अपर्णा तप करिते काननी, Aparna Tap Karite Kanani

भस्मविलेपित रूप साजिरे आणुनिया चिंतनी
अपर्णा तप करिते काननी !

वैभवभूषित वैकुंठेश्वर
तिच्या पित्याने योजियला वर
भोळा शंकर परी उमेच्या भरलासे लोचनी !

त्रिशूल डमरू पिनाकपाणी
चंद्रकला शिरि सर्प गळ्यांतुनि
युगायुगांचा भणंग जोगी तोच आवडे मनी !

कोमल सुंदर हिमनगदुहिता
हिमाचलावर तप आचरिता
आगीमधुनी फूल कोवळे फुलवी रात्रंदिनी !