी रमुनी भिल्लीण श्यामा
म्हणते लवकर ये रे रामा
आलिंगुनी या भक्ती प्रेमा
स्वर्ग बघू दे मला भूवरी

Lyrics -पी. सावळाराम  P.SAWALARAM
Music -वसंत प्रभू VASANT PRABHU
Singer -आशा भोसले AASHA BHOSALE
Movie / Natak / Album -भक्तिगीत BHAKTIGEET