एकटी शिवारी EKATI SHIWARI

एकटी शिवारी गडे चालविते मी विळा
का उगाच येते बाई गाणे माझ्या गळा

दाटली ग सांज बाई दिवस बुडाया आला
अंतरी कशाचा उजेड माझ्या झाला
का असा अचानक हा डोले ग जोंधळा

तुज रात्रंदिवस ओढ ज्याची भारी
धुंडीत तुला ती मळ्यात फिरे स्वारी
तो वसंत वेडा ग त्याची तू कोकिळा

लपंडाव का असा, तोंड तरी पाहू दे
ना अशीच मनीची प्रीत तुझ्या गाऊ दे
होऊ दे गळ्यातील हा साद पुरा मोकळा


Lyrics -ग. दि. माडगूळकर G.D.MADALULAKAR
Music -वसंत पवार  VASANT PAWAR
Singer -आशा भोसले , बालकराम BALAKRAM
Movie / Natak / Album -तू सुखी रहा TU SUKHI RAHA

EKAVAR PANKHAWARUNI FIRO

एकवार पंखावरूनी फिरो तुझा हात
शेवटचे घरटे माझे तुझ्या अंगणात

धरेवरी अवघ्या फिरलो, निळ्या अंतराळी शिरलो
कधी उन्हामध्ये न्हालो, कधी चांदण्यात

वने, माळराने, राई, ठायी ठायी केले स्नेही
तुझ्यविना नव्हते कोणी आत अंतरात

फुलारून पंखे कोणी तुझ्यापुढे नाचे राणी
तुझ्या मनगटी ही बसले कुणी भाग्यवंत

मुका बावरा मी भोळा, पडेन का तुझिया डोळा
मलिनपणे कैसा येऊ तुझ्या मंदिरात


Lyrics - ग. दि. माडगुळकर G.D .MADAGULAKAR
Music -वसंत पवार VASANT PAWAR
Singer -सुधीर फडके SUDHIR FADAKE
Movie / Natak / Album -वरदक्षिणा - १९६२ VARADAKSHINA 1962

एकवार पंखावरुनी फिरो EKWAR PANKHAWARUNI FIRO

एकवार पंखावरुनी फिरो तुझा हात
शेवटचे घरटे माझे तुझ्या अंगणात

धरेवरी अवघ्या फिरलो, निळ्या अंतराळी शिरलो
कधी उन्हामध्ये न्हालो, कधी चांदण्यात

वने, माळराने, राई,
ठायी, ठायी केले स्नेही
तुझ्याविना नव्हते कोणी, आत अंतरात

फुलारून पंखे कोणी, तुझ्यापुढे नाचे रानी
तुझ्या मनगटी बसले कुणी भाग्यवंत

मुका बावरा, मी भोळा
पडेन का तुझिया डोळा ?
मलिनपणे कैसा येऊ, तुझ्या मंदिरात

Lyrics -ग. दि. माडगूळकर G.D.MADAGULAKAR
Music -वसंत पवार  VASANT PAWAR
Singer -सुधीर फडके SUDHIR FADAKE
Movie / Natak / Album -वरदक्षिणा (१९६२) VARADAKSHINA

धनी तुमचा नि माझा Dhani Tumcha Ni Mazha- Sulochana Chavan (Rangalya Ratri Asha)

धनी तुमचा नि माझा
तरुणपणाचं कौतुक म्हणुनी किती नटू मी किती नटू
धनी, तुमचा नि माझा एक काढा फोटू

करा थाट तुम्ही सरदारी
अशी बशीन तुमच्या शेजारी
धनी, तुमचा नि माझा एक काढा फोटू

राजा-राणीला चौकट कसली
मैना राघुच्या पिंजर्‍यात बसली
मैना गाईल गीत प्रीतिचे पोपट ’विठू विठू’
धनी, तुमचा नि माझा एक काढा फोटू

