सजल नयन नित धार बरसती SAJAL NIT DHAR BARASATI

सजल नयन नित धार बरसती

भावगंध त्या जळी मिसळती

वीणेचे स्वर अबोल झाले

गीतामधले काव्यहि सरले

मुक्या मनाचे मुकेच आठव

मूक दीपज्योतीसम जळती

चंद्र चांदणे सरले आता

निरस जाहली जीवनगाथा

त्या भेटीतिल अमृतधारा

तुझ्याविना वीषधारा होती

थकले पैंजण चरणहि थकले

वृंदावनिचे मोहन सरले

तुझ्या स्मृतींची फुले प्रेमले

अजुनि उखाणे मला घालिती


Lyrics -शांताराम नांदगावकर SHANTARAM NANDGAONKAR

Movie / Natak / Album -कविता KAVITA