हे आदिमा HE ADIMA

हे आदिमा, हे अंतिमा
जे वांछिले ते तू दिले
कल्पद्रुमा

हे आदिमा, हे अंतिमा
जे वांछिले ते तू दिले
कल्पद्रुमा

या मातीचे आकाश तू
शिशीरात या मधुमास तू
देशी मृता तू अमृता
पुरोषोत्तमा

या मातीचे आकाश तू
शिशीरात या मधुमास तू
देशी मृता तू अमृता
पुरोषोत्तमा

देणे तुझे इतुके शिरी
झालो ऋणी जन्मांतरी
अपकार मी, अपराध मी
परी तू क्षमा

देणे तुझे इतुके शिरी
झालो ऋणी जन्मांतरी
अपकार मी, अपराध मी
परी तू क्षमा

हे आदिमा, हे अंतिमा
जे वांछिले ते तू दिले
कल्पद्रुमा

Lyrics -वसंत निनावे VASANT NINAWE
Music -यशवंत देव, YASHAVANT DEV
Singer -रामदास कामत RAMADAS KAMAT

देवा तुझा मी सोनार DEVA TUZA MI SONAR

देवा तुझा मी सोनार ।

तुझे नामाचा व्यवहार ॥१॥

मन बुद्धीची कातरी ।

रामनाम सोने चोरी ॥२॥

नरहरी सोनार हरीचा दास ।

भजन करी रात्रंदिवस ॥३॥

Music -यशवंत देव  YASHAWANT DEV
Singer -रामदास कामत RAMDAS KAMAT
Movie / Natak / Album -जौनपुरी JAUNPURI

हरि ॐ प्रणव ओंकार,Hari Om Pranav Omkar

हरि ॐ हरि ॐ !
प्रणव ओंकार शिवा
हृदयांत उजळू दे सूर्यदेवा
हरि ॐ हरि ॐ !

स्वरचक्र उलगडे तानांचे
हे बोल खोल मम प्राणांचे
प्रतिभेचा हुंकार नवा
हरि ॐ हरि ॐ !

तिमिरांत सभोती गगनप्रभा
ज्योतीर्मय त्यातून दिव्य सभा
विलसू दे रुपेरी चंद्रथवा
हरि ॐ हरि ॐ !

स्वार्थी जी प्रीति मनुजाची,Swarthi Ji Preeti Manujachi

स्वार्थी जी प्रीति मनुजाची सहज ती ।
परि साधे जो स्वार्थ परार्थी, उत्तम तो गणिती ॥

स्वार्थ परार्थाइतुका असतां, मध्यम त्या म्हणती ।
ज्यांत न जनहित त्या स्वार्थाला साधु अधम वदती ॥

स्वप्नात पाहिले जे ते राहू,Swapnat Pahile Je Te Rahu

स्वप्नात पाहिले जे ते राहू देत स्वप्नी
हे सत्य स्वप्नरंगी मी ऐकिले सुरांनी

मी पाहिले दिठीने लावण्य एक दैवी
त्या शामसुंदराला जी धुंद करिल देवी

परि आस या मनाची हा एक ध्यास देवा
लावण्य हेच दैवी माझे मला मिळावे
माझे मला मिळावे..... माझे मला मिळावे

स्वकर शपथ वचनिं,Swakar Shapath Vachani

स्वकर शपथ वचनिं वाहिला ।
उगिच कां तुवां ? ।
निजतनु दिधली मला, तो काय,
पोरखेळ नवा ॥

पसरिली माया लटकिच कां ती ।
वरिलें का धरुनी साक्षी त्या माधवा ॥

सांग प्रिये सांग प्रिये,Sang Priye Sang Priye

सांग प्रिये, सांग प्रिये, घन भरून आले
पैलतीरी या अवेळी, मेघ आळवीले !

दशदिशा वादळी, अंतरी काजळी
संधिकालि या इथे अंधारुन आले !

दाटले आज गगन, का तुझे सजल नयन ?
पापणीत आसवांस गहिवरून आले !

संगीतरस सुरस,Sangit Ras Suras

संगीतरस सुरस
मम जीवनाधार !

सूर ताल लय धून
नटला विविधरंगि
स्वररूप ओंकार !

आनंदघन असा
बरसे नभातून
हा वेद श्रुतिमान
सुखसार !

साद देती हिमशिखरे,Saad Deti Himshikhare

साद देती हिमशिखरे शुभ्र पर्वताची
क्रमिन वाट एकाकी ब्रम्हसाधनेची

कैलासाचा कळस ध्वज कौपिनाची
अढळ त्या धृवावरती दृष्टि यात्रिकाची
मला नाही उरली आता ओढ प्रपंचाची

स्वप्न रंगले रात्री धुंद प्रेमिकांचे
वाटते आता होते पतन या मनांचे
मृगजळात का भागे तृषा तृषार्ताची ?

