बघा तरी हो कशी बांधिली जमवुन काडी काडी
अशी कुणाची असेल का हो मजेदार झोपडी ?
झोपडीस नाही दरवाजा आणि कडी-कोयंडा
बसायास हो कांबळ कुठली उशाला नसे धोंडा
आनंदाने तरिही मिळतो विश्रांती थोडी
अशी कुणाची असेल का हो मजेदार झोपडी ?
राजमहाली जाउन तिथला पाहिला पसारा
इमले माड्या हवेलीतला वेगळाच तो वारा
दुरुन साजरे दिसे परंतू त्यात नसे गोडी
अशी कुणाची असेल का हो मजेदार झोपडी ?
इथे जन्म घेई जो जो तो लावी जीवा जीव
आपसात नांदते प्रीतिची ममतेची जाणिव
दिन सौख्याचा म्हणून या इथे विधाता उजाडी
अशी कुणाची असेल का हो मजेदार झोपडी ?
No comments:
Post a Comment