अमृताहुनी गोड नाम तुझे Amrutahun God Naam Tujhe

अमृताहुनी गोड नाम तुझे देवा
मन माझे केशवा का बा न घे

सांग पंढरीराया काय करु यांसी
का रूप ध्यानासी न ये तुझे

किर्तनी बैसता निद्रे नागविले
मन माझे गुंतले विषयसुखा

हरिदास गर्जती हरिनामाच्या किर्ती
नये माझ्या चित्ती नामा म्हणे


L - संत नामदेव,
M - बाळ माटे,
S - माणिक वर्मा

अमृताची गोडी तुझ्या भजनात Amrutachi Godi Tujhya Bhajanat

अमृताची गोडी तुझ्या भजनात
मनाचा विसावा दु:खी जीवनात

भजनी रंगावे, जग विसरावे
राम-नाम घ्यावे चिपळ्यांची साथ

माझा पांडुरंग ऐकतो अभंग
भक्तितरंगी दंग नाचे कीर्तनात

नाम तुझे देवा, केशवा माधवा
कोणतेही ठेवा, गोडवा तयात


L - योगेश्वर अभ्यंकर,
M - बाळ माटे,
S - माणिक वर्मा

अनंता अंत नको पाहू Ananta Anta Nako Pahu

आलासी तू ऐकूनि धावा, काय तुला देऊ ?
अनंता, अंत नको पाहू

अतिथी अचानक आश्रमि आले, ज्या समयी नच काही उरले
तशात म्हणती भूक लागली, कशि मी समजावू ?

दहि दूध लोणी मागु नको रे, रिते घडे तुज दिसतिल सारे
धुतल्या थाळीवरी पान ते नकोस तू ठेवू

कसे मागसी इतुके देवा? मजसि गमे ना कुठला कावा
योगेश्वर तू अंतर्ज्ञानी थोरवि किति गाऊ ?


L - अण्णा जोशी,
M - नीळकंठ अभ्यंकर,
S - माणिक वर्मा