माझ्या मनात विणिते नाव,Majhya Manat Vinite Naav

माझ्या मनात विणिते नाव ग,
कसं सांगू ? अमोल त्याचा भाव ग

नाव त्यांचं नाजुक मोरपीस,
छळिते मला ग लाजरीस
काळजाचा नवखा गोड घात ग

माझ्या मनात लाखदा मी घोकते
ओठातून फुटेना बाई गुज ते
माझा भारीच लाजरा स्वभाव ग

त्यांच्या नावात आगळा आनंद ग
वेड लावी हा पुनवेचा चांद ग
कशि दावू मोलाचि माझि ठेव ग

परदेशी सजण घरी आले,Pardeshi Sajan Ghari Aale

परदेशी सजण घरी आले
देहताप सरले, सुखमय मी मंगल गीत म्हणाले

मोर जसा घनगर्जन श्रवुनी, तैसी उन्मन झाले
प्रभुमीलन होताच क्षाणी त्या सारे दु:ख गळाले

चंद्र बघुनि जशि फुले कुमुदिनी, तैसी फुलुनी गेले
नसानसात भरे शितलता, महालात हरि आले

सगळ्या भक्तांचे कैवारी तो प्रभुचरण मिळाले
मीरा विरहिणी शीतल झाली, द्वंद्वच पार निमाले