पिर पिर पिर पिर पावसाची,Pir Pir Pavasachi

पिर पिर पिर पिर पावसाची
त्रेधा-तिरपिट सगळ्यांची !

रस्त्यावर मोटारगाड्यांची
शर्यत लागली पोहायची
बाबांना ऑफिसची घाई फार
छत्रीला त्यांच्या लागली धार
फजिती झाली कपड्यांची !


ताईच्या साडीवर परीटघडी
चिखलाची सुंदर उठली खडी
दादाच्या रेनकोटचा भलताच थाट
पावसाने उसवली त्याची पाठ
भंबेरी उडली फॅशनची !

कुणितरी सांगा हो काही उपाय
गुरुजींचा चिखलात फसलाय पाय

शाळेला सुट्टी पडली उगाच
घरात बसायचा माझ्यामागे जाच
संधी हुकली भिजायची

दिवसभर पावसात असून,Divasbhar Pavasat Asun

दिवसभर पावसात असून, सांग ना आई
झाडाला खोकला कसा होत नाही ?

दिवसभर पावसात खेळून, सांग ना आई
वारा कसा जराही दमत नाही ?

रात्रभर पाढे म्हणून, सांग ना आई
बेडकाचा आवाज कसा बसत नाही ?

रात्रभर जागून सुद्धा, सांग ना आई
चांदोबा झोपी कसा जात नाही ?

दिवसभर काम करून, सांग ना आई
तुला मुळी थकवा कसा येत नाही ?

कोणास ठाऊक कसा,Konas Thauk Kasa

कोणास ठाऊक कसा ? पण सिनेमात गेला ससा !
सशाने हलविले कान, घेतली सुंदर तान,
सा, नि, ध, प, म, ग, रे, सा, रे, ग, म, प
दिग्दर्शक म्हणाला, "वाहवा !", ससा म्हणाला, "चहा हवा !"

कोणास ठाऊक कसा पण सर्कशीत गेला ससा !
सशाने मारली उडी, भरभर चढला शिडी
विदुषक म्हणाला, "छान छान !", ससा म्हणाला, "काढ पान !"

कोणास ठाऊक कसा पण शाळेत गेला ससा !
सशाने म्हंटले पाढे
(बे एकं बे, बे दुणे चार, बे त्रीक सहा, बे चोक आठ)घडघड वाचले धडे
गुरुजी म्हणाले, "शाब्बास !", ससा म्हणाला, "करा पास !"