सांवरे श्याम श्रीहरी,Saware Shyam Shrihari

सांवरे श्याम श्रीहरी
मी झाले तुजविण बावरी

मंतरलेले सूर ऐकुनी भान मला नुरले
बंध जगाचे तोडुनि सारे धावत मी आले
ही छळते वैरिण बासरी

रतिरंगाची नवथर बाधा रे जडली मजला
धुंद नशेचा मोरपिसारा तनूमनी फुलला
मी विरले सुखसागरी

ना मानो गो तो दूँगी,Na Mano Go To Dungi

ना मानो गो तो दूँगी तोहे गारी, रे
अंग भिजविले माझे, माझी ओढली शेलारी, रे
जा जा ना, कान्हा, छेडू नको भारी, रे
ऐसो होरीको खिलारी भर मारी पिचकारी, रे !

गोरी गोरी बाँकी मैं कुरुप तू काळा, रे

गोवळ्याच्या पोरा, तुझा भलता हा चाळा, रे
बाजुबंद खोल मोरी चुनरी भी भारी, रे !

नई रे, चुनरिया अबही मंगाई
खेचाखेची पदराची काय करू, बाई !
फोड दी गगर मोरी कंकरिया मारी, रे
ना मानो गो तो दूँगी तोहे गारी, रे !

नयन तुजसाठी आतुरले,Nayan Tujsathi Aaturale

नयन तुजसाठी आतुरले
प्रेमदिवाणी झाले रे

तुझ्या प्रीतिच्या अमृतधारा
मनमोराचा फुले पिसारा
भानच हरपून गेले रे

जुळता नाते दोन मनांचे
बंध लोपले युगायुगांचे
मी नच माझी उरले रे