Lyrics - Jagdish Khebudkar
गीत    -    जगदीश खेबूडकर
Music - Vasant Pawar
संगीत     -     वसंत पवार
Singer - Sulochana Chavan
स्वर    -     सुलोचना चव्हाण
Movie - Rangalya Ratri Asha
चित्रपट    -    रंगल्या रात्री अशा

हले डुले हले डुले,Hale Dule Hale Dule

हले डुले हले डुले पाण्यावरी नाव
पैलतिरी असेल माझ्या राजसाचा गाव

कुठून बाई ऐकु येई पावा
उगिच कसा भास असा व्हावा
कोण दूर घुमवी सूर लागेना ग ठाव

शांत जली का हलली छाया
कोण असे भुलवितसे वाया
हळूच हसे, लपून बसे, चालवुनी नाव

कुजबुजते माझ्या मी कानी
गुणगुणते अस्फुट ही गाणी
मीच हसे, मीच फसे, काय हा स्वभाव

हरवले माझे काही तरी,Haravale Majhe Kahi Tari

हरवले माझे काही तरी !
काय हरवले, कसे हरवले, काहि कळे ना परी !

सहज कुणाला दुरुन पाहिले
ओठंगुन मी दूर राहिले
स्पर्शावाचून उगिच उमटला काटा अंगावरी !
हरवले माझे काही तरी !

बघता बघता भुलले डोळे
त्या डोळ्यांतिल भाव निराळे
जागेपणी मज भूल घातली बाई कोणीतरी !
हरवले माझे काही तरी !

लज्जा की ती होती भीती
अजुनी मज ते नसे माहिती
तिथुन परतले, परी विसरले तेथे काहितरी !
हरवले माझे काही तरी !

स्त्रीजन्मा ही तुझी कहाणी,Stri Janma Hi Tujhi Kahani

स्त्रीजन्मा ही तुझी कहाणी
हृदयी अमृत, नयनी पाणी

तुझिया पोटी अवतरती नर
अन्यायच ते करिती तुझ्यावर
दासी म्हणुनि नमविति चरणी !

कुशीत तुझिया पुरुष धुरंधर
अबला परि तू ठरिसि जगावर
दशा तुझी ही केविलवाणी !

सुंदरता तुज दिधली देवे
तुझी तुला ती परि न पेलवे
क्षणात ठरसी तूच पापिणी !

सांगा या वेडीला,Sanga Ya Vedila

सांगा या वेडीला, माझ्या गुलछडीला
हिच्यासाठी आलो मी सासुरवाडीला

तुला न्यावयाला ग घेऊन गाडी
आलो सर्व सोडून मी शेतवाडी
तू असताना जोडीला
या बुरख्याच्या गाडीला
नवा रंग येईल गुलाबी साडीला
सांगा या वेडीला !

अहो सांगा या वेड्याला, माझ्या घरधन्याला
कशी जाऊ सांगा मी सासुरवाडीला

ही गाडी कुणाची, शेतवाडी कुणाची
बढाई नका ठोकू मोठेपणाची
सांगा या खोपडीला, नाही काणा झोपडीला

कशी जाऊ सांगा मी सासुरवाडीला
सांगा या वेड्याला !

बरे नाही तुझे माहेरी रहाणे
तू गावात बदनाम होशील याने
तुझ्या वाडवडिलां, अन्‌ धर्मरुढिला
हे घातक होईल पुढच्या पिढीला
सांगा या वेडीला !

आहे थोरवी थोर माझ्या पिढीची
भली आज गावात इज्जत पित्याची
आहे मान त्याला अन्‌ त्याच्या पगडीला
अरे हसतील सारे तुझ्या रे परवडीला
सांगा या वेड्याला !

नको भांडू, भांडण विकोपास जाईल
तुझा-माझा तंटा मी पंचात नेईल
बसेन चावडीला, त्या पंचांच्या जोडीला
तुला मात्र नेईन मी याच घडीला
सांगा या वेडीला !

