चंदनाचे दार माझे CHANDANACHE DAR MAZE

दॄष्ट लागावी हे असे
भाग्य आले हे घरा
चंदनाचे दार माझे
सोनियाचा उंबरा

उजळल्या दाही दिशा 
न्हावुनिया आली निशा
दीप नक्षी कोरताना
तेज आले अंबरा
चंदनाचे दार माझे
सोनियाचा उंबरा

आगिन फुलाची नक्षी
माझ्या पदरावरती जडवा हो
आज इष्काचा इष्काचा इष्काचा
फुलबाजा उडवा हो
फटाकडीचा लवंगी चटका
भुईचक्राचा लावा फटका 
नयन बाणांची आतषबाजी
दिलावरी भिड़वा हो
आज इष्काचा इष्काचा इष्काचा
फुलबाजा उडवा हो

भाग्य लेणं लेऊनी मी
वाण हाती घेऊनी
संसार मी मांडताना
हात होई लाजरा
चंदनाचे दार माझे
सोनियाचा उंबरा

गरम गुलाबी नवी नव्हाळी  
रात जागुनी करा दिवाळी
मदन राजाच्या शीनगराची
नशा मला चढवा हो 
आज इष्काचा इष्काचा इष्काचा
फुलबाजा उडवा हो

निरांजन लोचनी
दोन ज्योती लावुनी
अशी ओवाळींन देव आज आले मंदिरा 
चंदनाचे दार माझे
सोनियाचा उंबरा


Lyrics -जगदीश खेबुडकर JAGADISH KHEBUDAKAR
Music -राम कदम  RAM KADAM
Singer -उषा मंगेशकर , शोभा जोशी  USHA MANGESHAKAR,SHOBHA JOSHI
Movie / Natak / Album -लक्ष्मी  LAKSHMI

6 comments:

  1. याचा व्हिडीओ युट्यूब वर अपलोड कराल का?

    ReplyDelete
  2. HE GANE U TUBE VAR NAHI.KRUPAYA HA PURN CINEMA u TUBE VAR TAKAVA

    ReplyDelete
  3. PLEASE PUT THIS WHOLE PICTURE ON u TUBE

    ReplyDelete
  4. please show whole cinema on u tube

    ReplyDelete
  5. मी खुप सर्च केलं. हे गाणं युट्युबवर नाही. या दिवाळीत एफ एमवर वगैरे कुठेही ऐकु आलं नाही. या गाण्याशिवाय दिवाळी अपूर्ण वाटते. कृपया काहीतरी करा.

    ReplyDelete