भावनांचा तू भूकेला BHAVANANCHA TU BHUKELA

भावभोळया भक्तीची ही एक तारी
भावनांचा तू भूकेला रे मुरारी

काजळी रात्रीस होसी तूच तारा
वादळी नौकेस होसी तू किनारा
मी तशी आले तुझ्या ही आज दारी

भाबडी दासी जनी, गाताच गाणी
दाटून आले तुझ्या डोळयात पाणी
भक्तीचा वेडा असा तू चक्रधारी

शापिलेली ती अहिल्या मुक्त केली
आणि कुब्जा स्पर्श होता दिव्य झाली
वैभवाचा साज नाही मी भिकारी

अंतरीची हाक वेडी घालते रे
वाट काट्यांची अशी मी चालते रे
जाणिसी माझी व्यथा ही तूच सारी


Lyrics -मंगेश पाडगांवकर MANGESH PADAGAOKAR
Music -लता मंगेशकर LATA MANGESHAKAR
Singer -श्रीनिवास खळे SHREENIWAS KHALE
Movie / Natak / Album -गीत GEET

शपथ दुधाची या,Shapath Dudhachi Ya

शपथ दुधाची या आईच्या; फिर माघारी पोरी

तुझे भुकेने व्याकुळलेले बघुनी ग डोळे
उरी मायेच्या काळजाचे पाणी पाणी झाले
चार घास हे तुला भरविते माझ्या ओठावरले
डोळ्यांमधले पाजिल पाणी गंगा राजापुरी

जन्मलीस तू अभिमानाच्या थोर मराठ्याकुळी
प्राण देउनी आजवर ज्यांनी अब्रू ही ग जपली
हरिश्चंद्रापरि सत्यकसोटी असेल ग अपुली
दुरुनी बाळे दैव पहाते गरिबी आणून घरी

मी नवनवलाचे स्वप्न,Mi Nav Navalache Swapna

तू गुपित कुणाला सांगू नको आपुले
मी नवनवलाचे स्वप्न काल पाहिले !

स्वप्नात सांवळा हरी
ये वाजवीत बासरी
त्या मधुर स्वरांनी मन माझे मोहिले !

कर घालुनि माझ्या गळा
गुजगोष्टि करी सांवळा
हलकेच तये अधरास अधर जुळविले !

मी दचकुन उठले, गडे
परि घडू नये, ते घडे
कपट्याने माझे हृदयच, गे, चोरिले !

पाहुणा म्हणूनी आला,Pahuna Mhanuni Aala

पाहुणा म्हणूनी आला, जरा घरात थारा दिला
दांडगाई करुनी ग बाई चार दिसात घरधनी झाला

भोळीस भासला भोळा
साधाच आणि मनमोकळा
परि अंगात नाना कळा
डोळ्यांस लावता डोळा, मज पुरता कावा कळला

पचताच पहिली ही खोडी
करी खुशाल लाडीगोडी
हृदयीचे कुलुपही तोडी
भर दिवसा करी घरफोडी, चोरटा घरामधी घुसला

आले वयात मी बाळपणाची,Aale Vayat Mi Balpanachi

आले वयात मी, बाळपणाची संगत सुटली
गोऱ्या गाली प्रीतिची लाली अवचित उठली !

निशिदिनी, बाइ, मी मनामध्ये तळमळते
ही नवखिच कसली हुरहुर मज जाळते
जिव होतो गोळा
झोप नाही डोळा
येतो दाटुन गळा
सख्यासोबतिणींची मला संगत नकोशी वाटली !

तू जिवलग माझा, बाळपणातिल मैत्र
बोल हसुन जरा, बघ, फुलांत नटला चैत्र
एका ठायी बसू
गालागालांत हसू
डोळा मोडून पुसू
चारी डोळे भेटता दोन मने एकवटली !