कृष्ण मुरारी होईन KRISHN MURARI HOIN

कृष्ण मुरारी होईन मी
तू प्रीतबावरी मीरा हो
महादेवाच्या माथ्यावरची
गंगेची तू धारा हो

कृष्ण सावळा होईन मी
तू अल्लड अवखळ राधा हो
मिठीत शिरता सांज सकाळी
फुलता फुलता मुग्धा हो

चक्रपाणी होईन मी तू
गीतेमधली वाणी हो
पहाटलेल्या स्वप्नामधली
तू एकटी राणी हो

मीरा हो तू, राधा हो तू
हो गीतेची वाणी
तुझ्याचसाठी भोगीन मी
पुन्हा मानवी योनी

तुझ्याचसाठी पुन्हा एखदा
जन्म येथला घेईन मी
तुझ्या दुखाच्या प्यालामधला
थेंब सुखाचा होईन मी.

Lyrics -विजय शेंडे VIJAY SHENDE
Movie / Natak / Album -कविता KAVITA