परम सुवासिक पुष्पें,Param Suvasik Pushpe

परम सुवासिक पुष्पें कोणी चातुर्यें गुंफिती नारी
सुगंध तैलें वासित करिती शय्यावस्त्रें धरुनि करीं

नानापरिचे विडे मनोहर तबकांमध्यें कोणि भरी
अंगराग ते तयार करुनी ठेविति शेजेशेजारीं
खिडक्यांचे वाळ्याचे पडदे भिजवुनि कोणी गार करी
गुलाबपाणी थंड करोनी शिंपित कोणी गच्चिवरी
सर्व तयारी नीट कराया दक्ष असति जन किती तरी
वाटे मज मंदिर हें करिलचि वैकुंठाची बरोबरी ॥