तुझ्या पापण्यांच्या आत Tuzya Papnyanchya Aat

तुझ्या पापण्यांच्या आत काय साठले, दाटले ?
दोन ओठांच्या दलांत दंव कोणते गोठले ?

उपचाराचे बोलणे मध्ये तुटून थांबले
क्षण अशब्द रिकामे, युगाप्रमाणे लांबले
नेत्र मिळाले नेत्रांस, नीट केलेस कुंतल
जरा कापत्या करांनी घेसी ओढून अंचल

गोंधळल्या गालांवरी स्मित उमले अधुरे
शब्द डोकावती काही ओठांमधून घाबरे
उभे संकोचाच्या आड, त्याची दिसली सावली
लाल रंगत उषेची मेघांमध्ये न मावली
नको सांगुस कधिही, काय सांगायाचे आहे
अशा भावमोहनाचा अंत अक्षरात राहे

Lyrics - Kusumagraj
गीत    -    कुसुमाग्रज
Music - Shridhar Phadake
संगीत     -     श्रीधर फडके
Singer - Shridhar Phadke
स्वर    -     श्रीधर फडके
Album - Lilav
अल्बम    -    लिलाव

मन तळ्यात मळ्यात Man Talyat Malyat

मन तळ्यात मळ्यात
मन तळ्यात, मळ्यात,
जाईच्या कळ्यांत

मन नाजुकशी मोतीमाळ,
तुझ्या नाजुकशा गळ्यात

ऊरी चाहुलींचे मृगजळ
वाजे पाचोळा उगी तशात

इथे वार्‍याला सांगतो गाणी, माझे राणी
आणि झुळुक तुझ्या मनात

भिडू लागे रात अंगालागी
तुझ्या नखाची कोर नभात

माझ्या नयनी नक्षत्र तारा
आणी चांद तुझ्या डोळ्यांत

Lyrics - Sandeep Khare
गीत    -    संदीप खरे
Music - Sandeep Khare
संगीत     -     संदीप खरे
Singer - Shailesh Ranade
स्वर    -     शैलेश रानडे
Album - Diwas Ase ki...
अल्बम    -    दिवस असे की ....