सोळावं वरीस धोक्याचं,Solava Varis Dhokyacha

तरुणपणाच्या रस्त्यावरचं पहिलं ठिकाण नाक्याचं
अन्‌ सोळावं वरीस धोक्याचं ग सोळावं वरीस धोक्याचं

पिसाट वारा मदनाचा, पतंग उडवी पदराचा
तोल सुटावा अशी वेळ ही, तरी चालणं ठेक्याचं

रात रुपेरी फुलली ग, मला पौर्णिमा भुलली ग
अंगावरती सांडु लागलं, टिपूर चांदणं रूप्याचं

ओढ लागली संगतीची, नजरभेटिच्या गमतीची
आज मला हे गुपीत कळलं, जत्रेमधल्या धक्क्याचं

सप्रेम नमस्कार विनंती,Saprem Namaskar Vinanti

सप्रेम नमस्कार विनंती विशेष !
तुझ्यावाचुन मला कटवेना सखे ग परदेश

आठप्रहर तुम्हासंगती राहते राया
का शंका अशी जीवघेणी मनामधे वाया
सावलीपरी मी उभी बिलगुनी पाया
नको ठेवू मनाच्या ग मनी, राग लवलेश !

उणे अधीक बोलले, कधी विसरुनी जावे
रागाने रंगते प्रीत मला ते ठावे
जाणसी सखे तू, तुला काय सांगावे ?
एक मात्र सांगते, नारीचा नारी करी द्वेष

तुजवाचून दुजा नारीला उरी ना जागा
सांगेन जसे मी तसे यापुढे वागा
केतकीचा पुरे ग गंध झुलिवण्या नागा
दोन कुड्यांमध्ये जीव एक असा न आदेश

तुझ्या मनातले वाचले रे,
माझे थयथय मन नाचले
चंद्रलोकात मी पोचले
तूच एकला प्रीयकर माझा प्रीतीचा परमेश

वनवास हा सुखाचा,Vanavas Ha Sukhacha

वनवास हा सुखाचा, सुखाचा, सुखाचा
दिनरात लाभताहे सहवास राघवाचा

हाते उभारलेली ही रम्य पर्णशाला
छायेत नांदता या आनंद ये निराळा
भूमीवरी जणू हा संसार पाखरांचा

खांबास चार वेळू, शाकारणी तृणांची
कानी सुरेल वाणी माझ्याच कंकणांची
कष्टे कमावलेला हो आस्वाद अमृताचा

हे सौख्य काय देती साकेत राजधानी ?
प्रीतीरसात न्हाती सुख-दुःख भाव दोन्ही
प्रीती मिळो पतीची हा स्वर्ग स्वामिनीचा

रूपास भाळलो मी,Roopas Bhalalo Mi

रूपास भाळलो मी, भुललो तुझ्या गुणाला
मज वेड लावले तू, सांगू नको कुणाला !

एकांत पाहुनीया जे तू मला म्हणाला,
ऐकून लाजले मी सांगू नको कुणाला !

चंद्रा, ढगांतुनी तू हसलास का उगा, रे ?
वाकून खालती अन्‌ का ऐकलेस सारे ?
जे ऐकले तुवा ते, सांगू नको कुणाला !

वाऱ्या, तुझी कशाने चाहूल मंद झाली ?
फुलत्या फुला, कशाला तू हसलास गाली ?
जे पाहिले तुवा, ते सांगू नको कुणाला !

हे गोड रूप ऐसे निरखीन मी दुरून
पाण्या, अशीच ठेवी छाया उरी धरून
धरलेस जे उरी ते, सांगू नको कुणाला !

हा लाजरा शहारा पाहील काय कोणी ?
करतील का चहाडी हे लाल गाल दोन्ही ?
गालांत रंगले जे, सांगू नको कुणाला !

राम भजन कर लेना,Ram Bhajan Kar Lena

राम भजन कर लेना
एक दिन जाना, रे भाई !

दोन दिसांची ही तर दुनिया
ही पैशाची सारी किमया
धनदौलत ही केवळ माया
अंती येता हाक दूरची
जिथल्या तेथे राही
एक दिन जाना, रे भाई !