सखी सांज उगवली,Sakhi Sanj Ugavali

सखी सांज उगवली !

क्षितीज मोहुनी, किरण पाहूनी
नभी आज विहरली
सखी सांज उगवली !

अनुराग रंगला, निशा उमलली
जाणून आज प्रीती आपुली, हृदयात बहरली
सखी सांज उगवली !

शर लागला तुझा गे,Shar Lagala Tujha Ge

शर लागला तुझा गे,
बघ जीव झाला वेडापिसा हा ॥

जडे गडे तव ठायी आस ।
बाहुपाशि सौख्य सार मृदुलशा ॥

नको अशी तरि राहू दूर ।
देई गोड चुंबनास मधुरशा ॥

विनायका हो सिद्धगणेशा,Vinayaka Ho Siddhaganesha

विनायका हो सिद्धगणेशा !
रंग सभेला या तुम्ही या

पक्षी गाती घरट्यांमधुनी
आशिर्वच हो द्या तुम्ही द्या

नृत्य विशारद तुम्ही लंबोदर
हाती शोभे परशु-तोमर
नाग कटिला बांधुन या

अपराधाला घाला पोटी
तुमच्या माझ्या प्रेमासाठी
रसिकाशी ही भेटीगाठी
काव्यसुधा ही प्राशुन ओठी
तृप्त मनाने ढेकर द्या

आम्ही बालक तव गुण गायक
कृपावंत हो प्रभू गुणग्राहक
प्रसाद हाती घेऊन या

वायुसंगे येइ श्रावणा,Vayu Sange Yei Shravana

वायुसंगे येइ श्रावणा
जलधारांची छेडित वीणा

सप्तस्वर ते तव बरसाती
मैफल अपुली मधु रंगविती
रिमझिमती लय तालच देईल समिरांच्या पैंजणा

मंगल पहिल्या प्रसन्न प्रहरी
झरझरता सर तुझी हासरी
चैतन्याची दिसेल कांती सोनियाच्या दिना

भिजवुनि क्षण जीवनवर्षाचे
मयूर नर्तन बघ हर्षाचे
चढण तुझी जा चढुनि पाहुनी इंद्रधनूच्या खुणा

वाटे भल्या पहाटे यावे,Vate Bhalya Pahate Yave

वाटे भल्या पहाटे यावे तुझ्या महाली
हलकेच जागवावे गाऊनिया भूपाळी

झोपेत जाग थोडी असशील गुंगलेली
सुखपूर्ण गोड निद्रा फुलवील स्वप्नवेली
खुलताच स्वप्नसुमने होऊन तू अबोली

अनिरुद्ध अंतरीचा मी मंचकासमोर
जणु आणिला सखीने बांधूनि प्रेमदोर
हे मोरपंख तुझिया फिरवुनि दोन्ही गाली

युवतिमना दारुण रण,Yuvatimana Darun Ran

युवतिमना दारुण रण रूचिर प्रेमसे झाले ।
रणभजना संसारी असे अमर मी केले ॥

रमणिमनहंसा नर साहस सरसी रमवी;
शूर तोचि, विजय तोचि, हे शुभ यश मज आले ॥

या विराट गगनाखाली मी,Ya Virat Gagana Khali Mi

या विराट गगनाखाली मी तृणात निजलो आहे
वर्षाव तुझ्या प्रेमाचा मी त्यातून भिजलो आहे

काजळी खोल डोहात, डहुळलो धुंद मोहात
वासनेत अन्‌ जळताना चांदण्यात विझलो आहे

स्वर सनई वन-वाऱ्याची, वर यात्रा शत ताऱ्यांची
मी प्रकाश पिऊनी आता प्राणातून सजलो आहे

यतिमन मम मानित त्या,Yatiman Mam Manit Tya

यतिमन मम मानित त्या
एकल्या नृपाला ।
आदिअंत ज्यास नसे
त्या सनातनाला ॥

गगनधरा ज्या निवास
बंधन भय नाहि त्यास
समिर करिल काय नमन
सधन सागराला ॥

मंगल ते प्रियधाम,Mangal Te Priyadham

मंगल ते प्रियधाम, या मना, ममता निर्झर
मातृहृदय ते चुंबचुंबिता ये अंगाई

वदन सुमांचा चुंबन मेवा, भान हिरावी
मोह माईना

मी मानापमाना नच,Mi Manapamana Nach

मी मानापमाना
नच मानतो ।

ना मना तो मोह आता ॥

गौरव निंदा समान त्याला
ज्यास सदशिव त्राता ॥

मन माझे भुलले,Man Majhe Bhulale

मन माझे भुलले, वनराईच्या पानामधुनी
काल तुला पाहिले

बकुळ फुलांची गुंफुनी वेणी
नदीकाठी तू उभी साजणी
अवचित मी देखिले

अंतरीचे गीत उमगले
शतजन्मीचे नाते जुळले
वचन तुला दिधले