मीरा करिते ध्यान हरीचे MEERA KARITE DHYAN HARICHE

श्रीहरी, श्रीहरी, जय हरी, जय हरी

मनात चिंतन कृष्ण मुरारीचे
मनात चिंतन कृष्ण मुरारीचे
मीरा करिते ध्यान हरीचे
मीरा करिते ध्यान हरीचे
मीरा करिते ध्यान हरीचे

तिला वाटले मुरली व्हावे
तिला वाटले मुरली व्हावे

श्रीहरीच्या जवळी रहावे

बंधन त्यागुनि संसाराचे
मीरा करिते ध्यान हरीचे
मीरा करिते ध्यान हरीचे
मीरा करिते ध्यान हरीचे

श्रीकृष्णाचे नाव घेऊनी
श्रीकृष्णाचे नाव घेऊनी
प्याला विषाचा टाकी पिऊनी
अमृत झाले परि जहराचे
अमृत झाले परि जहराचे
मीरा करिते ध्यान हरीचे
मीरा करिते ध्यान हरीचे

मीरा करिते ध्यान हरीचे

मीरा करिते ध्यान हरीचे

मनात चिंतन कृष्ण मुरारीचे

मीरा करिते ध्यान हरीचे
मीरा करिते ध्यान हरीचे
मीरा करिते ध्यान हरीचे

Lyrics -कृष्णा कल्ले  KRISHNA KALLE
Singer -कृष्णा कल्ले KRISHNA KALLE
Movie / Natak / Album -भक्तिगीत BHAKTIGEET 

रामप्रहरी राम-गाथा,Ram Prahari Ram Gatha

रामप्रहरी राम-गाथा रंगते ओठांवरी

या दिशांनी राघवाचे गीत हे साकारिले
पाखरांनी आवडीने सूर त्याचे प्राशिले
रामनामी फूल फुलते डोलती तरू-वल्लरी

एकवचनी, एकपत्‍नी, एकबाणी जो सदा
जो प्रजेचे सौख्य पाही, दु:ख साही सर्वदा
तोचि विष्णू, तोचि शिवही, तोचि अपुला श्रीहरी

मैत्रिणींनो थांबा थोडं,Maitrino Thamba Thoda

मैत्रिणींनो थांबा थोडं खुशाल मागनं हसा !
चला इचारु या येडीला संसार करशील कसा ?

गोरीपान ही काया कवळी, ओल्या हळदीनं होईल पिवळी
लगीन होता सासरी जाता जीव होईल ग पीसा !
पी पी सनई, तडाम्‌ चौघडा, पंचकल्याणी येईल घोडा
त्यावर दोघं बसा !
मैत्रिणींनो थांबा थोडं खुशाल मागनं हसा !
चला इचारु या येडीला संसार करशील कसा ?

नको करु लई नट्‍टापट्‍टा, दीर नणंदा करतिल थट्‍टा
सासूवरती तोंड टाकुनी बोलु नको वसवसा
भरताराला नको मागणं मोकळा होईल खिसा
मैत्रिणींनो थांबा थोडं खुशाल मागनं हसा !
चला इचारु या येडीला संसार करशील कसा ?

नाद नसावा शेजारणीचा, मंतर देतील कानफुटीचा
मनोमनी ग पती पुजावा देवावानी जसा !
दान-धर्माला म्होरं होऊन, कुणि भिकारी दारी पाहून
द्यावा ओंजळ पसा !
मैत्रिणींनो थांबा थोडं खुशाल मागनं हसा !
चला इचारु या येडीला संसार करशील कसा ?

नव्या नवरीनं थोडं हसावं, सुगरणीवाणी काम दिसावं
घरंदाज या कुलशिलाचा वटित घे ग वसा !
मैत्रिणींनो थांबा थोडं खुशाल मागनं हसा !
चला इचारु या येडीला संसार करशील कसा ?

मैना राणी चतुर-शहाणी,Maina Rani Chatur Shahani

मैना राणी, चतुर-शहाणी, सांगे गोड कहाणी
कहाणीत त्या पशुपक्ष्यांना अवगत असते वाणी

सिंह वनाचा असतो राजा, भिती त्याची चित्ती
वाघ वागतो भिउन त्याला, गुडघे टेकी हत्ती
अति चतूर पण कोल्हा कोणी, सिंहा पाजी पाणी

कोल्ह्याचाही काढी काटा कोणी करकोचा
घरी बोलावुन पाण‍उतारा करी पाहुण्याचा
कडीवर त्या कडी करुनिया, टोला कोल्हा हाणी

शाल म्हणुनिया खाल पांघरे गाढव वाघाची
त्यास पाहता झोप उडाली जंगल भागाची
एक कोंबडा उघडकीस पण ढोंगच त्याचे आणी

