गोड गोजरी लाज लाजरी,God Gojiri Laj Lajari

गोड गोजरी, लाज लाजरी ताई तू होणार नवरी
फुलाफुलांच्या बांधुन माळा मंडप घाला ग दारी

करकमलांच्या देठावरती चुडा पाचुचा वाजे
हळदीहुनही पिवळा बाई रंग तुला तो साजे
नथणी-बुगडी लाजे,
रूप पाहुनी तुझे, बांधु ताई मणि-मंगळ-सरी

भरजरीचा शालू नेसुनी झाली, ताई आमुची गौरी
लग्न-मंडपी तिच्या समोरी, उभी तिकडची स्वारी
अंतरपाट धरी,
शिवा पार्वती वरी, लाडकी ही जाई, ताई दुरी