भातुकलीच्या खेळामधली,Bhatukalichya Khela Madhali

भातुकलीच्या खेळामधली राजा आणिक राणी
अर्ध्यावरती डाव मोडला, अधुरी एक कहाणी

राजा वदला, "मला समजली, शब्दावाचुन भाषा
माझ्या नशिबासवे बोलती तुझ्या हातच्या रेषा"
का राणीच्या डोळा तेव्हा दाटुनि आले पाणी ?

राणी वदली बघत एकटक दूरदूरचा तारा
"उद्या पहाटे दुसऱ्या वाटा, दुज्या गावचा वारा"
पण राजाला उशिरा कळली गूढ अटळ ही वाणी

तिला विचारी राजा, "का हे जीव असे जोडावे ?
का दैवाने फुलण्याआधी, फूल असे तोडावे ?"
या प्रश्नाला उत्तर नव्हते, राणी केविलवाणी

का राणीने मिटले डोळे दूर दूर जाताना ?
का राजाचा श्वास कोंडला गीत तिचे गाताना ?
वाऱ्यावरती विरून गेली एक उदास विराणी


7 comments:

  1. khup chan vatat he gane ykun

    ReplyDelete
  2. very nice song...............

    ReplyDelete
  3. Khup Sundar lyrics aahet ... meaningful

    ReplyDelete
  4. eka orchestra valyane mazya lagnaat he gaane mhatle, ek zapad dyavishi vaatli hoti singer la, roja bhandan hotey baayko barobar.

    ReplyDelete
  5. सोलापूर मध्ये अरुण दाते यांच्या मुखातून हे गाणं जेव्हा ऐकलं तेव्हा काम आणि मन तृप्त झाले. प्रचंड ताकतीच हे गाणं आहे .शब्दरचना डोळ्यातून अश्रू व्हायला लावणारी आहे .हे गाणं खूप आवडायचं आजही आवडतं जेव्हा स्वतःला स्ट्रेसफुल माईंड मधून रिलॅक्समेंट मध्ये न्यायचं असतं. तेव्हा हे गाणं नक्की आवर्जून म्हणते ऐकते.🌹

    ReplyDelete