ते गीत कोकिळे गा,Te Geet Kokile Ga

ते गीत कोकिळे गा पुन्हा पुन्हा
लुब्ध तुझ्या गाण्याला मुग्ध भावना

तुझ्या गाण्याचे ऐकुन सूर
नदिनाल्यांस येती पूर
जललहरींतुनी प्रीत ये धावुनी
तरूवेलीस येई कल्पनासप्तसूरांत होऊन दंग
विश्व गाण्यात होई गुंग
दंवबिंदूंतुनी गीत ये रंगुनी
सूर तालास देई चालनातुझ्या कंठातले अमृताचे
गीत आहे तुझे मोलाचे
गोड गाण्यातले सूर हे आगळे
धुंद जीवास देई प्रेरणा

तळ्यात पाही पुनव चांदवा,Talyat Pahi Punav

तळ्यात पाही पुनव चांदवा होऊन गोरामोरा
आणि तरीही सतार घेऊन नील घन छेडी तारा

वेलीवरल्या मुक्या कळीला जाग हळू ही आज
जलवंतीच्या जळात भिजतो गंधवतीचा साज
दवबिंदूंचे उधळीत मोती भणंग होई वारा


निवांत निजली नगरी सारी जागत बसले दिवे
हिरव्या रानी रात्र खेळवी फूलपाखरी थवे
रात्र चांदणी चोर पाऊली उजळी घन अंधारा

अशाच वेळी कळी अवतरतो जडते अनाम बाधा
जडता अनाम बाधा होई लाट तळ्यातील राधा
भरास येता भरती बुडतो बेहोषीत किनारा