मीरेचे कंकण भक्तीचे,Mireche Kankan Bhaktiche

मीरेचे कंकण भक्तीचे दर्पण
स्मरे ते रंगून हरीनाम

पायीच्या पैंजणी बोलतो घुंगरू
कसे मी विस्मरू हरिरूप

गुंफिता अक्षरे एकतारी स्वरी
मनी त्या श्रीहरी भरलेला

श्रीहरी तयात झाला एकरूप
उजळला दीप अद्वैताचा

मीच मला पाहते आजच,Meech Mala Pahate Aajach

मीच मला पाहते, पाहते आजच का ?

असा मुलायम असा
देह तरी हा कसा ?
माझा म्हणू तरी कसा ?
हा डोह जणू की कृष्ण सावळा, मी त्याची राधिका !

काठावरले तरू
हळूच पाहते धरू
मोरपिशी पाखरू, पाखरू, पाखरू
मज आज गवसली माझ्या मधली, सोन्याची द्वारका !

पदर असा फडफडे
नजर फिरे चहुकडे
नवल देखणे घडे
हा तरंग मागे-पुढे जळावर, हलतो का सारखा ?

माय यशोदा हलवी,Maay Yashoda Halavi

माय यशोदा हलवी पाळणा गोड गीत गाई
बालमुकुंदा मेघ:श्यामा करि गाई गाई

भरुनि येता हात जरा ती झोका थांबवुनी
उठे पाळण्यापाशी येई पाही डोकावुनी
हात पाय नाचवी श्रीहरि हासुनी वर पाही
माय यशोदा हलवी पाळणा गोड गीत गाई

दिसमासाने कृष्ण वाढला लागे रांगाया
धरावयासी धावे माता वाऱ्यासी वाया
पुरे पडे ना वाडा अंगण अपुरे त्या होई
माय यशोदा हलवी पाळणा गोड गीत गाई

मन पिसाट माझे अडले रे,Man Pisat Majhe Adale Re

मन पिसाट माझे अडले रे,
थांब जरासा !

वनगान रान गुणगुणले
दूरात दिवे मिणमिणले
मधुजाल तमाने विणले रे,
थांब जरासा !

ही खाली हिरवळ ओली
कुजबुजून बोलू बोली
तिमिराची मोजू खोली रे,
थांब जरासा !

नुसतेच असे हे फिरणे
नुसतेच दिवस हे भरणे
नुसतेच नको हुरहुरणे रे,
थांब जरासा !

बिब्बं घ्या बिब्बं शिक्कंकाई,Bibba Ghya Bibba Shikkakai

बिब्बं घ्या बिब्बं शिक्कंकाई, गल्ली बोळातनं वरडत जाई
आज आले उद्या मी येणार बी न्हाई
औंदा लगीन करायचं हाय मला देखणा नवरा हवा ग बाय

मला कोकण्या नवरा हवा ग बाई मला कोकण्या नवरा हवा ग
मला झोपाच्या झोपडीत ठेवीन ह्यो, मला ताडाचं ताडगोळं देईल ह्यो
मला दऱ्या किनारी नेईल ह्यो
अंगानं बुटका, बोलण्यात नेटका, एकच घोटाळा होई
त्याच्या शेंडीची गाठ मला सुटायची न्हाई, मला कोकण्या नवरा नको ग बाई
बिब्बं घ्या बिब्बं शिक्कंकाई

वऱ्हाडी नवरा हवा ग बाई मला वऱ्हाडी नवरा हवा ग
मी वऱ्हाडी नवरा पाह्यलाय ग, बाग संत्र्याची करून ऱ्हायलाय ग
भाव कापसाचा तेजीत वाढलाय ग
अंगानं भक्कम, खिशात रक्कम, एकच घोटाळा होई
मी उन्हाचा फटका खायाची न्हाई, मला वऱ्हाडी नवरा नको ग बाई
बिब्बं घ्या बिब्बं शिक्कंकाई

मला कोल्हपुरी नवरा हवा ग बाई मला कोल्हापुरी नवरा हवा ग
नवरा बगीन कोल्हापुरी .... कोल्हापुरी !
दूध पिऊन तालीम करी .... कोल्हापुरी !
त्याच्या अंगात लई सुर्सुरी ग बाई त्याच्या अंगात लई सुर्सुरी
तमाशा बघता, घरला येता, एकच घोटाळा होई
मला मिरचीचा झटका सोसायचा न्हाई मला कोल्हापुरी दामला नको ग बाई
बिब्बं घ्या बिब्बं शिक्कंकाई

