हा टकमक पाही,Ha Takamak Pahi

हा टकमक पाही, सूर्य रजनिमूख, लाल लाल,
परि ती नाच जाई जवळी, म्हणत हा काळ काळ ॥

तनुवरी तारालंकार, त्यात भर फार इंदु होत, त्यास घालित माळ ॥

हा खचित दिसे मम,Ha Khachit Dise Mam

हा खचित दिसे मम भाग्यकाल ।
मोहुनि त्यांच्या कपटभाषणा ।
नाहि सोडिलें सदन काल ॥

श्रीयुत हे संभाविति दाविति ।
परिं आचरणीं उलट चाल ॥

भल्या, हीन मग गणिका आम्ही ।
उघड घालितो मोहजाल ॥

स्वस्थ कसा तूं,Svastha Kasa Tu

स्वस्थ कसा तूं ? ऊठ गड्या ।
झणि टाक उड्या ॥

नकळे का वर्षे ।
घन सुधेचा, छ्बड्या ? ॥

सरले अजि सारे ।
कुदिन अपुले, बगड्या ! ॥

स्वकुल तारक सुता,Swakul Tarak Suta

स्वकुल तारक सुता; सुवरा वरुनि वाढवी वंश वनिता ॥
सुखविला नच जनक, न माता, ऐशी कांता नरकरता ॥

संशय का मनिं आला,Sanshay Ka Mani Aala

संशय का मनिं आला । कळेना ।
कारण काय तयाला ॥

आळ वृथा कीं चित्र दिलें मी
कोणा परपुरुषाला ॥

कोपुनि गेले ही मज लागे
हळहळ घोर मनाला ॥

सुजन कसा मन चोरी,Sujan Kasa Man Chori

सुजन कसा ? मन चोरी ।
अग हा - चोरी - यदुकुलनंदन ॥

सहज नेत्र भिडे, सहज मोह पडे,
सहजचि करी मम हृदय हे वेडे;
विलीन-लोचन-मार्गे शिरत घरी ॥

सन्निद्ध जी सेवा,Sannidha Ji Seva

सन्निद्ध जी सेवा, सेवा तीच सुखदा विरही जनाला ॥

सौख्य असे विमल करा, सहजचि मारा मज विरहाला ॥

सत्य वदे वचनाला,Satya Vade Vachanala

सत्य वदे वचनाला । नाथा ।
स्मरुनि पदाला या सुरविमला ॥

वित्त पराजित मानी विषसम ।
स्पर्शिन ना कधि मी त्याला ॥

शशिसूर्यप्रभा गगनाची,ShashiSuryaPrabha

शशिसूर्यप्रभा गगनाची, ही दासी भूमितलावरिची ॥

मुखभानुवरा भालहिमकरा स्पर्शाया न धजे ही काया ॥

हे चरण मला रविचंद्रकला, सेवा योग्य गमे यांची ॥

व्यर्थ मीं जन्मलें थोर,Vyartha Mi Janmale Thor

व्यर्थ मीं जन्मलें थोर कुळीं ।
लागला सर्वदा फांस गळीं ॥

नच ठावें स्वातंत्र्य कसें तें ।
बंदित वास मुळीं ॥

गरिबापोटीं येतें तरि ते ।
मज नच देते बळी ॥

वैरि मारयाला,Vairi Marayala

वैरि मारयाला, ही गोशाला ॥

प्रमुदित माता, रिपुबल मनवितां ।
करि मृदुल दूध अरि वध, सबल अबला ॥

वरि गरिबा वीरा जी अबला,Vari Gariba Veera Ji Abala

वरि गरिबा वीरा जी अबला, सुख संसारीं तें केंवि तिला ॥

राघव तोडित धनु ऋषिवेषें, मग जाई वना सीताबाला ॥

अधन धनंजय मीनवधा करी, वनीं वास मग पांचालीला ॥

वद जाउं कुणाला शरण,Vad Jau Kunala Sharan

वद जाउं कुणाला शरण करी जो हरण संकटाचें ।
मी धरिन चरण त्याचे । अग सखये ॥

बहु आप्त बंधु बांधवां प्रार्थिलें कथुनि दुःख मनिंचें ।
तें होय विफल साचें । अग सखये ॥

मम तात जननि मात्र तीं बघुनि कष्टती हाल ईचे ।
न चलेचि कांहिं त्यांचें । अग सखये ॥

जे कर जोडुनि मजपुढें नाचले थवे यादवांचे
प्रतिकूल होति साचे । अग सखये ॥

लागे हृदयी हुरहुर,Lage Hridayi Hurhur

लागे हृदयी हुरहुर । अजि ।
सुखविषय गमति नच मज सुखकर ॥

काही सुचेना । काही रुचेना ।
राहि कुठे स्थिर मति नच पळभर ॥

लग्नविधींतील खरें मर्म, Lagnavidhitil Khare Marm

लग्नविधींतील खरें मर्म काय ठाऊक तें मुळिंहि तुज नसे ॥
वैवाहिक होममंत्र अंतःपट अक्षतादि ।
पोषक हे विधि, मिळणी जीव जिवा सार हें असे ॥

लग्न होईना नाथा, Lagna Hoina Natha

लग्न होईना, नाथा; तात साहिना ॥

सुरवर, माना सहोदर या जना,
त्यागचि तारक कांता, विरही मनांना ॥

रूप बली तो नरशार्दुल,Roop Bali To NaraShardul

रूप बली तो नरशार्दुल साचा, क्षणीं विनाशित रिपुभाव मनिचा ॥

खला देखी, मग भूल फेंकी, नयन-भाषण मनासि जिंकी,
क्षणी विनाशित स्वभाव रिपुचा ॥

रमवाया जाऊं,Ramavaya Jau

रमवाया जाऊं । प्रियासी ।
रमवाया जाऊं ॥

मेघ असो कीं रात्र असो ही ।
पर्जन्याची वृष्टि पडो ही ।
भीति तयाची मजला नाहीं ।
विघ्न कांहीं येऊं ॥

मंगलदिनिं तन मन,Mangaldini Tan Man Dhan

मंगलदिनिं तन, मन, धन दान पदिं करीतें ।
सहाचरणसूचक हा कर करांत देतें ॥

स्वीकारुनि पत्निपदीं धन्य मज करावें ।
आर्यव्रत सेविन ही शपथ मीहि घेतें ॥

मूर्तिमंत भीति उभी,Murtimant Bhiti Ubhi

मूर्तिमंत भीति उभी मजसमोर राहिली ।
वाटतें दुजा सुदाम मज दिसेल त्या स्थळीं ।

दाखवावयास मला तात नेत त्याकडे ।
राक्षसा रुचेल का पहावया जसा बली ॥