नाकात वाकडा नथीचा,Nakat Vakada Nathicha

नाकात वाकडा, नथीचा आकडा
मोत्यांचं कुलूप, ओठांच्या कवाडा
बंदोबस्त का ग केलास एवढा ?


बोलांचं माणिक, हसण्याचं हिरं
रत्नांनी भरला रूपाचा वाडा
तुझ्यावाणी वेडा, घालिल दरोडा
बंदोबस्त केला म्हणुन एवढा

येऊन गुपचूप तोडीन कुलूप
अरं भलतेच नको रं बोलू उनाडा

घालिन दरोडा, धुंडीन वाडा
पायांत पडेल रं जन्माचा खोडा
सोशीन खाडा, हवा तेवढा,
आधीच कशाला तंटाबखेडा
तुझा माझा जोडा, पायि घाल खोडा
अंगणी झडू दे सनई-चौघडा

अबोल झालीस का साजणी Abol Jhalis Kaay Sajani

अबोल झालीस का, साजणी ?
आज जिवांची जुळली गाणी

मुक्या कळीला शिवे पाखरू
नकोस आता सुगंध चोरू
पहा मजकडे, उघड पापणी

बाग धुंडिली मी तुजसाठी
लाभलीस मज सखे शेवटी
हास मोकळे, गे मधुराणी

दास तुझा मी नव्हे सोबती
गुंगत राहिन तुझ्याभोवती
तहान तू मज, तूचि पाणी


L - ग. दि. माडगूळकर,
M - राम कदम,
S - महेंद्र कपूर,
 वैभव (१९६०)