प्रभातसमयो पातला,Prabhat Samayo Patala

प्रभातसमयो पातला, आता जाग बा विठ्ठला !

दारी तव नामाचा चालला गजरू
देव-देवांगना गाती नारद-तुंबरू
दिंड्या-पताकांचा मेळा, तुझिया अंगणि थाटला !

दिठी दिठी लागली तुझिया श्रीमुखकमलावरी

श्रवणिमुखी रंगली श्रीधरा, नामाची माधुरी
प्राणांची आरती, काकडा नयनी चेतविला !

दळिता कांडिता,Dalita Kandita

दळिता कांडिता । तुज गाईन अनंता ॥१॥

न विसंबे क्षणभरी । तुझे नाम ग मुरारी ॥२॥


नित्य हाचि कारभार । मुखी हरि निरंतर ॥३॥

मायबाप बंधुबहिणी । तू बा सखा चक्रपाणी ॥४॥


लक्ष लागले चरणासी । म्हणे नामयाची दासी ॥५॥