म्हंबईचा नवरा हवा ग बाई मला म्हंबईचा नवरा हवा ग
माझा नवरा म्हंबईवाला
त्याच्या लोकलचा टाईम झाला
रोज न्याराच करतोय चाळा
केसांचा कोंबडा, मफलर तांबडा, एकच घोटाळा होई
त्याच्या पँटवर माझा भरवसा न्हाई मला कंचाच नवरा नको ग बाई
बिब्बं घ्या बिब्बं शिक्कंकाई

पुनवेचा चंद्रम आला,Punavecha Chandram Aala,

पुनवेचा चंद्रम आला घरी
चांदाची किरणं दर्यावरी
चांदण्याच्या चुऱ्यात
खाऱ्या खाऱ्या वाऱ्यात
तुझा माझा एकांत रे, साजणा !

लाटांचे गीत निळे
काठाला ते गूज कळे
सागरकाठा भिडती लाटा
श्वासाला त्या श्वास जुळे
निळ्या निळ्या पाण्यात
एका खुळ्या गाण्यात
तुझा माझा एकांत रे, साजणा !

चंदेरी धुंद हवा
साथीला तूच हवा
थरथरणारा एक शहारा
या रात्रीचा रंग नवा
लाजऱ्या या गालात
हृदयाच्या तालात
तुझा माझा एकांत रे, साजणा !

परीकथेतिल राजकुमारा,Pari Kathetil Rajkumara

परीकथेतिल राजकुमारा
स्वप्नी माझ्या येशिल का ?
भाव दाटले मनी अनामिक
साद तयांना देशिल का ?

या डोळ्यांचे गूढ इषारे
शब्दांवाचुन जाणुन सारे
'राणी अपुली' मला म्हणोनी,
तुझियासंगे नेशिल का ?

मूर्त मनोरम मनी रेखिली
दिवसा रात्री नित्य देखिली
त्या रूपाची साक्ष जिवाला,
प्रत्यक्षातुन देशिल का ?

लाजुन डोळे लवविन खाली
नवख्या गाली येइल लाली
फुलापरी ही तनू कापरी
हृदयापाशी घेशील का ?

लाजबावरी मिटुन पापणी
साठवीन ते चित्र लोचनी
नवरंगी त्या चित्रामधले,
स्वप्नच माझे होशील का ?

पत्र तुझे ते येता अवचित,Patra Tujhe Te Yeta Avachit

पत्र तुझे ते येता अवचित
लाली गाली खुलते नकळत

साधे सोपे पत्र सुनेरी
नकळे, क्षणभर ठेवु कुठे मी
शब्दोशब्दी प्रीत हासरी
लाज मनाला, मी शरणागत

आजवरी जे बोलु न शकले
शब्दांवाचुन तू ओळखले
गीत लाजरे ओठावरले
गुणगुणते मी नयनी गिरवत

वेळिअवेळी झोपेमधुनी
जागी होते मी बावरुनी
खुळ्या मनीचा भास जाणुनी
गूज मनीचे हृदयी लपवित

देश हीच माता,Desh Heech Mata

देश हीच माता, देश जन्मदाता
घडो देशसेवा ऐसी बुद्धी दे अनंता

धर्म पंथ नाही आम्हा जात गोत नाही

मुले माणसाची आम्ही, वंश माणसाई
मनी आमुच्या ना काही न्यूनता, अहंता

खुली ज्ञानविज्ञानाची, कलांची कवाडे
सुखे लाभ घेऊ त्यांचा शिकू रोज थोडे
उद्या उंच होऊ आम्ही धरू योग्य पंथा

विस्मरू न आम्ही केव्हा ध्येय, देशनिष्ठा
नव्या भारताला देऊ जगी या प्रतिष्ठा
सर्वसाक्षी सर्वागत तू आम्हा यशोदाता

तांडा चालला रे गड्या,Tanda Chalala Re Gadya

तांडा चालला रे गड्या तांडा चालला
आज हितं उद्या तिथं खेळ नवा मांडला
तांडा चालला रे गड्या तांडा चालला

एक गाव सोडुनी दुसरं गाव जोडू या
मुशाफिरी वसती ही घडोघडी मोडू या
संसाराचा डोलारा पाठीवरी बांधला

गरिबांचा लवाजमा धीरे धीरे चालतो
पाळण्याची अंबारी बाळराजा डोलतो
आधाराच्या काठीला पिंजरा एक टांगला

वनवासी जिणं हे जल्माला लागलं
दु:खाचं काटंकुटं ठाई ठाई पेरलं
कधी सरंल वाट ही ठावं नाही कुणाला


हिरवळीचा बिछाना धुक्याची रे वाकळ
रात कधी संपली कधी झाली सकाळ
माकडीच्या माळाला झेंडा आज रोविला

तू माझ्या स्वप्नांची कल्पना,Tu Majhya Swapnanchi

तू माझ्या स्वप्नांची कल्पना
माझ्या मनाची संजीवनी तू
युगायुगांची प्रिया !

