मुरलीधर घनश्याम सुलोचन,Muralidhar Ghan Shyam

मुरलीधर घनश्याम सुलोचन
मी मीरा तू माझे जीवन

तुझ्या मूर्तिविन या डोळ्यांना
कृष्ण सख्या रे काहि दिसेना
एकतारिच्या सुरात माझ्या
तुझेच अवघे भरले चिंतन

श्यामल तनुचा तव देव्हारा
जीव-ज्योतिला माझ्या थारा
चिंतनात मी रमते तुझिया
सोबत करतालांची किणकिण

विषासही तू अमृत केले
या वेडीला जीवन दिधले
हे उरलेले जीवित माझे
तुला मुकुंदा, करिते अर्पण



No comments:

Post a Comment