अश्रु जलात विरली ASHRU JALAT VIRALI

अश्रु जलात विरली,गाथा जुन्या खुणांची ,
ओठावरची मिटली ,ती साद अंतरीची

धुंदावल्या मनाला होता बहार आला ,
नयनी फुले तराना कैफ़ात भारलेला
परी ओसरून गेली माया खुल्या क्षणांची

तुटण्यास का जुळल्या वाळूवरील वाटा ,
दुरात लोपल्या कां ,उसळुन दोन लाटा ,
कां पालवी जळाली फुलल्या मनोगताची

गोठून अश्रु गेले ,थिजली गळ्यात भाषा ,
प्रीतिविना  जिन्याची  नुरली मनात अशा
आता वठून गेली जाणीव जीवनाची

Lyrics -अनिल मोहिले ANIL MOHILE
Music -वंदना विटनकर  VANDANA VITANKAR
Singer -अरुण दाते  ARUN DATE