स्वर्ग सोडुनी धरती वरती
आले प्रिया मी तुझ्याचसाठी
आले सख्या मी तुझ्याचसाठी
शिल्पकला ही सजीव झाली

नितांत सुंदर किमया !

तुला बघुनी मोहून गेलो
तुला भेटण्या आतूर झालो
स्पर्श मानवी होता जाईल
बहार सारी विलया !

तू अबोल हो‍उन जवळी मजला,Tu Abol Houn Javali Majala

तू अबोल हो‍उन जवळी मजला घ्यावे,
मी भान विसरुनी धुंद चांदणे प्यावे

ही विशाल अवघी मृदुल असावी धरती
चांदवा रेशमी गर्द जांभळा वरती
वर चंद्ररुपेरी झुंबर एक झुलावे

क्षितिजात झळकता मंद केशरी तारा
अंगावर घ्याव्या धवल दुधाच्या धारा
त्या धारांनी चिंब मला भिजवावे

कचबंध मोकळा तुझ्या करांनी व्हावा
मधुगंध, मंदसा बकुलफुलांनी द्यावा
तू चंद्रबनातिल स्वप्निल रंग टिपावे

सुकुमार साजरी झुळुक लाजरी यावी
हळू रातराणिचा बहर उधळुनी जावी
हे धुंद निरामय वैभव तू फुलवावे

तू अनश्वरातील अमरेश्वर,Tu Anashwarateel

तू अनश्वरातील अमरेश्वर अविनाशी
मज देशील का तू दर्शन दिव्य प्रकाशी

तू चिरंतनातील ईश्वर असशिल का रे
हे दोन घडीचे वैभव नश्वर सारे
बरसती तुझ्यावर नक्षत्रांच्या राशी

गाईली किती मी तव करुणामय गाणी
दाटला गळा मग नयनी उरले पाणी
तू मंगल प्रतिभा ब्रम्ह:तेज आकाशी

का तुला न यावी करुणा माझी देवा
तू केवळ माझ्या सर्वस्वाचा ठेवा
दे मला आसरा तुझिया चरणापाशी

तुझ्याचसाठी कितीदा,Tujhyach Sathi Kitida

तुझ्याचसाठी कितीदा ..... तुझ्याचसाठी रे
मी दुहेरी बांधल्या खूणगाठी रे

मी दुपारी सोसले ऊन माथी रे !
तुझ्याचसाठी रे
मी दुहेरी बांधल्या खूणगाठी रे

लाविल्या मंदिरी सांजवाती रे
कैक आल्या, संपल्या, चांदराती रे !
तुझ्याचसाठी कितीदा

मी जगाच्या सोडिल्या रीतभाती रे !
तुझ्याचसाठी रे
मी दुहेरी बांधल्या खूणगाठी रे

चंद्रकला रुक्मिणी नेसली,Chandrakala Rukmini Nesali

चंद्रकला रुक्मिणी नेसली
पाहता दर्पणी का हसली ?

काजळ काळे भरता डोळी
प्रतिबिंबातुन दिसू लागली
श्रीकृष्णाची मूर्त सावळी
भीमक बाला लाज लाजली

दूताकरवी पत्र धाडिले
श्रीकृष्णाने तुझ्या वाचले
गोड कपोली उत्तर आले
प्रीत कंचुकी तिला बोलली

वधू नियोजित ती शिशुपाला
मुहूर्त मंगल समीप आला
उभी राऊळी उदास बाला
तोच हरिची मुरली वाजली

चंद्र अर्धा राहिला रात्र,Chandra Ardha Rahila Ratra

चंद्र अर्धा राहिला, रात्र अर्धी राहिली
भेट अर्धी, गीत अर्धे, प्रीत अर्धी राहिली

मोकळे बोलू कसे मी, शब्द ओठी थांबले
लाजऱ्या डोळ्यांत माझ्या चित्र अर्धे रेखिले
ओठ अर्धे विलगले, अर्ध उकले पाकळी

बिलगुनी रमल्या तरूंशी पेंगलेल्या साउल्या
तो निळा एकांत तेथे भावना भारावल्या
धुंद झाल्या दशिदिशा, रात्रही ओलावली


वाकले आकाश खाली दूरच्या क्षितिजावरी
चांदणे चुंबीत वारा झोपला वेलीवरी
भेट घ्याया सृष्टि ही अर्ध झुकली, वाकली