घे झाकून मुख हे चंद्रमुखी,Ghe Jhakun Mukha He

घे झाकून मुख हे चंद्रमुखी
प्रीतिस लागे दृष्ट सखी

गंध प्रीतिचा असतो हळवा
टाळ वादळे दुष्ट सखी

चंद्र असू दे अर्धा-मुर्धा
तिमिरी प्रीती पुष्ट सखी

अमिट सूर जरि उरी दटले
मीट आपुले ओष्ठ सखी
शब्दांवाचुन कळे प्रीतिला
डोळ्यांतिल उद्दिष्ट सखी

प्रीत असो, पण रीत असू दे
प्रीतीवर जग रुष्ट सखी

सरळ संथ हा पंथ जनांचा
प्रेमिक हे पथभ्रष्ट सखी

No comments:

Post a comment