प्रीत रंगली ग कशी,Preet Rangali Ga Kashi

प्रीत रंगली ग कशी राजहंसी
अग बाई ग लाजली हंसी, बोले ना ती तुझ्याशी,
बोले ना ती तुझ्याशी !


तुझिया कपोली प्रीत रंगली ग - लाजून हसली
बघ इकडे ग - धरिसी कशाला पदर उराशी
तुझी रे हंसी, फसली कैसी, पडली पाशी,
धीट किती हा रमण विलासी,
बोले ना ती तुझ्याशी !

रुसली राणी, डोळा पाणी, हास्य आननी
नजर तुझी घे - थरथरणारी - वरती जराशी
गोड बोलुनी, प्रेम दावुनी, हृदय जिंकुनी,
जाल सोडुनी, कुठे दूर देशी,
बोले ना ती तुझ्याशी !

पायावरी प्रियाच्या सर्वस्व,Payavari Priyachya Sarvasva

काया जरी निमाली का प्रीत ओसरेल?
छायेपरी सदा ती मागे तुझ्या फिरेल

पायावरी प्रियाच्या सर्वस्व वाहणारी
मी एक प्रेमवेडी प्रीतीच पाहणारी !

प्रीतीसवे हसावे, प्रीतीसवे रुसावे
प्रीतीशिवाय काही डोळ्यांस ना दिसावे
त्या धुंद भावनेच्या स्वप्नात राहणारी
मी एक प्रेमवेडी प्रीतीच पाहणारी !

दोघांमधील आहे प्रीती युगायुगांची
वेडावल्या जिवाला पर्वा नसे जगाची
ज्योतीवरी पतंग पंखास दाहणारी
मी एक प्रेमवेडी प्रीतीच पाहणारी !

चित्र तुझे हे सजीव होऊन,Chitra Tujhe He Sajeev

चित्र तुझे हे सजीव होऊन येईल भेटीला
लागले पंख प्रीतिला

असेच भोळे असतील डोळे
केस कपाळी कुरळे कुरळे
रंग गुलाबी असेल का रे हसऱ्या ओठीला
लागले पंख प्रीतिला

रूप दर्पणी भिन्न दिसावे
हृदय मंदिरी तूच असावे
उपमा नाही तुझ्या नि माझ्या प्रेम संगतीला
लागले पंख प्रीतिला

या प्रतिमेची करीन पूजा
ह्या हृदयाचा तू तर राजा
तुझिया चरणी अर्पण करिते माझ्या भक्तीला
लागले पंख प्रीतिला