झाली ग बरसात फुलांची,Jhali Ga Barsat Phulanchi

झाली ग बरसात, फुलांची झाली ग बरसात
वसंतवेड्या लहरी भरल्या, उसळत सर्वांगात

मुक्या मनाला फुटली वाणी
मनोगतांची झाली गाणी
पालवल्या ग आशावेली, न्हाल्या नवरंगांत
धुंद सुखाचा सुटला दरवळ
अंगच अवघे झाले परिमळ
दवासारखे आनंदासु, कुसुमांसम नयनात

तळहातीच्या भाकित रेखा
जित्या जुईच्या झाल्या शाखा
दिसेल तेथे प्रफुल्ल झाले, फुलल्या उल्हासात