बाप कोठला ? अन्‌ कुठली आई ?
कुठले भाई ? अन्‌ कुठल्या ताई ?
अखेर अपुले कोणी नाही
तुटे पिंजरा, सुटे पाखरू
दूर भरारी घेई
एक दिन जाना, रे भाई !

पाया पडता लाथ मारिती
लाथ मारिता गुलाम होती
हीच जगाची उलटी रीती
आशा जगाची कशास भिती ?
पडू नको या मोही
एक दिन जाना, रे भाई !

Raga Ragane Gelay Nighun, रागारागाने गेलाय्‌ निघून

रागारागाने गेला निघून, काय करू तुम्हा मागं जगून

तुमची अमुची संगत होती बाळपणापासून
वळुनी न बघता तुम्हीच गेला दासीवर त्रासून
तुम्हीच तोडली प्रीत अचानक इतक्यावर पोचून
दोरीवाचून मी बावडी, येते गोत्यात हो हर घडी
वारेवादळ पाऊसझडी, कशी राहू अशामधे तगून
काय करू तुम्हा मागे जगून

चुकी आमची कळली होती आम्हा मागाहून
आला होता पुन्हा उमाळा तुम्हासी पाहून
दूरपणा तर तुम्हीच दाविला हातावर राहून
चिडल्या साळूच्या काट्यावाणी, फेक शब्दाची केली कुणी
आमच्या डोळ्यात आलं पाणी, तिरस्कारानं उरी धगधगून
रागारागाने गेला निघून

बोलाबोलाची झाली लढाई नव्हे भावनांची
पिळणी पिळणीनं जुळणी झाली दोन्हीही मनांची
ही रीतच असते अहो राजसा प्रेमी सज्जनांची
झाले गेले ते जावो मरून, आता बशीन पाया धरून
हात फिरवा जी पाठिवरून, हसा डोळ्यांत माझ्या बघून
काय करू तुम्हा मागे जगून

तुला बघून आला माझ्या मनी कळवळा
तुझे दान घ्यावया हात नाही मोकळा
एकवार घडे ग प्रीत कुठुन वेळोवेळा
जरी हिंडे मी वाऱ्यावर, मन नाही ग थाऱ्यावर
कुण्या काळजात माझं घर, कुण्या काळजात माझं घर
तिथं काळिज गेलं निघून
काय करू तुम्हा मागे जगून

या हृदयीचा तो राजेश्वर,Ya Hridayicha To Rajeshwar

लावण्याने लाजून जावे, मदनानेही मोहित व्हावे
रूप जयाचे असे मनोहर, या हृदयीचा तो राजेश्वर !

धर्मासंगे ज्याचे नाते, कर्म जयाचे चरण वंदिते
त्यात धनंजय जो लोकोत्तर, या हृदयीचा तो राजेश्वर !

कोटि चंद्र जणू नभी झळकती, अशी जयाची उज्वल प्रिती
कुरवंडावे प्राण जयावर, या हृदयीचा तो राजेश्वर !

धनुष्य ज्याने घेता हाती शत्रु चळचळा रणी कापती
सदैव विजयी वीर धनुर्धर, या हृदयीचा तो राजेश्वर !

मुंबईची लावणी,Mumbaichi Lavani

मुंबई ग नगरी बडी बाका... जशी रावणाची दुसरी लंका... वाजतो ग डंका
डंका चहू मुल्की राहण्याला गुलाबाची फुल्की पाहिली मुंबई
मुंबई ग नगरी सदा तरनी व्यापार चाले मनभरुनी दर्याच्या गो वरुनी
वरुनी जहाजे फिरती आगबोटीत निराळी धरती पाहिली मुंबई
बोरीबंदर कोटकिल्ला टाटाच्या ग मैदानातला कमिटीचा बंगला देतो भेटीसरशी
ताजमहाल पॅलेस हाटेल तिथे तुला भेटेल त्याची इच्छभोजन मेजवानी मजेदारशी
सेक्रेटरी हॉल तुला काळाघोडा बहाल कुलाब्याच्या दांडीबाग ची हवा थंडगारशी
ट्रामगाड्या मोटारगाड्या हजार देतो खटारगाड्या व्हिक्टोरिया नव्या गाड्या रंगदारशी
लगबग भारी चाले गोंधळ सारा रस्त्यात मधे मोटारीची शिंग वाजे हित गर्दी
परळापासून सरळ रस्ता भायखळ्याच्या पुलावरचा
तिथून पुढे खालचा लागल उभा पारशी
जमशोदजी बाटलीवाला याचा दवाखाना तुला इनाम दिला राहण्याला बिना वारशी
बटाट्याची चाळ तुला कायम सांभाळ तिथं बांधुनिया चाळ मग ताल धरशी
अगं हे दाजी हे... अगं हे...हो हो... ईर... जी जी जी जी जी
पवळे जपून चाल ..... घाईघाईत होतिल हाल
धर हात सावरी तोल (हा पठ्ठे बापुचा बोल)
अगं ही मुंबई... पाहिली मुंबई...

