रंगुनी रंगात साऱ्या,Ranguni Rangat Sarya

रंगुनी रंगात साऱ्या रंग माझा वेगळा !
गुंतुनी गुंत्यात साऱ्या पाय माझा मोकळा !

कोण जाणे कोठुनी ह्या सावल्या आल्या पुढे
मी असा की लागती ह्या सावल्यांच्याही झळा !

राहती माझ्यासवे ही आसवे गीतांपरी
हे कशाचे दुःख ज्याला लागला माझा लळा !

कोणत्या काळी कळेना मी जगाया लागलो
अन्‌ कुठे आयुष्य गेले कापुनी माझा गळा !

सांगती 'तात्पर्य' माझे सारख्या खोट्या दिशा
"चालणारा पांगळा अन्‌ पाहणारा आंधळा !"

माणसांच्या मध्यरात्री हिंडणारा सूर्य मी
माझियासाठी न माझा पेटण्याचा सोहळा !

8 comments:

  1. ultimate singing

    ReplyDelete
  2. विलक्षण शब्दाविष्कार!!

    ReplyDelete
  3. विलक्षण शब्द, आणि सुंदर आवाज

    ReplyDelete
  4. Atishay arth purn ani sundar aavaj. .sundar rachana...

    ReplyDelete
  5. महान

    ReplyDelete
  6. Rxcellent song and singing. Meaning of this song in English or Hindi.please

    ReplyDelete