विझले रत्‍नदीप नगरात,Vijhale Ratnadeep Nagarat

विझले रत्‍नदीप नगरात
आता जागे व्हा यदुनाथ !

अंधारातुनि प्रकाश निवळे
हलके हलके पूर्वा उजळे
दवबिंदूंचे मोती झाले पर्णांच्या तबकात !

जागी झाली सुर्वणनगरी
अरुणासह ये उषासुंदरी
सोन्याची नवप्रभा पसरली, सोन्याच्या दारात !

दो दिसांच्या संगतीची,Do Disanchya Sangatichi

का असा गेलास तू ? ना बोलता ना सांगता
दो दिसांच्या संगतीची हीच का रे सांगता ?

भावमाला लोपल्या ओठिंच्या ओठीच का ?
फुलविली तू लाज गाली सुकविण्यासाठीच का ?
पुसुन गेल्या रंग-रेखा चित्र अपुरे रंगता !

दूर व्हाया जवळ आली काय वेडी पाखरे ?
ये पुन्हा ये राजहंसा, पंखि जीवा झाक रे !
हाक मारू मी कशी रे, गूज फुटते बोलता !

ठाऊका ना ठाव कोठे, मार्ग नाही माहिती
शोध घ्याया अंतरीचे नेत्र माझे धावती
गे उदारा, राजसा रे, आसरा दे मागता !

चांदण्यात चालु दे,Chandanyat Chalu De

चांदण्यात चालु दे मंद नाव नाविका
तरंगती जळावरी संथ चंद्र-चंद्रिका

नकोच आज बोलणे
बोलु देत लोचना
लोचनांत रंगल्या भावना अनामिका !

तूच साथ दे मला
तूच हात दे मला
तूच ने तुझ्यासवे मंत्रमुग्ध बालिका !

भाव जे असावले
तुझ्यात ते विसावले
नकोस होउ रे कधी संगतीस पारखा !

चला सख्यांनो हलक्या,Chala Sakhyano Halakya

चला सख्यांनो हलक्या हाते, नखांनखांवर रंग भरा
ग नखांनखांवर रंग भरा

आज सावलीपरी जायचे त्यांच्यामागे पाउल ग
पायी पैंजण बांधा द्याया आगमनाची चाहुल ग
सिंहकटीवर स्वैर खेळू द्या, रत्‍नमेखला सैल जरा


बाहुंवरती बांधा बाई, बाहूभुषणे नागाची
अंचलि झाका हृदयावरची कमळे ही अनुरागाची
गळ्यांत घाला हार साजिरा, पदकी त्याच्या दिव्य हिरा

वेणी गुंफा मदनबाण वर भवती हिरवा मरवा ग
आकाशातिल नक्षत्रासम माथी मोती जडवा ग
सौभाग्याच्या नगरा नेते, सौंदर्याचा थाट पुरा