मी वाजवीन मुरली,Mi Vajaveen Murali

मी वाजवीन मुरली वृक्षी बसून एका
होऊनिया मुकी तू वाळूत काढ रेखा

कालिंदिचा किनारा, ते शांत संथ पाणी
राधामुकुंद दोघे, तिसरे न तेथ कोणी
माया तुझी न्‌ माझी सांगू नकोस लोकां

लोकांस काय ठावे संबंध हे युगांचे
हे वेगळेच नाते प्रेमातल्या जनांचे
दिसतो जरी न वारा झुलती कदंबशाखा

मायेत याच दोघे, ये मायलेक होऊ
प्रीतीत याच राधे होऊ बहीणभाऊ
प्रेमास बंध नाही ही बंधने तरी का ?

मिटुन डोळे घेतले मी,Mitun Dole Ghetale Mi

मिटुन डोळे घेतले मी तरीही त्यांना पाहते
कोण मी अन्‌ कोण ते !

गायिल्यावाचून त्यांनी, गीत त्यांचे ऐकते
भेटल्यावाचून त्यांना गूज माझे सांगते !

नाव नाही पुशियले मी, मीच काही योजिते
तेच ओठी घोळताना मी स्वत:शी लाजते !

भावनांचा भास का हा ? कल्पनांची कूजिते ?
वचन नाही घेतले मी वाट तरिही पाहते !

बोलले काहीच ना ते, मी न काही जाणते
जोडते जीवास दोन्ही मुग्ध नाते कोणते ?

मायेविण नाही बाई संसाराला,Mayevin Nahi Bai Sansarala

मायेविण नाही बाई संसाराला रंग
नांदली ग सीतामाई रामराया संगं

जानकीचं गूण किती गाऊ सये बाई
ध्यानी-मनी पतिविना छंद दूजा नाही
वनवासाचा रामासंगं भोगला ग भोग

रानोमाळ हिंडली ग अयोध्येची राणी
सांगू किती बाई तिच्या कर्माची कहाणी
देवासाठी मानला ग रानीवनी स्वर्ग

दैवामधी उफराटा येता ग काळ
पतिव्रता सीतेवरी आला बाई आळ
अंतरली राम-सीता नव्हता जरी डाग

मला हो म्हणतात लवंगि,Mala Ho Mhanatat Lavangi

नाव-गाव कशाला पुसता, अहो मी आहे कोल्हापुरची
मला हो म्हणतात लवंगि मिरची

हा डौल झोक हा नटारंगीचा ढंग
वाऱ्यावर लवते जशी चवळीची शेंग
हर घडीला नखरा नवा, डोळा हो डावा, झाकुनी फेकिन नजरेची बरची

हा लाल डाळिंबी शालु पदर जरतारी
ही हिरवी-हिरवी चोळी तंग भरदारी
नका पाहू न्याहाळुन अशी, पडाल तुम्ही फशी, जणु मी नागीन झाडावरची

या तिखटपणावर जाउ नका हुळहुळून
घायाळ शिकारी हरिणी जाइल पळुन
हिरव्या रानात दिसते उठून, नका घेउ खुडुन, अहो मी पाव्हणी बारा घरची